Seguen sen poder pasar os camións pesados pola dársena de Malpica, provocando que moitas das familias que dependen da lonxa teñan grandes problemas para sacar a mercancía do porto. De aí a necesidade, como recoñece o alcalde Walter Pardo, de sacar adiante as obras de apuntalamento da dársena malpicá.

Unhas obras, que segundo lle confirmaba ao alcalde a presidenta de Portos de Galicia, Susana Lenguas, comezarán a vindeira semana. O organismo autonómico confirmou que as tarefas para asegurar a vía que conecta o porto e a lonxa arrancarán antes da primeira quincena de xuño. Será o primeiro paso para recuperar o acceso do tráfico rodado e reducir así as graves consecuencias na economía local.

Por outra banda, Pardo tamén insistiu na necesidade de buscar unha solución para as saídas da dársena coa que asegurar as condicións de seguridade das embarcacións e do persoal a bordo. Portos de Galicia afirmou ter en marcha estudos técnicos para reducir este risco.
Entre os temas tratados tamén estivo a urxencia de aprobar un convenio para regular o uso dos espazos portuarios para outras actividades, a autorización para a pesca deportiva en algunhas zonas dos portos e o arranxo da grúa do porto de Barizo.
Outra petición municipal foi a colaboración do ente autonómico para lograr a substitución de parte do mobiliario do porto malpicán que se atopa a carón da dársena seca.

Novas relacionadas

• 20-04-21: “Deberían botarlle man porque se está correndo demasiado risco na dársena de Malpica”.
• 19-02-2021: Novas propostas para a mellora da dársena de Malpica. Continúa o estudo experimental para establecer un sistema de comportas no peirao.
• Febreiro 2020: Dous anos despois, e as embarcacións seguen xogándose a vida no porto de Malpica.
• Decembro 2020: A Xunta volve usar un sistema experimental no porto de Malpica dous anos despois do accidente mortal do Silvosa.
• Agosto 21: As obras do porto de Malpica seguen a medias.
• Febreiro 2020: A Xunta pide paciencia para acometer as obras de seguridade do peirao de Malpica.
• Outubro 2019: A Confraría de Malpica espera polas melloras prometidas.
• Decembro 19: Comeza a instalación do radar que permitirá definir o proxecto de mellora da seguridade no peirao de Malpica.
• Oubturo 19: A Confraría de Malpica espera polas melloras prometidas.
• Outubro 19: Un radar, primeira medida da Xunta para revisar a seguridade do porto.
• Xullo 19: A familia do mariñeiro falecido en Malpica entrega 10.000 sinaturas para que Portos acometa obras de seguridade no peirao.
• Xullo 19: Walter Pardo e Leiceaga piden á Xunta a a execución das obras de mellora de seguridade no porto de Malpica.
• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.
• 20-12-2018: O mar cóbrase outra vida nun novo afundimento dun barco en Malpica.