Hai máis dun ano que parecen abandonadas. Pero segundo denuncian hoxe as entidades Verdegaia, Salva, Fins Eirexas e Asoar-Armega, nada máis lonxe da realidade. Estes colectivos aseguran ter “constatado a reanudación de colocación de peixes de cultivo, de colocación dunha nova gaiola e ampliación do perímetro das instalacións de cultivo de salmón atlántico na ría de Muros-Noia”.
Aseguran ademais que se fai “sen que por parte da Consellería do Medio Rural e Mar se teña informado ao sector pesqueiro-marisqueiro e organizacións ambientais e cidadás do porque de esta nova situación, e teña mantido un absoluto mutismo ao respecto dende o final da prórroga extraordinaria concedida”.

Consideran que “esta situación aínda é máis incompresible se temos en conta os desastrosos resultados obtidos no ano 2012 (xa temos demostrado en base a experiencias de cultivo anteriores e abundantes datos científicos que estes malos resultados ían pasar) e a cantidade de situacións irregulares rexistradas no mesmo: salmóns mortos no mar, uso do remolcador público ao servizo da empresa… etc etc”.

Lembran tamén “os graves prexuízos e afectacións que causa un proxecto acuícola deste tipo e nestas condicións aos sectores produtivos e aos ecosistemas mariños e zonas protexidas, afectacións que temos documentado ampliamente”.

Pedindo información

Os 4 colectivos, manifestan a súa oposición as instalacións, por ser negaitva para os recursos pesqueiros e marisqueiros, así como naturais e turísticos. Por todo isto, as entidades solicitan á Consellería do Medio Rural e do Mar:

• 1º.- “Información acerca do estado actual deste cultivo e alcance do mesmo: nº de gaiolas a instalar nos próximos días ou meses, nº de peixes a cultivar, produción prevista…”
• 2º.- “As razóns e documentos xuridico-administrativos que poidan avalar supostamente a súa continuidade legal, unha vez finalizada a prórroga extraordinaria concedida; e que organismos públicos están implicados nesa continuidade”.
• 3º.- “Unha explicación coherente de por que a Consellería non ten informado con tempo aos sectores produtivos e aos colectivos ambientalistas e cidadás que nos levamos opoñendo desde hai anos a este proxecto desta situación de facto que se esta a orixinar”.

Novas da loita contra o salmón en Muros

• 20-03-13: Denuncian o abandono das gaiolas de salmón tralo desprendimento dunha gran boia.
• 21-02-13: Denuncian que as gaiolas de salmón puideron traer un molusco invasor.
• 06-11-12: A EU investigará o caso das gaiolas de salmón da ría de Muros.
• 08-10-12: Denuncian que as gaiolas de salmón de Muros non están a ser produtivas.
• 13-07-12: A Fiscalía confirma as denuncias pola morte dos salmóns nas gaiolas de Muros.
• 09-05-12: Os Salmóns de Muros xa están denunciados formalmente en Bruxelas.
• 29-12-11: As gaiolas de salmón de Muros xa chegaron ao Parlamento Europeo.
• 01-12-11: As gaiolas de salmón de Muros tamén chegan ao Parlamento Europeo.
• 22-11-11: Pescadores e defensores do medio ambiente levan as gaiolas de salmón de Muros á Fiscalía.
• 18-11-11: BNG e PSOE cargan contra as gaiolas de salmón da ría de Muros.
• 17-10-11: A loita contra as gaiolas de salmón en Muros faise internacional con Greenpeace.
• 03-10-11: Unha de salmóns mortos en Muros.
• 15-09-11: Denuncian que o contrato coa empresa das gaiolas de salmón de Muros está caducado.
• 05-09-11: Denuncian que a Xunta cede a súa embarcación para salvar os salmóns de Muros.
• 06-06-11: A pesca artesanal e os ecoloxistas unen as súas forzas contra o salmón.
• A Xunta rexeita a proposición do BNG de anular as gaiolas de salmón en Muros.
• Muros e a Barbanza rexeitan as xaulas de salmón.
• 25-03-11: Aproveitan a noite para instalar as xaulas de salmón na ría de Muros.
• 17-03-11: Muros mobilízase por terra e por mar contra as gaiolas de salmóns que crean división en Carnota.
• 15-03-11: O mar de Muros rexeita frontalmente as xaulas de salmón.

Fonte

• Asoar Armega.