Cando nos tempos de hoxe está moi de moda o que se ven en chamar o turismo termal, fai cen anos, xa en Muros se abrira o público unha casa de baños, que tiña a súa ubicación no que hoxe son as instalacións municipais do Pozo do Cachón, e que de antano fora unha concesión realizada no ano 1839 a D. Ignacio Pérez Bazarra.


A autorización para por en marcha as obras de acondicionamento dos locais publicouse na Gaceta de Madrid, nº 73, o 13 de marzo de 1916, sendo o impulsor da iniciativa o promotor muradán D. Abelardo Dubert Siaba, quen tivo que sortear unha morea de trámites administrativos así como algunha que outra reclamación, como a formulada por D. Abelardo Romaní e outros, que presentaron alegacións ante a administración para que non se accedera o solicitado polo Sr. Dubert. Alegaba o Sr. Romaní que non era certo que se iñan a executar obras para baños; que de otorgarse a concesión non poderían amarrar e desembarcar os pescadores e que carecían as obras de zona de salvamento e vixiancia e que como consecuencia das que existen, escasean os mariscos na praia. A reclamación non prosperou, xa que a iniciativa contaba con todos os pronunciamentos favorables.

Realizadas as obras necesarias, as instalacións publicitábanse na prensa da época baixo o nome comercial de Casa de Baños Santa Rita, e tamén con moita sorte de referencias os servicios que ofertaba o establecemento.

O establecemento alcanzou grande fama pola calidade dos servizos que prestaba, que viñan avalados polo uso de procedementos de outros establecementos europeos como Carlabad, Marienbad, Franzensbad, Dx y St Amand, etc, ofrecéndose tamén baños de lodo e cieno, existentes nas proximidades do edificio, con cantidade crecida de sulfuros, según os análises que constaba en nota expedida polo Catedrático de Química Analítica da Facultade de Farmacia de Santiago, Sr. Deulofeu, e que estes baños eran moi indicados para todas as dermatoses, e moi especialmente para os eccemas, .
Esta casa de baños foi todo un éxito, e doulle fama a Muros, pero a súa permanencia no tempo foi efímera por motivos relacionados coa economía nacional que naqueles tempos estaba pasando por malos momentos.
 

• Manuel Lago Álvarez, Manolo de América

Outros artigos de Manuel Lago Álvarez

• A Avenida de Bos Aires de Muros
• A división territorial de Muros en 1836
• O reloxo de sol da rúa Ancha
• A Banda de Música de Muros.
• O Xuíz e os touros.
• O Tren a Muros
• Curiosidades muradanas: Mariñeiro agredido con un bastón, no ano 1754
• Muros: o motín de 1899
• O beato de Arias de Presno e a Campa Santa
• Muros, 1846: o axustizamento de Ginés Mato
• O brazo perdido e atopado