Martes. 19.03.2024
El tiempo

Chavela Vargas no inicio do novo curso na Galería Mulleres

Chavela Vargas no inicio do novo curso na Galería Mulleres
Dí Pedro Almodóvar, tan irreverente coma beato, que tan só Xesucristo e máis eu sabemos abrir os brazos. Para que non se alarmen os curas e me tachen de blasfema, digamos que hai razóns distintas. El estaba crucificado, así que non tiña máis remedio que estar cos brazos abertos.. Eu abro os brazos e ofrezo as mans, non para que me crucifiquen, aínda que máis de un quedaría con gañas, senón para abrazar ao mundo. Estas son algunhas liñas da protagonista do mes de setembro de 2012 da Galería Mulleres do Concello de Muxía. Unha Galería que segue, dende marzo de 2010 repasando a historia da muller nome a nome, personalidade a personalidade. Este setembro toca Chavela Vargas (San Joaquín de Flores, Costa Rica, 17 de abril de 1919 – Cuernavaca, México, 5 de agosto de 2012). Vargas é un dos grandes mitos música popular. Foi musa de poetas e cineastas, vivindo a época dourada do México dos anos 40 e 50, e relacionándose con artistas como Diego Rivera, Frida Kahlo, Bette Davis ou Elizabeth Taylor. Tras unha longa travesía polo deserto, volve aos escenarios nos anos 90. Pero Chavela é ante todo unha loitadora, cunha infancia difícil marcada polo desamor e uns comezos duros, pero que tras a súa loita convertiuse nunha deusa no escenario, que nos leva a sentir cunha intensidade que só a súa voz e os versos que ela di poden facer sentir. Muller imprescindible, de traxectoria vital nada doada, que ela transmite unha visión da vida fundamentalmente apaixoada. Como ela mesmo dixo, Chavela é unha maga.

Novas relacionadas

Galería Mulleres de Muxía

Fonte

Comentarios