Sábado. 14.12.2019
El tiempo

A Galería Mulleres preséntanos á pedagoga Antía Cal

A Galería Mulleres preséntanos á pedagoga Antía Cal

O mes de xullo de 2012 é o mes de Antía Cal na Galería Mulleres que artella a Biblioteca da Muller do Concello de Muxía. Unha Galería que trata de ir recollendo personalidades femininas senlleiras de todo o mundo, que serve para que coñezamos a historia a través dos seus nomes, e que xa cumple 2 anos e 5 meses.

Hoxe coñecemos pois a Antía Cal, pedagoda cubana nacida na Habana do 1923, filla de emigrantes galegos (de Muras- Lugo), que voltou a Galicia sendo nena. A Renovación pedagóxica e o seu labor galeguizador son os dous ámbitos da traxectoria de Antía Cal polos que a Fundación Otero Pedraio otórgalle, neste ano 2012, o Premio Trasalba.

Antía estudou tres carreiras: “Meu pai ordeoume que estudase Comercio, pero eu quería facer Maxisterio. Fixen as dúas, primeiro a de papá e despois a miña, e en 1941, con 19 anos, xa tiña dúas carreiras feitas”, logo licenciouse en Filosofía e Letras (1945).

Casou co galeguista de esquerdas Antón Beiras, moi importante na súa vida e na súa formación galeguista, con el realiza unha viaxe por Europa que a pon en contacto con correntes renovadoras na pedagoxía. Fundou o colexio Rosalía de Castro, en Vigo. O Rosalía de Castro caracterizouse polo seu traballo normalizador na nosa lingua e o achegamento do alumnado ás figuras da nosa cultura e a nosa historia. No Rosalía de Castro cada aula levaba o nome dun persoeiro galego, de Eduardo Pondal a Castelao pasando polo mesmo Alexandre Bóveda.

Máis información

Na Biblioteca da Muller do Concello de Muxía podes atopar os libros:

  • CAL, ANTÍA. Este camiño que fixemos xuntos. Galaxia.
  • ABAD ABAD, Mª LUISA. Manual para coeducar na escola infantil.
  • MARCO, AURORA. Mulleres e educación en Galiza. Ed do Castro.
  • MARCO, AURORA. Diccionario de mulleres galegas. Xunta de Galicia.
  • RIVAS BARRÓS, SABELA. O ideario educativo do galeguismo. Escolma de textos e fontes. Ed do Castro.

Novas relacionadas

Galería Mulleres de Muxía

Fonte

Comentarios