Esto de saír a correr é unha verdadeira paixón xa na Costa da Morte. Este pasado domingo, tiña lugar en Vimianzo a 2ª Carreira Popular do Circuito Correndo pola Costa da Morte, despois do éxito da estrea en Camariña. E a IV Pedestre Concello de VImianzo batía todas as marcas de participación con máis de 600 atletas. Non chegaron todos a meta, pero case medio millar completaron o seu circuito demostrando que pelexar contra o seu propio corpo é todo un desafío.

Ademais, o Club Deportivo Costa da Morte está tremendamente satisfeito pois xa superan os 210 inscritos no Circuito (só de adultos), para o que terán que disputar un mínimo de 6 probas. Outra proba do éxito do atletismo, doblando a cifra do ano pasado.

A gran proba dos 10K

Malia que os cativos son os que xuntan máis afección (hai que ver aos pais e nais como se volcan animando aos seus peques en plena carreira), seguen sendo a proba dos 10K. Estaban os grandes favoritos, como o campión do Circuito do ano pasado, Cristian Muíño; ou o vimiancés Míchel Antelo, que viña de facer un maratón espectacular na Coruña. E non fallou o coristanqués Muíño, do Club Os Muditos, que volveu subir o máis arriba no podio cun ritmo de 3’28’’ o km, por diante do carballés David Landeira, só 3 segundos por detrás, e Míchel Antelo, que chegou a 18 segundos do gañador.

Completaron o repóker outros dous atletas que estiveron escapados, o santiagués Manuel Nodar e o zasense César Vázquez.

En féminas, partía a vimiancesa Teresa Castro como favorita, pero foi a carballesa Vanessa Lafuente a que, cun ritmo de 3’59’’ subiu ao máis alto do podio, que completou a herculina Eva Isabel Babiano.

Os 5K

Está collendo máis e máis sona a proba de 5K. Foron 82 atletas os que preferiron esta proba, algo máis explosiva e menos esixente. E a cousa case queda na casa. O vimiancés Damián Espasandín, de Dafit, quedou a só 17 segundos do campión, o santiagués Amador Pena, e superaba na recta dinal a Óscar Pazos, de Cambre. Quedou algo máis atrás o corcubionés José Manuel Lago, que comezou moi forte pero que foi de máis a menos.

Xa están todos pensando na seguinte proba, o 23 de maio en Dumbría.

Novas relacionadas

• Míchel e Manu Dosil, hai vida no deporde despois do Fútbol da Costa.
• Unha Carreira para integrar.
• Os Vikingos e as Bicis tomaron os montes de Carnota por Semana Santa.
• Muros tamén se prepara para a súa Carreira do Espíritu Santo.
• Case 400 atletas no comezo en Camariñas do II Circuito Correndo pola Costa.
• En marcha o II Circuito Correndo pola Costa da Morte 2015.
• Os Irmandiños tamén saben correr a súa Legua.
• Dumbría e Pedro Nimo únense ao Circuito Correndo pola Costa da Morte 2015.
• O coristanqués Cristian Muíño, campión do I Circuito Correndo pola Costa da Morte despois de vencer en Muxía.

Máis novas

• Dous pontecesáns na proba de aventura máis esixente do mundo.
• Unha trasna, a única española en completar o Ultratrail de Alaska.
• O Ultratrail Camiño dos Faros xa ten data para 2015.
• 2014: 7 heroes completan o Ultratrail Camiño dos Faros.
• Jorge Lariño: Saio a correr, non saio a running.
• A Federación Galega de Atletismo premia ao Concello de Carballo.

Fonte

• Redacción de QPC ([email protected]).