Martes. 19.03.2024
El tiempo

"Xa non tendes moita xente, pero agora coas obras da ponte menos”

Ponte Baio (6)
Obras na Ponte de Baio
"Xa non tendes moita xente, pero agora coas obras da ponte menos”
Dende a Asociación de Empresarios queremos que queda constancia dos problemas que están a producir as obras da Ponte. Si xa a pandemia non da tregua, agora na Comarca de Soneira temos un problema a maiores, as obras que sabemos cando empezan pero non cando rematan.

Mentres os rexedores de Vimianzo e Zas esperan resposta da Xunta, os empresarios da zona queren dar constancia dos problemas que están a producir as obras da Ponte. “Si xa a pandemia non da tregua, agora na Comarca de Soneira temos un problema a maiores, as obras que sabemos cando empezan pero non cando rematan”, explican dende a Asociación de Empresarios Comarca de Soneira.

”Realmente este ano, en plena época estival era necesario poñerse a cortar o tráfico da vila? Foi empezar o verán e empezar cas obras?, pregúntanse. “Non dicimos que non sexan necesarias (despois de 10 anos de promesas, pero podíase ter escollido outras fechas”.

Pero é que ademais, “xa non bastaba coas obras, que nun mes que levan, xa hai retrasos. Nesta fecha deberíamos ter un carril acondicionado para o paso de vehículos, pero parece que aínda non vai ser para agora. Esperamos que a reunión que teñen o alcalde de Zas, Manuel Muíño, e a alcaldesa de Vimianzo, Mónica Rodríguez, sexa frutífera”.

Mentres tanto aseguran que todos os días escoitan dos seus clientes frases do tipo: “Xa non tendes moita xente, pero agora co tema da ponte menos”; “Xa que teño que coller a autovía, xa vou cara Carballo”; “Si chego a saber que teño que dar tanta volta, vou a outro sitio”; “ Uiii, perdón, pero coa volta que teño que dar, xa chamei a outro sitio para a cita”; “Vaia rollo ter que vir agora ata aquí”…

”A pandemia fixo e sigue facendo dano nos establecementos da zona, pero agora temos outra pandemia máis: as obras que sabemos cando empezan pero non cando rematan”.

Artigos relacionados

Historial das obras da ponte de Baio

  • 23-07-21: Vimianzo e Zas piden explicacións á Xunta polo retraso das obras de Baio.
  • 28-06-21: A ponte de Baio queda pechada ao tráfico ata o 17 de xullo.
  • Así son as obras da ponte de Baio.
  • Xuño 21: Comezaron as obras da ampliación da Ponte de Baio... 10 anos despois.
  • 2016: Denuncian a redución do proxecto de ampliación da ponte da Piroga
  • Xaneiro 2016: Realizan catas para ampliar a senda peonil da ponte de Baio
  • 2011: A Xunta licita a Ponte da Piroga.
  • Comentarios