Sempre defendín que as alcaldías deben ser remuneradas, porque se trata dun cargo que esixe plena dispoñibilidade (24/7, como se di agora). O feito de que algúns alcaldes ou alcaldesas poidan compatibilizar a presidencia da Corporación municipal coa súa actividade laboral previa tamén parece lóxico, aínda que son dos que opinan que ese cargo debería desempeñarse en exclusividade. En calquera caso, pola dedicación parcial, é xusto percibir as retribucións correspondentes.

Actualmente, o criterio para fixar o soldos máximo dos cargos electos determínase en función dos habitantes do termo municipal. Non como sucedía con anterioridade a 2014, onde cada alcalde ou alcaldesa propoñía de forma arbitraria o seu soldo para que fora aprobado polo pleno.

Todo isto vén a conto, porque fai uns días o Ministerio que dirixe María Jesús Montero publicou as percepcións dos cargos electos municipais, que se recolle na plataforma de Información Salarial de Postos da Administración (ISPA), grazas aos datos proporcionados polas propias entidades locais.

Pois ben, na Táboa preséntase a clasificación alfabética dos nosos concellos indicando o tipo de dedicación, o tope máximo permitido e, na última columna, o soldo que cobraron os alcaldes e alcaldesas.

Nota: Tras consultar os datos cos concellos confirmamos que só o alcalde de Dumbría non ten dedicación ao estar xubilado. Os de Laracha e Carnota si teñen dedicación exclusiva, pero debeu haber algunha problemática no traslado de datos ao Ministerio

Respecto das contías, os soldos por dedicación exclusiva oscilan entre os 30.000,00 euros de Mazaricos e os 46.999,96 euros de Santa Comba (lembremos que a información é referente ao exercicio 2020).

Pero ao marxe das cantidades –xa que, como en todo, o que para uns é moito para outros é pouco–, tamén se destaca na Táboa que Fisterra é o único dos nosos concellos que non proporcionou información ao Ministerio. Integra ese pequeno grupo de 39 concellos galegos que incumpriron o principio de transparencia. Por iso, non está de máis esixirlle ás persoas titulares do órgano interventor que atendan a súa obriga de obter e remitir esa información á que, por Lei, están obrigados.

• Domingo Guerra ([email protected]). Economista. Especialista en economía pública e política económica pola USC.

OUTROS ARTIGOS SOBRE ECONOMÍA MUNICIPAL DE DOMINGO GUERRA

• Un maná que debemos aproveitar.
• Vacacións: non toca escribir sobre economía municipal/a>.
• Fiscalización operativa. Xa é hora.
• A morte do orzamento.
• Despois de xaneiro.
• Momento para o consenso e transparencia.
• Suspensión de regras fiscais.
• A detección de riscos na prevención da corrupción .
• Navegando na «chalana».
• As previsións do FMI
• Fraxilidade económica
• 2020, unha nova década
• Comezar de cero
• Arqueo e inventario.
• A factura electoral.
• Volver a votar.
• Autonomía fiscal.
• Auditores privados nas intervencións municipais.
• Cartos e máis cartos en bancos sen rendibilidade.
• Debemos tributar máis?.
• A Tesourería Municipal.
• Cos deberes feitos.
• Perdemos poboación.
• A conta (413) «Acredores por operacións pendentes de aplicar ao presuposto».