Importante achegar ainformación e os proxectos aos veciños para combater os medos. Así o entendeu a Asociación Monte Pindo Parque Natural que levou unha charla informativa ata a vila onde se supón un maior rexeitamento ao proxecto conservacionista.
I é que a loita está bastante politizada e nin todo o pobo o Pindo está en contra do Parque Natural como di o PP, nin só unha minoría está en contra como di o BNG.

En todo caso, a charla informativa do pasado sábado serviu para informar, a uns veciños que sobre todo critican o seu descoñecemento. Un descoñecemento que se traduce en medo, polo que estas charlas, se cadra con máis datos ou máis experiencias. Por exemplo, botaron de menos os veciños a presencia dalgún veciño de Corrubedo que estea a favor do Parque Natural, para escoitar os argumentos de primeira man. De feito, estaba prevista a presencia da Directora do Parque, pero non recibira a necesaria autorización da Xunta para participar.

Falou, e falou moi ben, Serafín González, presidente dunha Sociedade Galega de Historia Natural que vén de denunciar a erosión que están producindo as cinzas nas áreas marisqueiras. Serafín mesmo escoitou e entendeu aos veciños afectados, e quixo facerlles ver a riqueza dos valores naturais e ecolóxicos con que conta o monte e que xustifican esta medida.

Tamén falou Martiño-Fiz López, biólogo e representante de ADEGA no Observatorio Galego da Biodiversidade, quen criticou a presencia das piscifactoría, un tema bastante polémico na zona pola cantidade de postos de traballo que xenera.

Pero o momento máis esperado foi a rolda de preguntas. E as houbo, e se responderon, malia que moitos veciños pedían algo máis de concreción. Pero dende logo foron moi interesantes os argumentos de ida e de volta, que puxeron sobre a mesa algúns temores, "infundados" para a entidade organizadora, en parte da veciñanza. E para iso son as respostas, para quitar o medo.

As preguntas máis recorrentes versaron en torno a coñecer as limitacións que se derivarán desta figura, nomeadamente en materia de urbanismo, industrialización e acceso ao espazo natural. A resposta a mesma en todos os casos, segundo a MPPN: "o Parque Natural non vai conlevar ningunha limitación que non exista xa coa Rede Natura salvo que os veciños e axentes sociais así o decidan. Sen embargo, a diferencia do que acontece coa Rede Natura o Parque Natural si obriga a facer uns investimentos anuais e a crear un organismo no que poderán participar e opinar veciños, asociacións, concellos, etc... Ademais, obriga a constituir corpos de vixilancia e conservación que xerarían un número determinado de postos de traballo, unha cuestión que foi moi valorada polos asistentes, pois ademais hai que sumarlle aos xerados no sector servizo polo importante impulso que suporá esta figura ao turismo de calidade".

Rematou a Asociación Monte Pindo Parque Natural agradecendo o interese de todos os veciños do Pindo, e invita a que "mediante o diálogo todos podemos entendernos e lograr xuntos o mellor para o noso pobo". Quedan enriba da mesa dúbidas sobre os límites visuais do Parque, afondar nas normativas e esixencias e prohibicións sobre terreos privados, pero de seguro que poden solventar na seguinte xuntanza veciñal.

Máis información

• SOS Monte Pindo.

Novas relacionadas

• 01-11-13: Arrinca en Difuntos o proxecto SOS Monte Pindo.
• 30-10-13: O parque natural achegase ao Pindo.
• 25-10-13: As temidas escorrentías arrastran ríos de cinsa polo Monte Pindo abaixo.
• 21-10-2013 O Monte Pindo pide Socorro!.
• Apadriña unha árbore no Monte Pindo.
• 21-10-2013: As cinzas do incendio do Monte Pindo xa contaminan o mar.
• 10-10-13: O Monte Pindo sae do Parlamento como entrou.
• 09-10-13: Pallas ao monte.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Leö Kch berra en silencio polo Monte Pindo.
• Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Monte Pindo Parque Natural.
• Redacción de QPC ([email protected]).