Volve o tempo facer das súas en Galicia provocando modificacións nos primeiros festivais da Costa da Morte. Arrinca a Axenda Sonora esta fin de semana no Pindo, coa primeira cita do Orballo Cultural, ese festival itinerante, nado en Muxía, que dinamiza o verán de todo o país. Pero faino a cuberto.

A entidade organizadora, debido ás previsións metereolóxicas, realizará os concertos desta fin de semana en interior, no mesmo porto do Pindo, grazas á colaboración da Asociación Pedramar.

Ademais, a entidade organiza o evento de forma gratuita e devolverá os cartos aos que xa mercaron a entrada.

Lembren que o venres pola tarde, a partir das 18:00h haberá a Gala do alumnado da fantástica Escola de Música de Carnota; e para o sábado, ás 12:30h, Grande Amore e Lisdeixa, e ás 19:30h Adhara&Ritman e Deleiba.

Novas relacionadas

• A ESMU de Carnota afronta unha movida recta final do curso e xa pensa no seguinte.
• 2021: Naturalidade, compromiso e talento triunfan no Orballo Cultural.
• A música voltou soar co Orballo Cultural en Portocubelo.

Novas da Axenda Festivaleira da Costa da Morte

• O retorno do Sereas e Piratas xa ten cartel.
• O Festival Sereas e Piratas volverá encher de música a praia de Razo.
• Vimianzo prepárase para 25º aniversario do Asalto ao Castelo.
• O Festival das Carrilanas e o Castelo Rock xa contan as horas co cartel ao completo.
• “Unha Carballeira para tod@s”.
• O Orballo Cultural volve arrincar o verán en Carnota.
• Dous escenarios para o Rockin’Carballo.