A escritora e docente no CPR Manuela Rial Mouzo Guadalupe Vázquez Formoso presentou o sábado 20 na Casa de Cultura de Cee a súa segunda novela, “Carburos é o meu dios”, acto ao que asistiron preto de cen persoas.

“Carburos é o meu dios é unha obra de lembranza histórica e homenaxe aos traballadores da fábrica e do Salto Castrelo”, explicou a autora, “pero tamén son palabras saídas da alma, palabras reais pronunciadas por un que foi un orgulloso traballador de Carburos Metálicos: o avó Gerardo Parga Sánchez, e tantos outros que compartían esa idea, como podía ser o meu propio avó de Louredo, Manuel Vázquez Trillo – o “carnotán” para os seus compañeiros da fábrica –, que traballaron dando sempre o mellor de si mesmos e agradecendo cada peseta que recibían, por permitirlles algo básico para calquera home: a dignidade que dá o traballo, e poder alimentar a unha familia.”

Proxectouse tamén un vídeo de fragmentos de entrevistas feitas pola autora a antigos traballadores das obras do Salto Castrelo como traballo de documentación para o seu libro. Neste caso, fragmentos da entrevista feita á señora Celina, do Ézaro, de noventa e un anos de idade.

O acto finalizou coa guinda musical ofrecida pola Agrupación Chan das Lamas, de Quilmas, veciños de Guadalupe, que obsequiaron ao público asistente con fermosas pezas tradicionais como “o galo cando canta é día”, adaptado a Quilmas.

NOVAS DE GUADALUPE VÁZQUEZ

• Decembro 23: Guadalupe Vázquez lanza "Carburos é o meu dios", a súa segunda novela ambientada en Cee.

• Decembro 23: Lupe Vázquez e Lupe López presentaron o libro de autocoñecemento "Son Relampio no Monte Pindo" en Cee.

• Novembro 23: Guadalupe Vázquez Formoso estréase como escritora de libros de autoaxuda.
• Setembro 23: A ceense Guadalupe Vázquez recolleu o Premio do Concurso de Relato Curto de AFAGA en Vigo.
• Xuño 23: Guadalupe Vázquez, gañadora dun premio do IX Concurso de relatos curtos de AFAGA.
• Abril 23: As pequenas fillas da Ruña.
• Marzo 23: “Filla da Ruña” é o novo libro de Guadalupe Vázquez Formoso.
• Marzo 23: Guadalupe Vázquez rescata na casa a historia e a riqueza fonética de Quilmas.
• Febreiro 2023: Guadalupe Vázquez arrincou en Cee a súa xira de presentacións dos "Contos de Quilmas”.
• Dcembro 22: Guadalupe Vázquez Formoso non para de publicar e estrea a súa novela “Conto de Quilmas”.
• Novembro 22: A terceira aventura do Saltarín de Guadalupe Vázquez dase polo Monte Pindo:
• Guadalupe Vázquez Formoso fixo voar ducias de Saltaríns.
• A mestra Guadalupe Vázquez leva a pequenos e grandes ata a Fin da Terra co seu segundo conto “Saltarín”.