Luns. 26.02.2024
El tiempo

As Xornadas Micolóxicas de Pan de Raposo xa teñen data e programa

Xornadas Micoloxicas Costa da Morte 2023-Cartel
As Xornadas Micolóxicas de Pan de Raposo xa teñen data e programa

Xa temos citas micolóxicas na Laracha, en Carballo. Pero se cadra a máis senlleira da comarca sexa a que a Asociación Micolóxico-Naturista Pan de Raposo artella cada outono en Cee.

As XXII Xornadas Micolóxicas da Costa da Morte, que este ano combinan coa LXI Semana Galega da Micoloxía, celebranse os días 4 e 5 de novembro co epicentro na Casa da Cultura de Cee.

Xornadas Micoloxicas Cee 2022-Foto-Rafa QUintans 2
Imaxe da exposición do ano pasado - Foto: Rafa Quintáns

Programa

Coma sempre, a exposición de cogumelos (e de traballos escolares) e as súas visitas guiadas (ás 12:00h) serán o eixe das xornadas. Para conseguir as máis de 200 especies que adoitan expor, abre a saída con expertos o mércores 1 de novembro.

Ademais da saída e a exposición, haberá varias charlas. O sábado 4 ás 17:30h, José María Costa Lago falará dos “Cogomelos do ques do Banquete de Conxo”; mentres que o domingo ás 17:30h, será o noso Jose Manuel Castro Marcote o que fale, máis tecnicamente, dos “Tricolomas”.

Ademais, non falta a arista gastronómica, e o sábado e o domingo haberá 4 haberá degustación de petiscos de cogomelos nos seguintes establecimentos: Hostal La Marina, Mesón As Viñas e O Rincón de May.

Xornadas Micoloxicas Costa da Morte 2023-Cartel-Programa

 

Outras citas micolóxicas

Novas relacionadas

Histórico sobre as Xornadas Micolóxicas de Cee

 

ARTIGOS DE JOSÉ M. CASTRO MARCOTE EN QPC SOBRE MICOLOXÍA

Comentarios