Domingo. 03.07.2022
El tiempo

O Comité de XEAL denuncia pola vía penal a operación de compra-venda das fábricas e as centrais

  • O Comité critica que a empresa contrata ao fillo do alcalde de Dumbría no posto dun dos traballadores despedidos por declarar a favor dunha compañeira
OLYMPUS DIGITAL CAMERA
Fábrica de Dumbría
O Comité de XEAL denuncia pola vía penal a operación de compra-venda das fábricas e as centrais

Continúa a marexada social nas fábricas de Cee e Dumbría. Desta volta, e ante a inacción da Xunta para facer cumpliar as clásulas da concesión e a sentenza do TSXG, o Comité de Empresa vén de presentar unha denuncia na vía penal contra a operación de compra-venda das fábricas e as centrais hidroeléctricas. Unha denuncia contra a directora Augas de Galiza, o conselleiro delegado do Grupo Ferroatlántica, os administradores de Ithaka Partners e o apoderado de XEAL por posíbeis delitos de prevaricación por omisión, delito de prevaricación polo ditado dunha resolución inxusta e por un delito contra os traballadores.

Todo en base á que a operación foi unha ”fraude” para poder ir desmantelando paulatinamente as fábricas, posto que o interese único do fondo de investimento comprador foi e será a produción hidroeléctrica. "Vémonos na obriga de ter que denunciar penalmente a operación de compra-venda para salvagardar os intereses dos traballadores e traballadoras presentes, dos que poidan entrar no futuro, do colectivo de persoal pasivo, e garantir o futuro industrial da comarca", aseveran dende o Comité.

Lembran que Ferroglobe, a pesar da venda, segue a ser o único cliente e o principal proveedor das fábricas, incluso “correndo con todos os gastos, incluídas as nóminas do persoal”; mentres que a dirección actual "o único que xestiona son as centrais hidroeléctricas, incumpríndose así as cláusulas concesionais".
Ademais, recordan que xa van 30 postos directos e 80 eventuais perdidos dende 2019, ademais de diferentes conflitos laborais.

Criticas á política de persoal

E precisamente, nesa liña de “desmantelamento” e recortes de persoal, o Comité ao completo quere manifestar a súa sorpresa coa “contratación do fillo do alcalde de Dumbría, para ocupar o posto do traballador despedido por declarar a favor dunha compañeira que denunciou a outro por acoso”. “Non estamos en contra de que se contrate xente, pero se están deixando de cubrir postos, sacando postos de fabricación para poñer nas oficinas… é curioso”, critica o Comité sorprendido por unhas declaracións do alcalde na Voz de Galicia no que asegura "non ter coñemento de que haia conflitos" na fábrica dumbriesa.

Todas as novas relacionadas con XEAL

comentarios