Sábado. 04.07.2020
El tiempo

As sanitarias máis veteranas piden respecto ás listas de contratación ante a renovación dos Reforzos do COVID-19

Maxi (Corme), Eva (Corme), Begona (Cerqueda) e Bea (Coristanco) son sanitarias do CHUAC afectadas pola vulneración do Pacto de contratación do SERGAS, que cada mañá se desprazan ata o CHUAC para alzar as súas protestas
Maxi (Corme), Eva (Corme), Begona (Cerqueda) e Bea (Coristanco) son sanitarias do CHUAC afectadas pola vulneración do Pacto de contratación do SERGAS, que cada mañá se desprazan ata o CHUAC para alzar as súas protestas
As sanitarias máis veteranas piden respecto ás listas de contratación ante a renovación dos Reforzos do COVID-19
Maxi é de Corme e está a punto de xubilarse como TCAE internina no CHUACH. Eva, tamén cormelá, leva dende 2015  sendo TCAE interina, pero non lle falta traballo porque está moi arriba nas listas de contratación. Bego é Cerqueda, leva todo o mes na casa a pesar de ser unha veterana no Hospital coruñes.

Todas están sendo perxudicadas, dalgún modo ou outro, da medida do SERGAS de renovar automaticamente os contratos de todas as profesionais que foron chamadas para reforzar o sistema sanitario na loita contra o COVID-19, despois dun movemento a nivel estatal. Unha renovación que é xusta, e que debería asumirse polos gobernos autonómicos para recuperar a dignidade perdida do sistema sanitario público galego. Pero a realidade é ben diferente, e esas renovacións conlevan danos colaterais graves, como é que as sanitarias que levan anos na parte alta das listas vén, como de súpeto, as que entraron na última ondada para reforzar o sistema en tempos de crise, lles pasan agora por diante.

E non será porque estas profesionais non estivesen en primeira liña, porque tamén lle tocou traballa cara a cara co virus, como é o caso de Eva Vidal Doldán, que estivo na planta de críticos do CHUAC durante toda a pandemia. A cormelá explica que “só” ten que firmar unha ducia de contratos ao ano porque está moi ben posicionada nas listas despois de 15 anos traballando e 3 oposicións aprobadas. Pero a súa veciña de Cerqueda Begoña Gómez leva xa un mes na casa por esta causa. Ambas, percorren cada día os 60-70 km que separan as súas vilas da Coruña para acodir ás 12:00h ás concentracións convocadas arredor do grupo “sanitarios parados obligados, que piden “respecto ás listas de contratación”.

 
 
 
 
 
 
 
 
 
 
 
 
 

Por segunda vez esta semana, sanitarios parados obligados y sanitarios que se solidarizan con esta causa se concentraron delante del Hospital CHUAC de A Coruña, a las 12 de la mañana, con mascarillas obligatorias y manteniendo la distancia de seguridad, en muestra de su disconformidad con la adjudicación irregular de los contratos de sustituciones. . Estas adjudicaciones perjudican al personal que esta en listas públicas porque dejan de adjudicarseles los contratos: cada día no trabajado, es dinero y puestos en listas perdidos. . No tenemos años de experiencia laboral y oposiciones aprobadas para que ahora el SERGAS decida saltarse la normativa que le obliga a adjudicarnos a nosotros esos contratos de sustituciones. . Siempre hemos trabajado para los gallegos y también ante el Covid19. Queremos seguir haciéndolo. Respeto al Pacto de Contratación ya! . #Coidaaquentecoida #quiencuidadequientecuida #cuidaaquientecuida #covid_19 #covid-19 #SanidadPublica #Galicia #SanitarioParadoObligado #SanitariaParadaObligada #SanitariosParadosObligados #Feijoocumpreanormativa #sanidadepublica #sanitariosnecesarios

A post shared by Sanitarios Parados Obligados (@sanitarios.parados.obligados) on

O mesmo acontece en Cee

Tres cuartos do mesmo están sufrindo as profesionais sanitarias da área de Cee. Unha vez que a carga de traballo nos pacientes de Covid19 positivos, diminuíu nas unidades, ou prácticamente desapareceu, “a renovación destes reforzos implica que se utilizarán para cubrir as vacacións do persoal fixo, privándonos, as que levamos anos e anos nesta situación, dun contrato, relativamente estable”, explican dende o colectivo Enfermeiras Eventuais en Loita Cee.

Lamentan a situación pois ademais “o verán, para as Eventuais, é a época de traballo e de poder ter un contrato un pouco longo, 2-3 meses, e así, por unha vez no ano, podemos organizarnos coas nosas familias”.

Matizan que “estas protestas en ningún momento van dirixidas ás compañeiras que teñen estes contratos. As nosas protestas van dirixidas, coma sempre, a opacidade do SERGAS e a vulneración dos nosos dereitos, ganados co sacrificio que conleva estar nestas listas (non son novas as nosas protestas polas condicións dos nosos contratos), co esforzo de ter aprobadas varias OPES e seguir nesta situación de precariedade”.

”Non é o momento de deixar sin traballar a xente que leva anos e anos sufrindo a precariedade do SERGAS, que ten experiencia en todas as áreas da Sanidade. É o momento de contar con todos e todas!”, sentencian dende o colectivo costeiro.

O proceso

Facemos un repaso polas datas do proceso. O 15 de abril, aos reforzos, envoltos en plena Pandemia, rescindiuselles o contrato, que estaba firmado ata o 30 de abril. Dende Enfermeiras Eventuais en Loita, fixose pública esta situación demostrando que era unha inxustiza, xa que, os reforzos nese momento aínda eran necesarios e todo o persoal estaba traballando e o Sergas recuou manténdolle o contrato firmado previamente ata o 30 de abril.

A partir do 30 de abril, as listas de contratación xa dispoñían de persoal para cubrir as necesidades do Sistema, que disminuirán en gran medida, pero o Sergas, vulnerando a disposición 4/2020, na que se especificaba, que en todo o momento se manterían as contractacións segundo a orde de dispoñibilidade das listas de contratación, vulnerou o Pacto de contratación de 2016, e renovou directamente os contratos xa outorgados a modo de compensación, deixando no Paro a gran número de compañeiras, que estiveran traballando en "primeira liña", só que no seu contrato, non tiñan a denominación Reforzo de Covid19.

Todo cambia cando o 22 de maio, o SERGAS prorroga todos eses contratos de reforzo ata o 31 de agosto.

Novas relacionadas

Profesionais sanitarios en tempos de covid-19

12 meses 12 causas

comentarios