Nova fin de semana completa de deporte esta última de abril. E con moitas cousas, pois ademais do fútbol teremos torneo e liga de fútbol sala, baloncesto, tenis de mesa, un espectacular torneo de Xadrez en Muxía… e surf, pero a proba de Lariño será o mércores 1 de maio, igual que os Dezasesaivos da #CopadaCosta. E, por certo, para os que gusten da natureza, tamén hai programadas citas co sendeirismo por Soneira e Malpica.

E antes de comezar a análise da Previa do #futboldacosta, podedes ollar os acordos aos que chegaron os poucos clubes da Costa presentes na importante reunión de onte.
E imos xa ca previa, comezando por unha insulsa Preferente na que os equipos costeiros seguro que terán un ollo pendente nos Desaseisavos de Copa do mércores 1 de maio, que ademais son a un partido e na que o Dumbría terá o choque máis esixente ante o Cee.

Xornada trascendental na 1ª Autonómica para os tres equipos en apuros. O Fisterra non pode pinchar o sábado no campo dun pechacancelas xa descendido. Mentres o Camariñas, con baixas tralo parte de sancións, visita nada menos que a cancha do líder, que pode, e vai querer, cantar o alirón na casa a pesar da boa liña de resultados dos de Berto lonxe do Hermanas Patiño. E o Ponteceso necesita sumar tamén ante un Arzúa que non se xoga máis que a 5ª praza. Os 3 cun ollo en Noia, onde o cadro local, aínda con opcións de ascenso, recibe a un coñecido Flavia, o equipo a batir para evitar o descenso dos noso 3 equipos.

Tres saídas complicadas teñen o trio de arriba nesta antepenúltima xornada da 2ª Autonómica. E ningún pode fallar se non quere perder opcións ao título e mais á promoción. O Cee visita o sábado ás Redondas, ante un Cabana que ten a última opción de intentar safar da posición de posible arrastre. O líder, a Esteirana, ten derbi co Outes e o Baio visita Lombáns. O que necesita sumar tamén é o Mazaricos para non deixarse cazar polo Cabana, pero non o terá fácil no Cairo ante un Corme que está a tope neste treito final de Liga, pensando e moito na Copa.

O partido da xornada xógase sen dúbida na 3ª Autonómica. Derbi entre 2º contra 3º, con só un punto de distancia entre ambos. Porteño e Camelle afrontan o choque como unha final, pois o partido vale nada menos que a diferencia entre un ascenso directo e unha dura promoción. Ningún dos dous equipos chega no seu mellor momento, pero se prevé un tenso partido, cun ambiente de excepción na Grixa.
Polo demais, o Laxe, se xogar pero sumando os puntos do filial fisterrán, pode certificar e completar así os equipos que xogarán a Fase de Ascenso, sempre que non gañen Ameixenda e Nantón.

Continúa a Copa da Costa Xuvenil coa volta das semifinais máis igualada que nunca. Cabana e Outes parten con vantaxe tralo 3-1 da ida ante Mazaricos e Outes, pero as outras dúas eliminatorias remataron en empate e se decidirán en Cee e en Dumbría, ante un Malpica moi potente, eun Laxe cunha ilusión tremenda que buscará dar a segunda campanada, tras eliminar ao XSC, no Conco.

En canto aos peques, a fin de semana terá o ollo posto en Fontenla. Alí terá lugar a Fase Final dos Alevíns e Benxamíns de F-8 na tarde do sábado, unha fase que chega algo antes de tempo. E o domingo, o XSC infantil poderá cantar o alirón se vence aos Miúdos.

E sen tempo para o descanso, xa comeza a Copa da Costa de Veteranos (podedes seguir o cadro actualizado dende www.copadacosta.com pinchando na lapela de debaixo do primeiro cadro que indica "Copa da Costa de Veteranos).
Os choques máis interesantes desta previa son o Castriz-Corcubión (a final do ano pasado) e o Cabana-San Román.

Preferente, xornada 35

1ª Autonómica, xornada 32

2ª Autonómica, xornada 32

3ª Autonómica, xornada 32

Descansa Cerqueda.

Laxe - Fisterra B (2-0) por retirada do filial.

Copa da Costa Xuvenil, volta dos Cuartos

Liga Galega Cadete, xornada 32

Bergantiños	27/04 - 17:00	Negreira
Compostela	27/04 - 17:00	Dumbría

Liga Galega Infantil, Playoff polo título, xornada 11

Bergantiños

27/04 - 17:00

Deportivo B

Liga Galega Infantil, Playoff por evitar o descenso Gr.B, xornada 11

Lalín

27/04 - 11:00

Dumbría

Liga Galega Infantil, Playoff por evitar o descenso Gr.B, xornada 12

Dumbría

01/05 - 12:00

Viveiro

1ª Cadete, xornada 24

Cabana	26/04 - 18:00	Xallas StComba
Baio	27/04 - 10:30	Coristanco
Fisterra	27/04 - 10:30	Muros
Con. de Carnota	27/04 - 10:30	Cee
Ponteceso	27/04 - 16:00	Muxía
Porteño	27/04 - 16:15	Zas
Esteirana	27/04 - 17:00	Outes

1ª Infantil, xornada 24

Fisterra	28/04 - 10:30	Cabana
Ponteceso	28/04 - 10:30	Outes
Muxía	28/04 - 10:30	Sofán
Coristanco	28/04 - 12:00	Esteirana
Xallas StComba	28/04 - 12:00	Os Miudos
As Baleas	29/04 - 19:00	Vimianzo
Corme	01/05 - 11:3	0 Cee

Fase Final Alevín e Benxamín F-8

Copa de Veteranos, Previa

Torneo de Xadrez

O club Cabo Touriñán e o Concello de Muxía, organizan este sábado 27 de abril o Torneo de Apertura do VIII Circuíto Galego de promoción do Xadrez 2013. Un Torneo a nivel estatal, con grandes personalidades que encherán Muxía cunha expedición total de máis de 100 persoas.

• Espectacular Torneo de Xadrez en Muxía.

Torneo de Fútbol Sala

Torneo de futbol sala organizado pola cominision de festas de San Adrian- Zas os dias 27 e 28 de abril. Con case 1.000€ de premios.

Fútbol Sala

Doble cita co fútbol sala feminino esta fin de semana. O Concello de Ponteceso xoga a volta das semifinais da Copa Provincial co Manureva, cun pase case que imposible tralo set endosado na ida.
Mentres, o Fisober desprázase a Ordizia (Guipuzcoa) na antepenúltima xornada da 2ª División Estatal. O Fisober busca evitar os postos de descenso e dependen de si mesmas para lograla. A expedición vimiancesa partira o venres ás 18:30 h de Vimianzo, fara noite en León desde donde saira a maña do sábado para chegar a Ordizia ás 14:30h. O rematar o partido regresaran a Vimianzo a onde chegaran sobre ás 06:00 h do domingo.

Ademais, as xogadoras cadetes do Fisober B, Laura e Noelia, repetirán adestramento ca selección coruñesa este domingo ás 10:00 h, a que non podera asistir será Inés, que se desplaza co 1º equipo do Fisober a Ordizia.

• Unha de Maratón ante as derrotas de fútbol sala.

Tenis de mesa

Doble cita para o tenis de mesa costeiro. Por unha banda, este sábado 27 de abril ás 17:00h. no pavillón de Corcubión toca enfrontamento entre o Corcubión e o Ponteceso no marco da I Liga Intermunicipal de tenis de mesa da Costa da Morte.

Pero ademais, o Anorthosis ten unha xornada especial, a última desta temporada, clave para decidir o ascenso do Anorthosis, sábado 27 de abril a partir das 16’00 h. no ximnasio do CPI de Zas:
- 16’00 h. Anorthosis Vimianzo – Conxo Promesas.
- 18’30 h. Concello de Zas Aquacenit – Conxo Promesas.

• O tenis de mesa base segue disfrutando mentres o Anorthosis prepara o asalto ao ascenso.

Baloncesto

- Sénior Feminino: E.S.BAZARRA, S.L. ACB COSTA DA MORTE - NOIA: domingo 28-4 ás 17:00.
- Sénior Masculino: EL DOCE - CONCEPT SPAIN-VILLAGARCIA- ACB COSTA DA MORTE: sábado 27-4 ás 20:00.
- Infantil Masculino: Basquet Coruña 00 - Ferroatlántica Acb Costa da Morte: domingo 28-4 ás 12:00.

• O ES Bazarra remata a liga regular e espera o cruce.

Taekwondo

Este próximo sábado 27, celébrase a fase provincial de combate e exhibición infantil. Arte e Movemento presenta a 9 deportistas na modalidade de combate máis 16 en exhibición, con 2 equipos. Celebrarase en Betanzos.

• 13 costeiros clasificados para o Autonómico de taekwondo.

Volei

O colexio Manuela Rial Mouzo compite con 3 equipos no Campionato Provincial de Voleibol. O vindeiro sábado día 27 de abril dispútase no Pabellón do Colexio Liceo da Coruña o Campionato Provincial de voleibol. A devandito campionato acoden os dous primeiros clasificados das diferentes ligas intercomarcais celebradas en toda a provincia da Coruña durante os pasados meses de xaneiro a marzo. O colexio Manuela Rial Mouzo de Cee, acode con 3 equipos, dous de categoría alevín e un de categoría benjamín, logo de haberse proclamado Campións Intercomarcais o pasado día 6 de abril en Noia. Na competición haberá dous grupos de 3 equipos e os dous primeiros clasificados de cada grupo cruzaranse para disputar as semifinais do torneo. Na categoría benjamín o equipo ceense enfrontarase na primeira fase de grupos ao Liceo da Coruña e o C.V. Rianxo. En alevín feminino o grupo estará formado polo Liceo B da Coruña e o Narón Volea, ademais do Manuela Rial. Para rematar os alevines masculino enfrontaranse ao Narón Bate e ao C.V. Rianxo. O colexio ceense espera repetir o éxito do ano pasado, onde se proclamou Campión Provincial na catergoría alevín masculino e subcampeón na categoría benjamín e alevín feminino.

Novas relacionadas

• Os Clubes da Costa piden a unificación das Ligas Xuvenís nunha reunión con pouco aforo.
• 50 anos da Copa da Costa cos Oliver e Benji do Ghañan Style.

Máis información

• www.futboldacosta.com.
• Cadros da Copa da Costa 2013.

Artigos relacionados

• Alberto Pose: Do auténtico fútbol da Costa. Con Manolín.

Crónicas da semana

• Parte de sancións pensando na reunión de hoxe en Baio.
• Un paso adiante cara a División de Honra Cadete.
• Xuvenís: Todo pendente da volta dos Cuartos da CopadaCosta.
• O Soneira celebra sen suar o título duns Veteranos que xa pensan na Copa.
• 3ª Autonómica: Xornada de xogo duro.
2ª Autonómica: Tropezón do líder co Baio á caza mentres Cabana e Montelouro caen.
• 1ª Autonómica: Fisterra e Ponteceso collen folgos e Camariñas complícase.
• Preferente: A ceros.
• Resultados e análise desta importante xornada do #futboldacosta.
• A Esteirana Cadete canta alirón nun fantástico sábado de #futboldacosta.

Fonte

• Redacción de Deportes de QPC ([email protected]).