Nova fin de semana deportiva na Costa da Morte que parece que o tempo vai permitir disfrutar. Teremos campionato galego de volei en Corcubión, mini BTT en Dumbría, surf en Nemiña, e sobre todo, moito #fútboldacosta, que chega atónito tralo tremendo parte de sancións.

Rematan todas as Ligas regulares esta fin de semana, agás a Preferente, e atención céntrase na parte baixa da 2ª Autonómica. Unha vez que na Preferente apenas loitan por quedar o máis arriba posible, que en 1ª os descensos están decididos e que na 3ª queda todo pendente da promoción, a xornada na Liga da Costa centra a atención.

E é o Mazaricos o que peor ten as cousas para salvarse. Cabana e Outes dependen de si mesmos, e se gañan a Buño e ao San Lorenzo, ambos en casa, quedarían salvados. Os amarelos teñen que esperar que non gañen ou Cabana ou Outes e non fallar en Agra da Filgueira ante o Montelouro.
Así e todo, poden darse moitas circunstancias, e mesmo varios triples empates, nos que sempre descendería o Mazaricos, pois ten peor bagaxe nos 6 enfrontamentos directos ante Cabana e Carnota, e ante Outes e Cabana. Queda así completamente safo o Carnota. Nun último caso no que gañase o Mazaricos, perdese o Outes e empatase o Cabana, quedando empatados Cabana e Outes, serían os da Serra os que baixasen.

Polo resto, a xornada deixaranos un soso derbi na Preferente entre Soneira e Xallas de Santa Comba nesta penúltima xornada, provocando que a última coincida para os 3 equipos costeiros ca ida dos Oitavos da Copa da Costa. En 1ª, xa con todo o peixe vendido, o Fisterra descendido e os Camariñas e Ponteceso salvados, o derbi entre Malpica e Fisterra só servirá para ver se o Malpica alcanza a 5ª praza. Iso si, o Ponteceso querrá deixar por debaixo ao Flavia non vaia ser o demo e chegue algunha pouco probable sorpresa en forma de arrastre.

E ollo ca Copa da Costa Xuvenil, que esta fin de semana nos depará os finalistas. Ademais, chega a volta das semis con todo aberto tralos empates na ida.

E tamén están de Copa os Veteranos, que afrontan a ida dos Oitavos.

Ademais, as que non acaban aínda non as Ligas Galegas. Con infantís xa solventados (o Dumbría asegurou hai tempo a permanencia), os Cadetes dumbrieses seguen na loita polo que sería un histórico ascenso á División de Honra. Os de Lobelos e Leis non poderán fallar co Lugo B, 8º, e esperan que o Ural pinche ante o Residencia, 7º. De feito, se gañan os dumbrieses e perden os coruñeses, teríamos representante costeiro na máxima categoría cadete.

E para rematar co #futboldacosta, rematan as Ligas costeiras cadetes e infantís xa cos campións decididos dende hai tempo, Esteirana en cadetes, que xogará co Cee a Fase de Ascenso á Liga Galega, e o XSC infantil, que será o único representante na Fase.

Preferente, xornada 37

Soneira	12/05 - 17:30	Xallas StComba
Dumbría	12/05 - 17:30	Lemos

1ª Autonómica, xornada 34

Malpica	11/05 - 17:00	Fisterra
Arzúa	11/05 - 18:30	Camariñas
Flavia	12/05 - 17:00	Ponteceso

2ª Autonómica, xornada 34

Volantes	11/05 - 18:00	Corcubión
Cabana	12/05 - 17:00	Buño
Castriz	12/05 - 17:00	Cee
Outes	12/05 - 17:00	San Lorenzo
Carnota	12/05 - 17:00	Dumbría B
Sofán	12/05 - 17:00	Esteirana
Corme	12/05 - 17:00	Baio
Zas	12/05 - 17:00	Muros
Montelouro	12/05 - 17:00	Mazaricos

• O Corcubión e o Cabana deberían xogar o último minuto do choque suspendido a semana pasada no min.89, o sábado 11 ás 17:00h, pero coincide co partido no Eleuterio Balayo ante o Volantes.

3ª Autonómica, xornada 34

Soneira B	11/05 - 16:00	Castrelo
Coristanco	11/05 - 17:00	Camelle
Laxe	12/05 - 17:00	Lira
Nantón	12/05 - 17:00	Ameixenda
Porteño	12/05 - 17:00	Baíñas
Alcaián	12/05 - 17:00	Indep. Carballo
Cerqueda	12/05 - 17:00	Muxía

• Xaviña - Fisterra B (2-0) por retirada do filial fisterrán.
• Camelle-Coristanco alteran a orde do campo pois a ida xogouse en Coristanco por mal estado do Rodeiro.

Copa da Costa Xuvenil, Volta das Semifinais

Liga Galega Cadete, xornada 31

Dumbría	11/05 - 12:00	Lugo B
S.de Compostela	12/05 - 12:00	Bergantiños

1ª Cadete, xornada 26

Baio	11/05 - 10:30	Xallas StComba
Con. de Carnota	11/05 - 10:30	Coristanco
Esteirana	11/05 - 10:30	Cee
Outes	11/05 - 10:30	Zas
Fisterra	11/05 - 12:00	Muxía
Porteño	11/05 - 16:15	Muros
Ponteceso	11/05 - 17:30	Cabana

1ª Infantil, xornada 30

As Baleas	10/05 - 16:30	Outes
Corme	10/05 - 19:00	E.M.F. Vimianzo
Sofán	11/05 - 11:30	Os Miudos
Ponteceso	12/05 - 10:30	Fisterra
Muxía	12/05 - 10:30	Esteirana
Baio	12/05 - 10:30	Cee
Coristanco	12/05 - 12:00	Cabana

• Descansa XSC.
• Sofán-Os Miúdos alteran a orde e xogan no Carral.

Copa da Costa de Veteranos, Ida dos Oitavos

MiniBTT en Dumbría

No marco do Circuíto Provincial de BTT-XC que presentaba onte a Deputación, terá lugar este sábado 11 de maio o 1º Trofeo Dumbría Ralli e Mini BTT. Esta será a primeira das 5 carreiras do Circuito provincial, unhas citas que soen contar con máis de 200 inscritos cada unha.

A cita partirá ás 15:00h do Conco, onde coma sempre se instalará o campo base, e pode participar de todas as idades, dende os máis pequenos aos master. Xa poden inscribirse antes do sábado enviando un email a cesar.ferrio@yahoo.es.

• Dumbría aposta polo ciclismo de montaña e de estrada cunha BTT e o Desafío do Atlántico.

Surf en Nemiña

Tivo que ser aprazada varias semanas pola malas predicións metereolóxicas, pero parece que este domingo 12 de maio si terá lugar na Praia de Nemiña, en Muxía, a 1ª Proba do Circuíto Galego Open de Longboard e Paddleboard. Unha Proba clasificatoria para o Campionato Nacional de España 2013.

• Nemiña si terá esta fin de semana a súa cita co surf.

Campionato Galego de Volei

Os mellores equipos galegos da categoría cadete disputarán esta fin de semana o Campionato Galego, tanto na categoría masculina como na feminina. Os catro mellores clasificados das dúas ligas enfrontaranse no play off polo título, cun sistema de enfrontamento directo.
O Voleibol Dumbría organiza o torneo masculino o sábado 11 no Pavillón de Corcubión debido as obras do pavillón dumbries. Este campionato permite clasificar para o campionato de España que se celebrará a mediados de xuño en Badajoz.

Pola mañá disputaranse as semifinais, e na tarde do mesmo día xogarase o terceiro e cuarto posto e posteriormente a final. Os encontros serán os seguintes:

• 10:00 - Burgas Volei - Emeve.
• 12:00 - Voleibol Dumbría - IES Ames.
• 16:30 - Tercer e cuarto posto.
• 18:30 - Final.

Baloncesto

• Venres, 10:
  - Senior masculino: Fontiñas - Acb Costa da Morte. Ás 19:00 horas no Municipal de Fontiñas.
• Sábado, 11:
  - Alevín feminino: Ferroatlántica Acb Costa da Morte - Carballo Basket. Ás 12:00 horas no Municipal de Cee.
  - Alevín masculino: Ferroatlántica Acb Costa da Morte - Artai. Ás 16:00 h no Municipal de Fisterra.
  - Infantil feminino: Ferroatlántica Acb Costa da Morte - Artai (ida). Ás 18:00 horas no Municipal de Fisterra.
  - Cadete feminino: Abaco Acb Costa da Morte - Compañía de María A. Ás 20:00 horas no Municipal de Fisterra.
• Domingo, 12:
  - Alevin feminino: Artai - Ferroatlántica Acb Costa da Morte (volta). Ás 10:00 horas no Municipal Zona Escolar - Carballo.
  - Cadete masculino: Acb Costa da Morte - Cambre. Ás 12:00 horas no Municipal de Cee.

Máis información

• www.futboldacosta.com.
• Cadros da Copa da Costa 2013.

Crónicas da semana

• Menudo parte de sancións.
• Xuvenís: Dous empates que deixan todo aberto para a volta das Semis.
• Os pequenos da Costa demostran o seu potencial na Fase Intercomarcal.
• 3ª Autonómica: O Porteño é de 2ª.
• 2ª Autonómica: A Esteirana canta o alirón e os de abaixo xogándose a vida.
• 1ª Autonómica: Triste e cruel adeus á categoría da SD Fisterra.
• Preferente: Máis pendentes do Dubra que dos nosos.
• Resultados e crónica dunha trascendental xornada con ascensos e descensos consumados.

Novas relacionadas

• Vídeoentrevista de Anxo Garrido con Rochiccioli.
• Os Clubes da Costa piden a unificación das Ligas Xuvenís nunha reunión con pouco aforo.
• 50 anos da Copa da Costa cos Oliver e Benji do Ghañan Style.

Artigos relacionados

• Alberto Pose: Do auténtico fútbol da Costa. Con Manolín.

Fonte

• Redacción de Deportes de QPC (deportes@quepasanacosta.gal).