Estas pasadas semanas están sendo completas para a familia Anorthosis. Ademais de seguir inmersos na Liga, tiveron ocasión de tomar nota dos mellores de España.

Visita da Selección a Galicia

O pasado día 12, a Selección Española de tenis de mesa masculina e feminina disputaron no Pavillón Municipal de Pontevedra un encontro da Liga Europea de Seleccións. Os xogadores do clube Anorthosis Stevo Lema, Fran Otero, Gonzalo Martínez e Miguel Rey desprazáronse para ver in sito aos seus ídolos.

A selección feminina con Galia Dvorak, Sara Ramírez e Yanfei Shen xogou contra Rumanía acadando a victoria por 3 a 2. No último partido Sara Ramirez remontou un 0-2 grazas ao apoio do público e que ao final agradeceron, aguantando o frio para facerse fotos con parte do público.
A selección masculina con He Zhi Wen (Juanito) que chegou a ocupar, en decembro do ano 2007 o número 24 no ránking mundial, Carlos Machado (7 veces campión de España) e Jesús Cantero superou por 3 a 0 a selección Serbia na que destacou o olímpico Zolt Pete.

Ao final as seleccións accederon a facerse fotos cos afeccionados agradecéndolles o apoio que lle brindaron xa que á mesma hora xogaba o Barcelona contra o Milán.

Nova xornada de Liga

Ademais, a pasada fin de semana tivo lugar unha nova xornada de Liga, trala que segue o Anorthosis Vimianzo sumando vitorias. A pesar de que o seu xogo non sexa convincente, o importante e ir paso a paso ata o obxectivo final: o ascenso.
Mentres, o Concello de Zas Aquacenit cedeu bastantes sets pero a súa vitoria nunca estivo en perigo.

En 3ª galega acabou a liga, quedando o Concello de Zas O Gaiteiro en 4º lugar e o Concello de Zas O Pinar en 6º posto dentro do grupo noroeste. Postos moi dignos para os soneiráns.

2ª División Galega, Grupo Centro

• Resultado: Anorthosis Vimianzo - Conxo Ponte de Ferro (5-2) / (19-8).
• Resultado: Concello de Zas Aquacenit - Conxo Ponte de Ferro (5-2) / (15-13)

3ª División Galega, Grupo Centro

• Resultado: Concello de Zas O Gaiteiro - Oroso Pin Servicios (6-1) / (20-10)
• Resultado: Concello de Zas O Pinar - Oroso Pin Servicios (1-6) / (3-18).

Vindeira xornada

Sábado 23 de marzo de 2013, No pavillón de Bastiagueiro (Oleiros). 2ª división galega grupo centro:
- 16:00h: Breogán Oleiros "B" - Anorthosis Vimianzo.
- 18:30h: Breogán Oleiros "D" - Anorthosis Vimianzo.

No pavillón municipal de Oroso: 2ª nacional femenina:
- 15:30h: Oroso TM - Aluminios Xeal de Zas.
- 16:45h: Cinania - Aluminios Xeal de Zas.
- 18:00h: Cambados TM - Aluminios Xeal de Zas.
- 19:15h: Monte Porreiro - Aluminios Xeal de Zas.

Novas relacionadas

• O Anorthosis segue coas opcións de ascenso intactas.
• O Aquacénit deixouse en Noia as poucas opcións de ascenso que lle quedan ao Anorthosis.
• Laura e Lorena engrandecen o tenis de mesa costeiro.
• As promesas do tenis de mesa zaense sufriron sendas derrotas en Cambre.
• Anorthosis e O Gaiteiro amosan a súa superioridade nos derbis zaenses.
• O Anorthosis colle ritmo e pensa no ascenso.
• Anorthosis e Aquacénit empatan na 3ª praza.
• O Concello de Zas Auacénit ascende á 4ª praza.
• Pleno esperado para a familia Anorthosis.
• Anorthosis e Aquacénit suman pero ao Gaiteiro puidéronlle os nervos.
• O Concello de Zas Aquacenit fai de primeiro equipo.
• A canteira do tenis de mesa de Zas demostrou estar moi viva no Lalín Arena.
• O Concello de Zas Aquacénit fai o traballo do Anorthosis.
• O Anorthosis segue firme no alto da táboa.
• Anorthosis e Aquacenit caen a puntos.
• Unha de cal e unha de area para os equipos costeiros de tenis de mesa.
• Gran expectación para o derbi de tenis de mesa que abríu a tempada.
• A renovada familia Anorthosis comeza o curso a base de churrasco.

Máis novas

• Chipre descubre a Costa da Morte a través do Anorthosis.

Fonte

• Nota de prensa da A.D. Anorthosis Vimianzo, da man de Estevo Lema.