Ponte de Fútbol da Costa en estado puro

Deportes Fútbol da Costa

09:00 30/04/15

Espectacular chega esta ponte de maio no Fútbol da Costa, con sesión copeira e ligueira por igual. Arrincaremos o venres 1 de maio coa volta da Copa da Costa (saben que os resultados os subiremos a www.copadacosta.com), pero a fin de semana completarase sábado e domingo cas copas base e as competicións ligueiras, e que actualizaremos en www.futboldacosta.com.

Volve a Copa

Comezamos a previa pola #CopadaCosta 2015, pois temos a volta dos Dezaseisavos. Xa temos un equipo en Oitavos, o San Lorenzo, que xa adiantou a súa eliminatoria co Muxía e espera un duro rival, un Corme que xa encarrilou a eliminatoria ante a Esteirana, que na ida estaba pensando na Liga. Temos xa algún equipo coa eliminatoria encarrilada, como o Sofán, que aposta con forza por esta competición e chega a Muros cun claro 3-0. Ou o Baio, que leva o mesmo resultado a Mazaricos. Pero o resto de eliminatorias están tremendamente igualadas, con algunha que se prevé espectacular, como un Dumbría-Zas, con vitoria dun gol para uns zaenses que teñen que pensar tamén na Liga, ou un Soneira-XSC que chega a Vimianzo cunha pequena vantaxe xalleira.

A Preferente

Cando quedan 4 xornadas da Preferente - Senra Sport, parece que os nosos poden centrarse na Liga, pois están en zona de ninguén, e teñen partidos complicados, o Dumbría en Noia e o XSC recibindo a un Estudiantil ao que pode adiantar e meterse na metade da táboa.

Unha 1ª case sentenciada

Pouco en xogo na 1ª Autonómica - Clínica Vértebra, no que pode ser unha xornada triste, a xornada que certifique o descenso da Esteirana, ao que non lle chegou este fantástico sprint final. O cadro blaugrana recibe ao Agolada e mesmo a vitoria non sería suficiente para evitar a perda da categoría. Polo demais, interesante derbi entre Soneira e Corme coa 8ª praza en xogo, mentres un pouco máis arribca o Baio loitará pola 3ª praza ante o Unión. Ademais, o Malpica visita a un Cordeiro que está 4 puntos por encima.

Xornada de infarto na Liga da Costa

Penúltima xornada da 2ª Autonómica - ES Bazarra e todo en xogo, e con sospeitas en cada campo. Por arriba, os 3 seguen en plena pelexa, con apenas 2 puntos de marxe, co título e a segunda praza, de Promoción, en xogo. O Zas non pode fallar ante un Ponteceso sen nada en xogo; o Outes ten que gañar ao Seaia ao que pode mandar a 3ª; e o San Lorenzo recibe a un Buño que tampouco se xoga nada.

E por abaixo, pode ser xornada de descensos. O Seaia, se cae ante o Outes dirá adeus á categoría case con toda probabilidade, debido ao arrastre da Esteirana. Pero ademais, o Montelouro ten que gañar si ou si ao Camariñas e esperar que Cabana (que recibe ao Baíñas) ou Porteño (que recibe ao Volantes) fallen, para ter opcións na última xornada. En todo caso, o ascendo do equipo que vaia á Promoción salvaría unha desas dúas prazas de descenso, pero iso non se saberá ata xuño.

A polo título da 3ª e a Promoción

Quedan 4 xornadas para o remate da 3ª Autonómica - Clínica Xunqueira, e co Cerqueda xa ascendido, quere festexar o título en Arliña, pero o Muxía se xoga a Promoción, co Lira (ao que lle toca descansar), Nantón (que terá unha difilísima saída á Rocheira) e Corcubión, o equipo que a día de hoxe quedaría fóra dos postos e que ten que gañar o derbi ante o Ameixenda para volver a meterse. Pero é que Ameixenda e Coristanco se xogan o ascenso directo. Con 3 puntos parte de vantaxe o cadro ceense para o final de tempora, pero parece que a pelexa será fermosa, cun Coristanco-Ameixenda na penúltima xornada.

A polas finais das Copas base

Fantástica se presenta a fin de semana copeira nas categorías Xuvenil, Cadete e Infantil. En Xuvenís, Esteirana e Coristanco xogaranse todo na Salina despois do empate da ida . Ese será o foco máis intenso, saber se o Corcubión culmina a sorpresa neste final de Liga e se mete na final ante, probablemente, un Dumbría doutra categoría, que xa venceu 0-2 na ida ante o XSC.

En Cadetes, ten o Cee un pé na final, pero Fisterra e Corme xogarán a cara de can o pase. Mentres que en Infantís, XSC e Outes case que certificaron na ida o seu pase.

Unha final na Liga Galega Cadete

Afronta o XSC a penúltima xornada da Liga Galega Cadete na mañá do venres en San Pedro de Castriz como unha final. recibe ao Arteixo, na zona media-alta pero sen nada en xogo, e necesita os 3 puntos para evitar o descenso. Os seus rivais, o Orillamar, 2 puntos por debaixo e que marca o descenso, recibe ao veciño herculino Calasanz, que tampouco se xoga nada, mentres o Vilalbés, 3 por encima, recibe a todo un Depor B, polo que de vencer chegará á última xornada dependendo de si mesmo e con vantaxe.

O F8, a tope

Continúan as Ligas de F8 en marcha. Mentres polo Norte andamos no ecuador, no Sur afrontamos a penúltima xornada. Xa co título Benxamín decidido pero aínda cas prazas da Copa en xogo, a atención centrarase na Liag Alevín Sur, con Cee A e Outes man a man, pelexando polo título con 2 puntos a favor do cadro ceense. Os dous terán difíciles compromisos ante XSC A e Esteirana A.

Arrinca a Copa de Veteranos

Despois do agónigo final da Liga, chega xa a Copa da Costa dos Veteranos 2015, tamén actualizada en www.copadacosta.com.

Copa da Costa, volta dos Dezaseisavos

Preferente - Senra Sport, xornada 35

Noia	03/05 - 17:00	Dumbría
Xallas StComba	03/05 - 18:00	Estudiantil

1ª Autonómica - Clínica Vértebra, xornada 33

Soneira	03/05 - 12:00	Corme
Silleda	03/05 - 17:00	Sofán
Unión	03/05 - 17:00	Baio
Esteirana	03/05 - 17:00	Agolada
Cordeiro	03/05 - 18:00	Malpica

2ª Autonómica - ES Bazarra, xornada 33

Camelle	02/05 - 17:00	Fisterra
Cabana	02/05 - 17:00	Baíñas
San Lorenzo	03/05 - 17:00	Buño
Porteño	03/05 - 17:00	Volantes
Seaia	03/05 - 17:00	Outes
Cee	03/05 - 17:00	Mazaricos
Montelouro	03/05 - 17:00	Camariñas
Castriz	03/05 - 17:00	Carnota
Zas	03/05 - 18:00	Ponteceso

3ª Autonómica - Clínica Xunqueira, xornada 33

Corcubión	02/05 - 16:30	Ameixenda
Laxe	02/05 - 17:00	Castrelo
Muxía	03/05 - 17:30	Cerqueda
Coristanco	03/05 - 18:00	Nantón

Descansa Lira.

Copa da Costa Xuvenil, Volta das Semis

Copa da Costa Cadete, Volta das Semis

Copa da Costa Infantil, Volta das Semis

Liga Galega Cadete - Aluminios Dumbría, xornada 33

Xallas StComba

01/05 - 12:00

Atl. Arteixo

F8 Alevín Costa Norte, xornada 9

Muxía	30/04 - 19:45	Zas
Coristanco	02/05 - 10:00	Cabana
Vimianzo	02/05 - 18:15	Corme

Descansa Baio.

F8 Alevín Costa Sur, xornada 25

Outes	29/04 - 19:00	Esteirana B
Dumbría A	30/04 - 19:00	As Baleas
Dumbría B	01/05 - 11:30	Esteirana A
Cee B	01/05 - 12:00	Os Miúdos B
Lira	02/05 - 11:00	Sofán
Fisterra	02/05 - 16:00	Os Miúdos A
Cee A	03/05 - 11:30	XSC A

F8 Benxamín Costa Sur, xornada 25

Dumbría	30/04 - 18:00	As Baleas
Cee B	01/05 - 11:00	Os Miúdos B
Lira	02/05 - 12:00	Sofán
Fisterra	02/05 - 17:00	Os Miúdos A
Cee	03/05 - 10:30	XSC A
Outes	04/05 - 19:00	XSC B