Fin de semana de estreno. Polo menos para nós e todos os seguidos do fútbol da Costa. Xa podedes ollar dende onde queirades a actualizadas ao último segundo todas as táboas (resultados, clasificacións, tendencias e cruces e ata a Liga de FS de Cee actualizada cada venres) en www.futboldacosta.com.

E comezamos o repaso desta xornada de 28 e 29 de xaneiro pola Preferente, con malas novas para os nosos 4 equipos. A máis preocupante a 4ª derrota consecutiva do Santa Comba, que non gaña dende o 2011. Hoxe caía ante o Bertamiráns e xa está na 7ª praza. Sumou outra derrota o Soneira, que levaba unha boa racha pero que non podía nun encontro ante o Santiago que podería ter suposto o empurrón definitivo para os de Miguel. E o Dumbría tampouco trouxo nada positivo de O Val. O único que sumou un puntiño foi o Xallas no complicado campo do Chantada.

Na 1ª parece que a derrota do Cee ante o Silva (4º) deixa tocados aos ceenses, que cada día ven máis lonxe a salvación. Ademais a vitoria do Villestro ante o Victoria aumenta a distancia cos de arriba. Pola súa banda o Ponteceso segue na súa liña máis positiva e vencía fíra de casa ante un dos de arriba, o Arteixo, e xa se sitúa na metade da táboa, case máis preto dos de arriba que dos de abaixo.

Na Liga da Costa non varían as cousas por arriba tras esta 20ª xornada. Se o Club do Mar vencía onte ao Pindo, semella que con algo de prepotencia segundo se queixan os carnotáns, o Camariñas respondía onte e de xeito contundente en Sofán. Por detrás o Fisterra solventaba a papeleta ante un Castriz que sempre ofrece a súa mellor cara lonxe de San Pedro.
Malpica, Corme e Baio forman xa o claro grupo de perseguidores, cun Muros que non se quere descolgar e vencía, con apuros iso si, ao Buño. Os malpicáns vencían ao Corcubión en Pedra Queimada mentres que cormeláns e baieses ofrecían un fermoso espectáculo no Cairo que remataba con empate.
Por abaixo, segue o San Lorenzo metido no pozo, e hoxe perdía unha boa oportunidade ante un Zas que vai en ascenso e xa saca 4 puntos aos de Verdillo. A derrota provocaba a dimisión de Chema Eirís no banco, pois considera que "para aliñar 11 xogadores cada semana non fai falta un adestrador". O Nantón arrincaba un punto de Esteiro mentres que o Mazaricos volvía de baleiro do Conco. Ata o Corcubión, 12º con 21 puntos, non se pode despistar ningúen porque son só 5 puntos os que o separa do propio San Lorenzo (17º).

A xornada na 3ª tamén foi intensa. O Cabana non fallaba onte ante o Muxía. Si o facía o Coristanco que non pasaba do empate ante un Laxe que no seu campo se crece. A atención hoxe estaba en Lombáns, onde o Carnota dou conta do Montelouro e se afianza na segunda praza. Por detrás segue de preto o Outes, que maetía unha manita ao Fisterra B, e que se mete definitivamente na loita é o Volantes tras vencer en Lira con claridade. O Cerqueda, que descansaba esta semana, e o Porteño, que non podía co Soneira B, quedan algo descolgados.

Remataron xa as Ligas Xuvenís, xa con todo decidido. Polo norte aínda quedaba ver quen era o campión e o Malpica dou conta do seu podería atacante e meteulle 9 a todo un Dumbría B. Ambos, xunto a Camariñas (caían os de De la Sierra ante os de Mato nun encontro que tivo absolutamente de todo, como contaremos o martes) e Baio pasarán a seguinte fase, unha liguiña cos 4 primeiros do sur, da que pasarán 2 equipos á Fase de Ascenso á Liga Galega.
No, Sur, eses equipos serán o Cee (que certificaba a súa imbatibilidade na liga e uns números realmente bos), Fisterra, Santa Comba e Soneira.

Preferente, xornada 21

1ª Autonómica, xornada 20

2ª Autonómica, xornada 20

3ª Autonómica, xornada 24

Liga Nacional Xuvenil, xornada 19

Liga Xuvenil Sur, Gr.3, xornada 18

Liga Xuvenil Norte, Gr.4, xornada 22

División de Honra Cadete, xornada 19

2ª Cadete, xornada 20

2ª infantil, xornada 20

Ligas de Veteranos, xornada 18

1ª División

2ª División

Máis información

• www.futboldacosta.com.

Crónicas da semana

• Parte de sancións con varias rectificacións do Comité.
• Xuvenil Sur: Liga finiquitada.
• Xuvenil Norte: O Ponteceso queda ás portas e o título por decidir:
• 3ª Autonómica: 5 arriba e 4 á caza.
• 2ª Autonómica: O Fisterra descólgase.
• Preferente: Sumou o máis necesitado.
• 1ª Autonómica: O Ponteceso sae da queima pero o Cee continúa queimándose.
• Resultados da fin de semana no fútbol costeiro.
• Remata a primeira volta na igualada Liga de Fútbol Sala de Cee.

Máis novas

• Vídeo entrevista, e algo máis, ao xogador do Cerqueda Nión.
• Aberta a convocatoria de axudas para os clubes e agrupacións deportivas.
• Alberto Pose analiza a primeira volta da 3ª Autonómica.
• O poder dos Miúdos.
• Vídeo entrevista de Anxo Garrido co colexiado Marcos Ordóñez.
• Vídeo entrevista co muradán Seluco.
• A Bitacora da Semana: O blog da Camelle.
• A bitácora da semana (CXLI): O blog do San Lorenzo de Verdillo.
• Video entrevista co xuvenil malpicán Juny.
• Un Dumbría descarado.
• Pablo Mouro: Primeiros Auxilios Básicos (II).
• Pablo Mouro: Primeiros Auxilios Básicos (I).
• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC ([email protected]).