Futfem: O Cee venceu o derbi e o Cerqueda arrímase á fase

O Calendario da Fase de Ascenso á 1ª División Nacional xa en www.futboldacosta.com.

crónica futfem

XOgadoras do UD Cerqueda — Xogadoras do Cerqueda celebrando un tanto nun partido celebrado en Xaviña. Foto: UD

Futfem: O Cee venceu o derbi e o Cerqueda arrímase á fase

16:21 15/03/22

Rematou a primeira fase da 1ª División, e fíxoo cunha nova vitoria do Bergantiños. As de Gueli xa teñen a cabeza na Fase de Ascenso á 1ª División Nacional, que comeza este mesmo domingo ante o Sárdoma B.

Mentres, na 2ª con 4 xornadas por diante para rematar a primeira fase, o Cee volveu dar outro paso importante, vencendo, pola mínima a unhas moi melloradas Miúdas, e deixando o 5º posto a 9 puntos. Precisamente é o Cerqueda o que está na 5ª praza, pero con máis opcións que nunca de meterse entre as 4 primeiras que dan acceso á fase de ascenso. As de Jorge Guillamet venceron ao Praíña, que só queda 2 puntos por riba pero cun partido máis. Deste xeito, as malpicás dependen de si mesmo.
O Xallas tamén sumaba unha boa vitoria.

Ademais, segundo empate consecutivo do Mazaricos, esta vez na casa diante do Vista Alegre.

2ª División Feminina, xornada 18

As Miúdas - Cee (1-2)

As Miúdas: Adriana: Pau, Clara, Mariña, Sofía; Ana, Noa (Nerea), Saray (Alba); Leticia, Marta e Paty.
Cee: Noemí, Lucía Rod., Lucía Facal, Alba, Nerea, Laura, Minerva, Sabela, Ruth, Andrea, Nayara. Tamén: Lucía Martínez, Sharay, María Lijó, Uxía.
Goles: 0-1, m.38: Minerva; 0-2, m.40: Andrea; 1-2, m.56: Paty.

Fermoso derbi o vivido no Eleuterio Balayo cun cadro muradán que prantou cara a todo un Cee, que chegaba con baixas, e no que debutaban como titulares a cadete Sabela e a infantil Nayara.

Foron máis insistentes as locais na primeira ante unhas Miúdas moi ben plantadas, moi serias lanzando balóns longos á contra buscando á capitana. A balón parado tamén o intentaban como un tiro ao pau de Sofía. Atrás Adriana salvaba as embestidas ceensese, e só ao fío do descanso, en 2 minutos o Cee se adiantaba con dous tantos de Minerva e Andrea.

Non se deixaron caer as muradás que saíron a por todas na segunda, recurtando moi pronto por medio de Paty. O Cee seguía mandando pero Adriana non permitía ampliar a renda e mantiña ás súas no partido, mesmo parando un penalti, malia que tampouco eran quen de facer moitas ocasións de perigo. Pouco a pouco foron acabándose os folgos das muradás (de novo 13 na convocatoria) pero o deron todo para orgullo do míster Juan Carlos.

Cerqueda - Cacheiras (2-0)

Cerqueda: Lidia, Gabr, Paula, Nuria Varela, Naroa, Raquel, Ana Suárez, Natalia, Saskia, Lorena e Eva. Tamén: Zeltia, Cris Veres, Nuria Veiga, Lucía e Isa.
Goles: 1-0, m.50: Gabi; 2-0, m.85: Paula Veiga.

Gran partido do Cerqueda que logrou os 3 puntos ante un dificilísimo rival e que as mete de cheo na pelexa pola fase de ascenso. Nunha primeira parte sen ocasións para ningún dos dous equipos, o local estivo moi ben plantado no campo e realizou un gran traballo defensivo. Foi na segunda onde chegarían os goles, primeiro á saída dun córner e despois froito dunha presión da capitá, Paula, que serviu para roubar o balón e quedarse man a man ante a portería rival.

Xallas - Praíña (2-0)

Xallas: Rosio; Laura, Alicia, Leti, Maite; Michelle, Luchy, Rita; Yoli, Tania e Xastia. Tamén xogaron, Olalla, Lucía, Andrea, Ines e Barbeira.
Goles: 1-0, m.5: Yolanda; 2-0, m.30: Michelle.

O partido comezou cun Xallas moi intenso, chegando en varias ocasións a meta contraria. Seria xa no minuto 5 cando chegaba o primeiro gol do Xallas, cunha gran internada de Tania que lle servía o gol a prazer a Yoli, que nos daba tranquilidade e confianza no encontro.
Antes do descanso chegou o 2-0 nunha xogada de pizarra que finalizou con maestría Michelle, chegando así o tempo de lecer.

A segunda metade o Praíña subíu lineas e tivo varias chegadas con perigo e tamén a balón parado tendo que intervir Rosio en varias ocasións. Inés cun tiro o longueiro e Xastia nun man a man poideron incrementar o resultado, que non se moveu ata o final do encontro.

Liga F7 Santiago, xornada 13

Mazaricos Vista Alegre (1-1)

Mazaricos: Pedrosa, Lucha, Claudia, Ánxela, Graciela, Tamara e Daniela. Tamén xogaron: María Jirra, Lúa, Seijas, Natasha e Katia.
Goles: 1-0, m.30: Graci; 1-1, m.55.

Unha primeira parte con excasas ocasións, e as poucas que se deron sen ser moi claras e ben resoltas por ambas defensas. As costeiras intentaron levar o peso do encontro con balón, pero volviuse ver unha circulación lenta e imprecisa que permitía as visitantes recompoñerse sen problemas. Con empate a cero chegábase ao descanso.

Sairían enchufadas as amarelas na segunda e Graciela non perdoaba unha indecisión entre as defensas e a porteira e faría o 1-0. O guión do partido non mudou e só algún tiro lonxano poría a proba a Pedrosa que se mostraba segura. E xa cando o encontro chegaba ó seu fin, unha falta lonxana donde o minuto cegaría as locais que se metían todas dentro da área anulando así calquera posible fora de xogo permitía que logo dun rebote na barreira e con Pedrosa sen practicamente visión as santiaguesas puxesen o 1-1 definitivo.