Preferente: O Sofán quenta o asalto a Balaídos cunha vitoria ante a súa afección

Fabian co Sofan ante o Lalin — Fabián ante o Lalín

10:39 04/12/23

Coa cabeza en Balaídos, de cara á Supercopa deste mércores 6 de decembro, o equipo de Pablo Torreira fixo os deberes e venceu no Carral ante a súa entregada afección mentres campeaba o temporal.

O cadro sofanista chega á finalísima como o equipo máis en forma da categoría sumando o seu 5º partido sen perder (3 vitorias e 2 derrotas), e alcabzando xa a 7ª praza, a só 6 puntos do liderato, cando hai só 5 xornada estaba 14º a 1 punto da zona de decenso (agora está a 6).

Sofán - Lalín (2-1)

Sofán: Gardu, Iván Martínez, Noe, Raúl, Currás, Miguel Taibo, Fita, Marcos Montero, Braian, Fabián, e Martín Pereira. Tamén: Brais, Becerra, Dani Pena, Luca, Brais Cancela, Alex Gallego, e Bandera.
Goles: 1-0, m.40: Martín Pereira; 2-0, m.65: Brais Cancela; 2-1, m.90: Victor Vilariño.

Temporal tremendo o Carral onde o fútbol era unha odisea. Os carballeses impuxeron o seu xogo, que malia ser imposible combinar, se disputou en campo contrario. Antes do descanso Martín abría o marcador, tendo aí varias ocasións o Lalín para empatar.

Na segunda os carballeses saíron contemporizando e nunha contra, Brais Cancela, que apenas levaba uns minutos sobre o terreo de xogo, marcaba o 2-0. Os visitantes foron medrando e acabaron metendo ao Sofán na súa área, pedindo o final tralo gol no desconto e colgando balóns.