3ª Autonómica: O Corcubión asina o ascenso e o Nantón achégase ao título

20:32 28/03/11

Xornada marcada polo falecemento a pasada semana de Dani Parroto nas estradas muradás. Esta fin de semana, os brazaletes negros e o minuto de silencio fixeron que tanto Dani como os xogadores do Lira Juan, Pepiño e Alex estiveran presentes en cada campo, con especial incidencia no de Coristanco, onde os xogadores do Lira amosaron unhas camisolas de apoio aos seus xogadores feridos no accidente. Centrábase a atención deportiva na 3ª da Costa en dous encontros nesta penúltima xornada. A primeira tiña ugar o sábado no Novo Cubaleiro, onde o Corcubión de Manín cerciorou o ascenso vencedo ao Muxía. A festa foi completa na vila de San Marcos e toda a familia corcubionesa puido disfrutar dunha churrascada no mesmo estadio. Deste xeito o Corcubión volve á Liga da Costa dous anos despois da súa última andaina. Vese que a combinación entre corcubioneses e fisterráns saíu positiva. A segunda cita era no Pino do Val, onde o Nantón pegou un golpe enriba da mesa e venceu ao Mazaricos. Adiantan así os de Luís aos de Raúl Periscal e parece que serán os novos campións de liga pois no derradeiro encontro reciben ao pechacancelas, un Corcoesto que esta semana vencía ao Xaviña.

Corcubión - Muxía (2-0)

Corcubión: Cristian, Carlos, Chisco, Manuel Cartamil, Balucho (Tarrelo, min.90), Sergio Manín, Jose, Mario (Estrella, min.75), Alán (Paulo, min.85), Lourido, Santi (Borja Munitis, min.85).
Muxía: Ángel Luis, Josiño, Álex, Álvaro do Coral, David, Iván, Santi, Fran Gemelo, Dimas, Fran.
Goles: 1-0, min.20: Santi; 2-0, min.30: Lourido.

Con só 11 xogadores se presentaba o Muxía no Cubaleiro debido ao choque de xuvenís. E pouco puideron facer ante un Corcubión ao complte e cheo de gañas e, por fin, de efectivos. E saíron a por todas os locais, con Lourido e Santi mordendo na presión, recuperando rápido e volcándose sobre a meta de Angel Luís. Foi Santi, reforzo para este trieto final de liga, marcou o primeiro e de seguido foi precisamente Lourido quen puxo o definitivo 2-0. A partir de aí o encontro desinflouse lixeiramente, i é que o Corcubión baixou unha marcha e o Muxía pouco máis podía ofrecer.

Mazaricos - Nantón (0-2)

Mazaricos: Gomez (Juan, min.46), Casais, Marcos, Tubi, Tuco (Rodri, min.85), Ramón, Brais, Esteban (Chico, min.80), Estéfano (Moncho, min.60), José Ángel (Aldo, min.55), Kevin.
Nantón: Martín, Diego (David Lareo, min.70), Felix, Fito, Cristian (Carlos, min.75), Fabio, Javi, Carlos, Victor Amadon (Rubén, min.80), Manolo de Canduas (Manuel, min.65) e Luís.
Goles: 0-1, min.25: Manolo de Canduas tras un rexeite; 0-2, min.55: Javi tras un saque de falta de Diego.
Expulsión: Marco no min.80 por vermella directa por unha entrada.

Partido que servía para decidir practicamente o campión da 3ª da Costa nesta campaña. E malia ser un encontro competido, o equipo visitante soubo ler mellor o choque e foi superior. Saíron a por todas os de Luís e non permitiron sacar obalón xogado aos de Raúl (recentemente entrevistado por Anxo Garrido para QPC) e cando o Mazaricos non toca sofre moito. Ademais, as baixas e a relaxación tras comopletar o ascenso fixeron mella nos locais. Manolo de Canduas adiantou ao Nantón tras varias boas ocasións para poñerse por diante. O Mazaricos non daba entrado no partido e o Nantón seguía sen deixalo respirar. Así, na segunda e tras un saque dunha falta lateral, Jai puxo o 0-2 e sentenciou o partido e case que a Liga.

Coristanco - Lira (3-0)

Coristanco: Gonzalo, Arantón, Luís, Germán (Gonzalo, min.75), Marcos, Cota (Pistolas, min.50), Dani, Mallón (Carlos, min.70), Pazos (Fran Fariña, min.55), Palermo, Toniño (Benítez, min.60).
Lira: Miguel Anxo, Boni, Víctor, Pelexo (Jose, min.55), Pedro, Javi (Iago, min.70), Dani, Marco Antonio, Ancho, Suso Patachín (Santi, min.80), Rico.
Goles: 1-0, min.25: Palermo tras unha xogada colectiva; 2-0, min.55: Toniño; 3-0, min.70: Palermo.

Partido marcado polo desgracia acaecida no seo do Lira a fin de semana pasado co grave accidente de trafico, que lle acaeceu a 5 rapaces da Abelleira, tres deles integrantes do Lira, que inda estan no hospital. Por isto o Lira saltou o campo cunhas camisetas de apoio a juan, pepiño e Alex co lema: "Juan, pepiño, Alex Estamos con vós". Con respecto ó meramente deportivo, foi un partido xa sen nada que xogarse, onde o coristanco o sabado coa victoria do corcubion xa non se xogaba nada e o lira leva en terra de ninguen uns meses. Así o partido comezou dominandoo o equipo local, aprobeitando o campo rápido froito das choivas do fin de semana na costa. Deste xeito adiantarianse os locais no min 20 ó remataren un centro medido por diante da defensa. A partires de aí os visitantes asentaronse mais no campo e tiveron duas boas ocasions por medio de marco antonio nun corner e de ancho chegndo a liña de fondo e non atopando rematador atras. Pero foron os locais, quen por medio de toniño, sempre toniño, quen daban mais sensacion de perigo froito do cal pelexo cometeu penalti no 30, que foi enviado porriba do longueiro. Así se chegou a segunda parte, onde se viu un partido meramente atacante, que ben puido acabar con varios goles por ambalas bandas. Pero todo o peso o levaron outra vez os locais, que tras fallar un par de ocasións moi claras, convertiron por mediacion de toniño o 2-0 no 60. A partires de aquí, o partido voltouse mais anarquico se cabe e debemos destacar por parte visitante outra galopada de ancho ata liña de fondo que voltou a non atopar rematador, outro disparo de marco antonio a rentes do pau a saida dun corner e outro disparo dende a frontal de suso patachin despois de 2 sombreiros que sacou da escadra o porteiro local. Pero claro esta que dominando, os locais tamen dispuxeron das suas, aprobeitandose dun equipo partido en dous, tendo multitude de ocasions por banda dereita, froito das cales chegou o terceiro gol no min 80. E ata o final máis do mesmo, cun balón o pao dos visitantes e os locais malgastando na contra un 6 para 2.

Corcoesto - Xaviña (2-1)

Corcoesto: Siro, Pepe (Toñito, min.85), Germán, Edelmiro, Manuel (Rodri, min.46), Roi (Ribera, min.35), Luís, Javi, Martín (Couto, min.70), Miguel, Pablo (Pichón, min.80).
Xaviña: Juan, Sergio, Juan Antonio, Chiriví, Gallego, Carlos Nogar, Carliños, Adrián (adrián, min.30), Dani, Elvis, David.
Goles: 1-0, min.30: Pablo; 1-1, min.55: Carlos; 2-1, min.65: Pablo.
Expulsión: o meta visitante Juan no min.60.
Lesión: o local Roi cunha Escordadura de nocello e o visitante Juan Antonio cunha escordadura leve.

Partido entre os dous equipos que cerran a clasificación en terceira. O Corcoesto repetiu o mesmo once que o que se enfrentou a semana pasada o Coristanco, pero desta vez a intesidade de xogo non foi a mesma. De todas formas o Corcoesto levou o peso do partido na primeira parte, gozando das mellores ocasións. Protestaron os locais un penalti sobre Martín non sinalado. Froito de ese dominio chegou o primeiro gol do partido, unha boa xogada de Javi pola linea de fondo, rematou con Pablo empurrando o balon a gol na mesma linea de gol. O única magoa da primeira parte foi a lesión de Roi, esperemos que non sexa nada importante. Na segunda o Xaviña saiu máis entonado e empataba por medio de Carlos nun rexeite. Deseguido chegaría a xogada máis protestada do partido que foi a expulsión do porteiro visitante por mans fora da área. A partir dese momento o partido volveuse un caos con ocasións e erros por todos lados no que o Corcoesto acabaría sacando a xogada do segundo e definitivo gol, tras unha boa xogada de Miguel que de novo Pablo rematou a gol.

Alcaián - Cabana (2-0)

Alcaián: Herrera, Portillo (Dani, min.46), Luisito, Iván Castro, Víctor, Toñito (Pío, min.55), Bruno, Pistolas, César, Daviciño, Javito (Pablo, min.80).
Cabana: Toni (Sergio, min.75), Rubén, Marcos, Darío (Ismael, min.60), Alfredo, Diego, Adrián (Jacobo, min.50), Sandro, Miki (Alex, min.50), Rubén, Suso Docampo.
Goles: 1-0, min.25: César; 2-0, min.75: Bruno.
Lesión: Iván Castro acabou no San Rafael con posible rotura de ligamento lateral do xeonllo.

Partido marcado por un campo tremendamente enlamado, no que o Cabana apenas chegou á meta rival. I é que os cabaneses xa se están a deixar ir, e traía moitas baixas e ata 4 xuvenís e un cadete na convocatoria. Así e todo, por bando local tampouco foi un partidazo pero estiveron máis acertados e coa sorte de cara coa que non contaron noutras ocasións. César e Bruno foron os goleadores da tarde.

Atl. Pereiriña - Outes (1-5)

Atl. Pereiriña: Andrés, Simón, Serxio (Álvaro, min.55), Riki, Javichu, Mario, Adán, Villar, Morcillo, Javi Marroco (Néstor, min.55), Víctor (Grille, min.65).
Outes: Gato, Saúl (Álvaro, min.80), Martín, Chúa, Arturo, Poke (Las, min.62), Damián (Potro, min.70), Fabio (Kin, min.66), Deivi, Piki, Pesco (Pitu, min.46).
Goles: 0-1, min.6: Fabio; 0-2, min.9: Deivi; 0-3, min.47: Damián; 1-3, min.53: Victor; 1-4, min.81: Potro; 1-5, min.89: Potro.
Expulsións: no min.25 a Mario do Pereiriña e a Deivi do Outes tras unha tangana; e ao local Riki na segunda.

Partido polémico no que malia ningún dos dous equipos non se xogaba nada, acabou en liorta. O Outes púñase por diante ao comezo do choque con dous tantos iniciais de Fabio e Deivi antes de que se chegase ao minuto 10. O fútbol foi endurecéndose ata que no min.21 unha dura entrada dun xogador ceense rematou en tangana trala agresión do xogador visitante. Os dous para casa e o choque seguía quente. Co partido xa decidido Riki tivo que marchar expulsado tamén, pero por sorte a segunda metade foi máis tranquila e ata disputada.

Cerqueda - Muros B (4-1)

Cerqueda: Fredi, Javi, Santi, Alberto, Uru (Rober,min.46), Dani, Lorenzo, Josiño (Che, min.55), Dieguito (Gabi, min.58), Añón, Alex.
Muros B: Dida, Echeba, Yerai, Fernando, Paki (Fastu, min.70), Ramonciño, Mingos (Casco, min.75), Jesús, Pesco, Pardelo, Ivi (Berni, min.65).
Goles: 1-0, min.12: Dieguito de falta; 1-1, min.38: Jesús en xogada persoal; 2-1, min.70: Alex á saída de córner; 3-1, min.77: Alex á saída de córner; 4-1, min.83: Gabi.
Expulsión: o meta local Fredi por unhas mans ao borde da área no min.55.

Apretou o Muros B durante a primeira metade cun equipo moi novo, ben situado, pero algo blandos en defensa e a balón parado. Tralo 1-1 co que se chegou ao descanso, os muradáns viñéronse arriba coa expulsión de Fredi. Pero dous erros de marcaxe a sendos corner consecutivos no ecuador da segunda metade sentenciaron ao filial muradán.

Laxe - Indep. Carballo (1-1)

Laxe: Jacobo, López, Aarón, Oscar, Jacinto, Adán, Felipe (Dani, min.70), Rubén (Carlos, min.65), Samuel, Anxo, Castro (Jaja, min.75).
Independiente: Noé, Manuel, Panuchi, Cholo, Iván Lorenzo, Iván Vilanova, Michel, Rubén, David, Upi, Ivi.
Goles: 1-0, min.20: Rubén; 1-1, min.75: Upi de cabeza á saída dun córner.

Partido igualado en Laxe no que os locais levaron algo máis o peso do choque sobre todo no primeiro tempo. Os de Toni souberon tapar as bandas antes as perigosas embestidas dos laterais carballeses. Varias ocasións tiveron os locais para sentenciar por medio de Samuel e ata un 4 para 1 que fallaron na execución dos pases. Na segunda, pola contra, o Indepediente tomou a iniciativa. Pediu un penalti que ata viron os locais, pero o colexiado foi malo para uns e para outros. Ivi fallou o empate a meta baleira pero o que non marrou foi Upi que aproveitou un córner para asinar a igualada.