Completa xornada do Futbol da Costa nesta calurosa fin de semana. Con sortes para todos os gustos, e coma sempre, despois das dúas tardes de carrusel tecnolóxico en directo a través da APP e de www.futboldacosta.com, traemos a crónica da xornada.
E, como non, arrincamos pola Preferente - Senra Sport, con sorte dispar para os nosos. Se os dumbrieses facían Conco un feudo inexpunable e vencían con claridade ao Chantada, colocándose con 12 puntos 9º na táboa, o XSC perdía unha boa ocasión para afundir ao Arzúa caendo na súa casa e quedando con 9 puntos na 14ª posición, agora a só 3 do descenso.
Foi o derbi da 1ª Autonómica - Clínica Vértebra o partidazo da xornada. O líder, Baio, chegaba ao Carral para enfrontarse a unha SD que está a facer un grandísimo comezo de campaña, sobre todo na casa. De feito, a vitoria local deixa aínda ao cadro baiés líder, con 2 de vantaxe sobre os sofanistas, que soben á 2ª praza empatado cun sorprendente Cordeiro.
Non foi boa a xornada para o resto de equipos costeiros na categoría. O Corme caía no Cairo ante un gran Flavia. Soneira e Malpica non pasaban do empate na casa ante Unión e Puebla, deixando ao cadro de José Ángel na 12ª praza con 9 puntos, e aos malpicáns aínda en descenso, con só 3 puntos e os cambios na dirección do equipo, á que hai que unir a baixa de Juan oBello. Con todo, o equipo que máis preocupa é a Esteirana, que caía na casa, outra vez, e segue pechacancelas con 2 puntos, iso si, a sóa 4 da salvación, e con moita marxe de mellora.
Completa a xornada na 2ª Autonómica - ES Bazarra, con algunha que outra sorpresa e moita tensión. Como a derrota do ata onte colíder, Zas, ante o Cabana en San Andrés, que deixa só en punta a un Castriz que non tivo piedade do Camelle e lle endosou 7, tras algún que outro lío en mabos choques. Seguen Outes e San Lorenzo á caza do cadro xalleiro, vencendo hoxe nada menos que en Ponteceso e Carnota. O Cee vai metendo a cabeza na zona alta trala súa apretada vitoria ante un bo Seaia.
Por abaixo, importante a vitoria do Camariñas, que supera ao propio Fisterra, mentres Montelouro e Camelle seguen afundidos. Os loureán non puideron co Porteño, que se coloca na zona cómoda.
Implacable o Ameixenda de Manolín que afianza o seu liderato na 3ª Autonómica - Clínica Xunqueira. Os ceenses superaron o escollo de Arliña, ante un Muxñia en clara melloría, e sacan 3 puntos, cun partido menos, ao Nantón, que superaba o Lira en Lombáns nouro dos partidos da tarde. Ademais, o Coristanco vencía ao Cerqueda e vaise colocando, e o Corcubión non podía co Castrelo. Así e todo, vaise facendo unha fenda entre os 6 primeiros e os 3 de abaixo, Castrelo, Muxía e Laxe.
Non perdoan XSC e Dumbría na Liga Xuvenil Sur - MáisDeporte. Venceron a Muxía e Fisterra e se manteñen nas dúas primeiras prazadas, acompañados polos Miúdos, que vencía a un Corcubión que aínda non puntuou, nese trío que pasará á Previa da Fase de Ascenso. Pero ollo ca Esteirana, que está forte e vencía ao Outes colocándose a un punto dos seus veciños; e ao Fisterra, que a pesar de caer, prantoulle cara a todo un Dumbría. O Cee gañaba ao Castriz e tamén amosa as súas credenciais.
Polo Norte, varios choques directos que deixan o alto da táboa tremendamente apretado, con 6 equipos en 3 puntos. O Coristanco non pasaba do empate en Laxe, e o Cabana vencía ao outro colíder, Camariñas, superándoo na táboa e poñéndose con 15 puntos, empatado co Coristanco no máis alto. O Corme, tras vencer ao Malpica, mantense 4º con 13, os mesmos que os camariñáns e que o Zas, despois de vencer o derbi co Baio. Completa o sexteto de arriba o Porteño, e iso que caía ante un Ponteceso en clara melloría.
Boas novas nas Ligas Autonómicas base. O Dumbría colleitaba a segunda vitoria na División de Honra Cadete - Aluminios Dumbría en Ourense e se mete na zona morna. Ademais, o XSC sumaba a súa primeira vitoria en Compostela, e sae dos postos de descensoda Liga Galega Cadete. A única derrota foi dos infantís dumbrieses alonxándose da zona de arriba.
Pola volta, igualadísima a 1ª Cadete, despois da vitoria do Corme ante As Baleas, que chegaban líder ao Cairo. Os cormeláns tómanlle o relevo no máis alto, empatados co Cabana, que vencía ao Sofán, quedando a un só punto os camariláns, a Esteirana tras golear ao Baio; e a 2, o Fisterra, tras vencer pola mínima ao Ponteceso.
Mentres, en 1ª Infantil, o XSC mantén o liderato trala apurada vitoria ante un Corme ao que deixa a 4 puntos, empatado no grupo de perseguidores con Fisterra, Cabana e os Miúdos. Se o Cabana vencía ao Cee noutro choque importante, precisamente Os Miúdos métense tan arriba despois de vencer ao Fisterra, o que demostra o igualada que está a Liga.
Xa nos Veteranos, o Hosgran segue líder da 1ª División tras vencer ao Zas, pola mínima. Saca xa 5 puntos ao Dumbría, que vencí aao Cabana, e 6 a Coristanco e San Román. Precisamente o actual campión de Liga, o cadro coristanqués, suma 10 puntos pero é xunto ao Hosgran o único equipo que non coñece a derrota, pois conta só con 4 partidos no seu haber.
Na 2ª División, descansaba o líder, o novato San Isidro-Razo, e o Erbecedo non o desaproveitou para empatarlle na táboa ao vencer en Nantón.
Arzúa | 1-0 | Xallas StComba |
Dumbría | 3-0 | Chantada |
Corme | 2-4 | Flavia |
Esteirana | 1-3 | Amio |
Malpica | 0-0 | Puebla |
Soneira | 2-2 | Unión |
Sofán | 3-1 | Baio |
Carnota | 1-4 | San Lorenzo |
Cee | 1-0 | Seaia |
Montelouro | 1-2 | Porteño |
Mazaricos | 3-3 | Volantes |
Ponteceso | 0-2 | Outes |
Castriz | 7-1 | Camelle |
Camariñas | 2-0 | Fisterra |
Buño | 3-1 | Baíñas |
Zas | 1-2 | Cabana |
Lira | 0-2 | Nantón |
Corcubión | 1-1 | Castrelo |
Muxía | 1-3 | Ameixenda |
Coristanco | 2-1 | Cerqueda |
Esteirana | 2-0 | Outes |
Os Miudos | 4-1 | Corcubión |
Xallas StComba | 6-2 | Muxía |
Dumbría | 2-0 | Fisterra |
Cee | 4-0 | Castriz |
Camariñas | 1-4 | Cabana |
Laxe | 2-2 | Coristanco |
Porteño | 1-2 | Ponteceso |
Corme | 3-1 | Malpica |
Zas | 2-1 | Baio |
Compostela | 0-1 | Xallas StComba |
Os Miudos | 7-2 | Outes |
Corme | 3-0 | As Baleas |
Muxía | 4-0 | Coristanco |
Esteirana | 8-0 | Baio |
Cabana | 2-0 | Sofán |
Fisterra | 2-1 | Ponteceso |
Zas | 1-5 | Ponteceso |
Cee | 1-2 | Cabana |
Vimianzo | 4-1 | Esteirana |
Os Miudos | 1-0 | Fisterra |
Xallas StComba | 3-2 | Corme |
Sofán | 3-1 | Outes |
Ligas de Veteranos, 1ª División, xornada 6
Hosgran | 1-0 | Zas |
Dumbría | 3-1 | Cabana |
Laxe | 1-3 | San Román |
At. Milagrosa | 1-3 | Bértoa |
Soneira | 0-0 | Castriz |
San Lorenzo | 0-2 | Coristanco |
Ponteceso | 1-0 | Xv. Bergantiños |
Ligas de Veteranos, 2ª División, xornada 6
Sofán | 0-2 | Vimianzo |
Cerqueda | 2-1 | Camariñas S.D.V |
Poniente | 2-3 | Corcoesto |
Malpica | 1-2 | Dep. Carballo |
Nantón | 0-2 | Erbecedo |
Leiloio | 0-0 | Buño |
Porteño | 2-3 | Agualada |
- Descansa UD San Isidro-Razo.
Máis información
Crónicas da semana