Veteranos: O Coristanco retoma o mando a falta de 3 xornadas

11:02 01/04/15

Dumbria-Soneira de Veteranos-Foto-Dumbria

Descansan esta Semana Santa (queda algún partido aprazado) pero é que a cousa daba un vuelco esta pasada fin de semana, a falta de só 3 xornadas para o remate da 1ª División. I é que parece que pesou a responsabilidade no San Román, e con todo de cara, deixou levar os puntos a un necesitado Xuv. Bergantiños do seu campo, e ve como o Coristanco lle rouba a primeira praza na que levaba 8 xornadas.

O Coristanco non fallaba na súa visita ao Baio e suma agora 2 puntos máis que o seu rival, e buscará revalidar o seu título de liga do ano pasado, no que ademais foi campión da Super Copa. E parece que serán os dous equipos os que pelexen ata o final pois o Dumbría, que vencía ao Soneira este pasado domingo, e o Milagrosa, que superaba ao Laxe, quedan xa a 7 do liderato. Dous equipos que, xunto a Hosgran e San Lorenzo tiveron opcións ata estas últimas semanas, pero aos que os tropezos non lles permitiron chegar con opcións á recta final.

Quedan, polo tanto, 3 xornadas de infarto. Pero todos os ollos estarán na Rocheira o vindeiro domingo 12 de abril. Alí o Coristanco recibe ao San Román, nun choque no que pode estar media liga. O cadro verde xa venceu na ida, e unha vitoria lle deixaría o camiño máis que listo cara o título. Pero a vitoria do San Román o poría de líder a falta de só dúas xornadas.

Por abaixo, a cousa aínda está tensa. 3 equipos en apenas 2 puntos, pelexando por evitar o descenso. O Cabana estaba fóra dos postos de descenso a semana pasada pero a súa derrota ante o Ponteceso, e as vitorias do Castriz en Bértoa e do Xuv. Bergantiños ante o ata ese día líder San Román, deixan ao cadro cabanés de pechacancelas. A vindeira xornada, un Xuv. Bergantiños-Cabana de infarto e na última saltarán chispas no Castriz-Cabana.

Erbecedo e Agualada, cos dous pés na 1ª

Mentres, parece que a 2ª División está finiquitada. Erbecedo e Agualada xa practicamente teñen o ascenso asegurado, pois sacan 9 e 8 puntos ao 3º, o Corcoesto. Queda o título en xogo entre os dous conxuntos, pero o máis importante é que ambos xogarán, case con toda seguridade, na 1ª o ano que vén.