Dende 2015, por mor de diversas borrascas, non se disputaba unha xornada da Liga Atlántica de Billarda na praia de Laxe. Pero volveu este 23 de setembro de 2023, gracias ao verán de San Miguel que vivimos estes días, que permitiu gozar dunha fermosa sesión deste xogo tradicional singular.

Ben é certo que a area dificulta a práctica deportiva e, de feito, non se consegiu ningun varado e as puntuacións foron bastante baixas debido o terreo.

No deportivo, A Laracha segue sendo o concello mellor representado no deporte, e o Campo da Feira de Paiosaco volveu impoñerse na categoría de Equipos, por diante dos Cochiqueiros de Cerceda, e o APB-A Laracha.

Na Categoría infantil, gañou Valentín (Filloas de Sangue-A Coruña), por diante de Virgi (Filloas de Sangue-A Coruña) e Kevin (APB-A Laracha).
Na Categoría feminina, a vencedora foi Delia (Río Miño-Castro de Ribeiras de Lea), por diante de Sonia (Cochiqueiros -Cerceda) e Lola (Rinoceronte - Pontevedra).
Mentres que na masculina gañou Xan Rodiño (Lúa de Forza-Sanxenxo), completando o poido Abel (Campo da Feira-Paiosaco) e Abel Regueiro (Cochiqueiros -Cerceda).

Ao remate, e gracias á colaboración do Concello de Laxe e a Federación Galega de Deporte Autóctono, Modalidade Billarda, puideron gozar cos agasallos de productos de comercio local entre os que estaba a recoñecida Tortilla doce do Peñón e unha empanada da panaderia do Sabio.

A próxima xornada será na Coruña o 8 de outubro.

NOVAS RELACIONADAS

• Xullo 23: Cereixas e Billarda maridaron en Paiosaco.
• Xuño 23: A Laracha e Paisaco triunfan na Liga Atlántica de Billarda.
• Marzo 23: A billarda puido co vento de Razo.
• Febreiro 22: A billarda segue medrando en Soandres, Mazaricos e Razo.
• Xaneiro 23: A Laracha acolleu o Aberto de Billarda de Fin de Ano.
• Decembro 22: O Aberto de Carballo ratifica á Laracha como potencia provincial da billarda.
• Novembro 22: Nova xornada coa Laracha e Paiosaco de protagonistas na Liga Nacional de Billarda.
• Outubro 22: Unha familia de Paiosaco arrasa na xornada de billarda.
• Setembro 22: Paiosaco e A Laracha volven mandaro no comezo da Liga Atlántica de Billarda Conferencia Noroeste.