Primeiras consecuencias do audio publicado onte no que o alcalde de Ponteceso se refire ao GES como “lorcháns total”.

Os profesionais do Grupo de Emerxencias Supramunicipal (GES) do Concello de Ponteceso rompen anos de silencio para expresar a súa opinión sobre uns “audios por parte do alcalde que deixan moito que desexar”.

”Os GES foron creados en toda Galicia para cubrir zonas de “sombra” en todo o territorio en materia de emerxencias. O servizo esta subvencionado en case a totalidade por varias administracións tendo para o concello un coste practicamente nulo. Preguntámonos se é lóxico que a seguridade de cinco concellos da comarca de Bergantiños dependan da mala xestión dun”, explican en clave comarcal.

Lembran tamén que “este servizo esta aquí para cubrir un dereito básico para a cidadanía de toda a comarca, tendo en conta que de non existir o GES a resposta do parque de bombeiros de referencia sería dun tempo superior a 35 minutos, sempre e cando non estivesen noutra intervención”.

Deixan claro que ”en ningún momento nos adicamos a facer política, non nos pertence, estamos aquí para dar un servizo os veciños de toda a comarca dentro das nosas posibilidades cos medios dos que dispoñemos”.

E aí sinalan que “os medios se ven mermados polos constantes problemas co alcalde. Nada nos sorprende deste alcalde cando a súa relación con nós dista moito de ser amigable, chea de peticións sen sentido que nada teñen que ver cas emerxencias e só por interese persoal, presións e promesas incumpridas.
A falta de persoal, os problemas mecánicos dos vehículos ou o mal estado da base son só algúns dos problemas que vimos denunciando sen recibir solución, a pesar dos requirimentos recibidos unha e outra vez por parte de Inspección de Traballo.
A inversión en material de emerxencias, vehículos e instalacións foi nula por parte deste concello chegando a perder axudas que poderían ser destinadas a este servizo. Como exemplo, recibimos no 2019 unha moto de auga de salvamento por parte da Xunta a cal a dia de hoxe segue gardada sen estrear, sen seguro, sen formación e nin tan se queira se lle fixo a posta a punto”, denuncian.

Por todo isto, “nós só esiximos que se cumpran os mínimos para poder dar un servizo en condicións e que se invista no benestar de todos os veciños da comarca”.

Pero tamén deixan unha mensaxe directa: “palabras referidas a nós por parte do alcalde como que somos un “estorbo” ou que somos uns “lorcháns” non merecen nin tan sequera comentario algún xa que el mesmo se pon e evidencia. Tan só diremos que ese “señor” non nos representa”.

Novas relacionadas

• 14-02-21: Novo audio de Carballido: “O máis fácil e o máis lóxico é non renovar o convenio co GES”.
• 12-04-21: Un panfleto contra Carballido e unha colleita de sinaturas polo consenso na campaña eterna que vive Ponteceso.
• 10-04-21: Novo audio de Carballido: “Ti dame os gastos, que eu xa consigo tíckets”.
• 04-04-2021: Piden á Provincial Socialista a dimisión de Carballido.
• 01-03-2021: Denuncian ante a Garda Civil a posible destrución de documentos do alcalde de Ponteceso.
• 31-03-2021: O audio que non se puido escoitar no pleno de Ponteceso.
• 29-03-2021: O Pleno de Ponteceso aproba unha comisión informativa para investigar as gravacións.
• 27-03-2021: Ponteceso, único concello da Provincia sen POS pola irresponsabilidade dos seus políticos.
• 12-03-2021: Terceiro pleno inútil para salvar o POS de Ponteceso.
• 04-03-2021: Os políticos de Ponteceso continúan co seu circo plenario.
• Decembro 2020: Os voluntarios de Protección Civil de Ponteceso lamentan “as decisións unilaterais e vingativas do alcalde”.
• 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.