Seguen as “Cloacas do Concello” agromando por Ponteceso. Esta semana foi unha veciña a que recibía nun sobre no seu buzón un pendrive cun novo audio relacionado co alcalde. Trala publicación do audio relativo á posible prevaricación na xustificación de gastos e outro que exculpa aos edís non adscritos dunha hipotética chantaxe, desta volta a gravación xira en torno ao GES.

Desta volta, a conversa gravada xira arredor do GES de Ponteceso. “Esa xente é un estorbo total para o Concello. 23 das 24 horas están de lorcháns total, non fan nada”. Así se refire o alcalde de Ponteceso, Lois Carballido, aos traballadores desta forza de seguridade, básica para toda a comarca de Bergantiños.

Unha situación de confrontación que vén de lonxe, cun conflito laboral, e persoal, que estivo enquistado moitos anos, se ben o servizo foi salvado inextremis en 2018 e coa situación laboral corrixida dende o pasado mes de xullo por unha sentenza.

Xa non é o primeiro desencontro coas forzas de seguridade, pois a Protección Civil xa amosou o seu rexeitamento ás “decisións unilaterais do alcalde”.

Novas relacionadas

• 12-04-21: Un panfleto contra Carballido e unha colleita de sinaturas polo consenso na campaña eterna que vive Ponteceso.
• 10-04-21: Novo audio de Carballido: “Ti dame os gastos, que eu xa consigo tíckets”.
• 04-04-2021: Piden á Provincial Socialista a dimisión de Carballido.
• 01-03-2021: Denuncian ante a Garda Civil a posible destrución de documentos do alcalde de Ponteceso.
• 31-03-2021: O audio que non se puido escoitar no pleno de Ponteceso.
• 29-03-2021: O Pleno de Ponteceso aproba unha comisión informativa para investigar as gravacións.
• 27-03-2021: Ponteceso, único concello da Provincia sen POS pola irresponsabilidade dos seus políticos.
• 12-03-2021: Terceiro pleno inútil para salvar o POS de Ponteceso.
• 04-03-2021: Os políticos de Ponteceso continúan co seu circo plenario.
• Decembro 2020: Os voluntarios de Protección Civil de Ponteceso lamentan “as decisións unilaterais e vingativas do alcalde”.
• 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.