As diferencias socioeconómicas na educación
As diferenzas sociais que xera o nivel adquisitivo na educación e no mundo en xeral, seguen a ser unha problemática alarmante de cara o futuro.
Para comezar, cómpre dicir que os diferentes niveis adquisitivos das familias poden marcar a diferenza entre o alumnado. Por exemplo, os rapaces que teñen dificultades en certas materias e necesitan un apoio extraescolar para sacalas adiante pero que as súas familias non se poden permitir tales gastos, teñen que recorrer ao seu propio intelecto, mais ás veces non é abondo. Deste xeito, moita rapazada suspende estas materias ou incluso se ven na obriga de abandonalas. Sabendo isto, as axudas de carácter económico deberían ir dirixidas a problemáticas específicas da rapazada en situacións desfavorecidas e non pagándolles as matrículas ás clases altas.
Por outro lado, algo que tamén se debe de poñer en valor con múltiples diferenzas socioeconómicas é o esforzo e o traballo que un alumno ou alumna de clase traballadora debe facer para acceder á universidade pública, xa que, a diferenza das universidades privadas (onde pagas unha cantidade de diñeiro e practicamente entras na carreira que desexas), o alumnado debe acadar unha nota determinada para estudar o que queren.
Como conclusión, nun mundo onde se poñen en valor cualidades como o individualismo e, onde as desigualdades económicas marcan o rumbo da mocidade na ensinanza, debemos loitar para eliminar tales desequilibrios e valores e lograr así, unha educación onde non sexa relevante o nivel económico dos proxenitores.
- Manuela Villar Miñones. Alumna de Bacharelato do IES Terra de Soneira.
MÁIS ARTIGOS DO ALUMNADO DO IES TERRA DE SONEIRA
- Manuela Villar Miñones: As manifestacións de Ferraz.
- Emma Pérez Gesto: A emancipación da mocidade.
- Arantxa Varela Gándara: A situación laboral real dos traballadores do sector téxtil
- Sergio Pose Romero: A violencia machista no rural
- Aroa Sendón Amado: A explotación no ector textil.
- Irene Fdez. Pérez: Buscando solucións á violencia de xénero
- Nuria Castelo: A violencia machista segue medrando.
- Paula Blanco Paz: As Regueifas.
- Cristina Plaza: A Saúde mental.
- Claudia Roget: A necesidade de salvar as nosas praias.
- Sergio Pose Romero: Por que defendemos un país que non respecta os dereitos humanos?
- Luzía Roget: O Aborto.
- Mateo Calzas: Que é un penedo?.
- Enma Pérez: A implantación dos eólicos nos Penedos de Pasarela e Traba, benefico ou destrución?