Xa temos árbores, pequenas árbores, para repoboar o Olimpo Celta. A Asociación Monte Pindo Parque Natural e o Instituto de Investigacións Agrobiolóxicas de Galicia (IIAG), dependente do Consejo Superiores de Investigaciones Científicas (CSIC), acaban de asinar esta mañá un Convenio polo cal ambas partes comprométense a colaborar mutuamente nos seus proxectos en marcha e futuros.

Así, o IIAG-CSIC proporcionará ao proxecto SOS Monte Pindo árbores autóctonas coma ameneiros, carballos e castiñeiros certificados xeneticamente e que forman parte do seu Banco de Xermoplasma, un banco de sementes no cal conservan xenotipos extraídos de árbores senlleiras e representativas do noso país, co gallo de poder reproducilas no futuro cantas veces sexa necesario. Por outra parte, o IIAG-CSIC proporcionará asesoramento á Asociación Monte Pindo no proxecto de repoboación.

Esta fin de semana o Monte Pindo beneficiarase por primeira vez deste convenio e recibirá unha ducia de ameneiros de ata ano e medio de idade destinados á súa aclimatación na Sementeira do proxecto en Lamas de Castelo.

Carballo anano

Ademais, o IIAG-CSIC pretende garantir o futuro da especie Quercus lusitanica (Carballo anano), que periga despois do incendio que asolou o Monte Pindo este verán. Por iso pretende localizar especimes sans para crear o Banco de xermoplasma de Quercus lusitanica do Monte Pindo. O convenio ratificou a colaboración da Asociación Monte Pindo nesa iniciativa.

Os escolares inauguran o proxecto SOS Monte Pindo

Este domingo 17 de novembro ás 11 da mañá, un autobús con profes, nenos e nenas procedente dun centro de ensino chegará a Carnota para inaugurar coas súas mans o proxecto de voluntariado SOS Monte Pindo, que aspira a recuperar desde a propia sociedade o Olimpo Celta.

A primeira xornada dividirase en dúas accións principais: os máis maiores dedicaranse á semente de gramíneas de crecemento rápido (herba, cebada, trigo, centeo...) no entorno do Rego Voitureiro, o causante de graves arrastres de cinzas cara a Berberecheira. Pola súa parte, os máis cativos recollerán landras de carballo en bosques da contorna, destinadas a medrar na Sementeira con que contará o proxecto. Pola tarde plantaremos esas landras na sementeira e elaboraremos bombas de sementes, unha eficaz e divertida técnica xaponesa denominada Nendo dango consistente en formar pequenas bolas de arxilas cheas de sementes de distintas especies para lanzar sobre áreas de difícil acceso. Logo a propia choiva disolve as bolas e espalla as sementes que prenden de forma natural.

Máis información

• SOS Monte Pindo.

Novas relacionadas

• O Parque Natural intenta achegarse ao Pindo.
• 01-11-13: Arrinca en Difuntos o proxecto SOS Monte Pindo.
• 30-10-13: O parque natural achegase ao Pindo.
• 25-10-13: As temidas escorrentías arrastran ríos de cinsa polo Monte Pindo abaixo.
• 21-10-2013 O Monte Pindo pide Socorro!.
• Apadriña unha árbore no Monte Pindo.
• 21-10-2013: As cinzas do incendio do Monte Pindo xa contaminan o mar.
• 10-10-13: O Monte Pindo sae do Parlamento como entrou.
• 09-10-13: Pallas ao monte.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Leö Kch berra en silencio polo Monte Pindo.
• Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Monte Pindo Parque Natural.
• Redacción de QPC ([email protected]).