Fin de semana político en Coristanco. BNG e Tega presentaban as listas para este curso 2015. Xa presentara o BNG a súa cara máis visible, pero esta fin de semana tocaba dar os nomes que completan a lista.

Pero comezamos polo grupo de Terra Galega, que inauguraba local coa asistencia de numeroso público. O acto contou coa presenza de Manuel Andrade Cristobal, que resaltou o papel do partido na comarca de Bergantiños, Soneira e Xallas. En canto ao candidato Amancio Lavandeira fixo un balance da situación política de Coristanco, resaltando os derradeiros acontecementos en temas de “corrupción, así como a suba de impostos inxustificados, e o descontrol económico que ten o concello”. Un Lavandeira que pretende que o local sexa “un punto de encontro entre a formación centrista e os veciños de Coristanco”. Ademais, o grupo aproveitou a data para facer entrega do número 7 do seu Boletín informativo, con numerosos recortes de prensa onde o Concello de Coristanco é protagonista en clave negativa.

O BNG presentou a lista e acusa de mentir ao alcalde no seu último “pelotazo urbanístico”

Estivo ateigada a presentación da lista no Café Bar O Noso Sitio de Cereo. Ademais de presentar unha lista renovada, houbo tempo para a nostalxia co reencontro de Henrique Xosé Serra, quen fora o primeiro candidato e concelleiro do BNG en Coristanco e Laura M. Taibo, a actual portavoz municipal e candidata á alcaldía nas eleccións deste 24 de maio. Unha Laura que lembrou as ideas principais do partido: "recuperar a democracia e a participación veciñal", e "recuperar a verdade".

O BNG presentou un equipo ao que se incorporan 7 caras novas con respecto á candidatura do 2011, e que conta cun importante grupo de xente nova (o 25% da candidatura ten menos de 25 anos), e a candidata é a máis nova das que optan á alcaldía. A candidatura do BNG-Asembleas Abertas para as eleccións municipais en Coristanco será a seguinte:

• 1. Laura Mariño Taibo. Actual portavoz do BNG.
• 2. Vítor Recarei Añón. Exresponsábel comarcal do BNG.
• 3. Margarita Torreira Pérez. (Traba). Modista.
• 4. José Antonio Andrade Figueiras. (Seavia). Avogado, escritor e membro do Instituto de Estudos Bergantiñáns.
• 5. Beatriz de Ramón Rodríguez. (Couso). Enfermeira.
• 6. Hadrián Canosa Rodríguez. (Erbecedo). Membro do Comité de Empresa de Nostián.
• 7. Fina Bastón Osinde (Rececinde). Profesora, exconcelleira do BNG.
• 8. Manuel Antón Pastoriza Suárez. (A Agualada). Médico.
• 9. Mónica Martínez Porteiro (Seavia). Estudante de Química, responsable local do BNG de Coristanco e exresponsable de Organización dos Comités Abertos de Estudantes.
• 10. David Soutullo Trigo (San Paio). Estudante de Turismo.
• 11. Sabela Sánchez Rial (Xaviña). Traballadora do comercio.
• 12. Marcos Barca Rabuñal (San Paio). Comercial.
• 13. Leonardo José Facal Amado (A Agualada). Psicólogo e comercial.

Novas acusacións

Aproveitou o BNG para falar do que entende como “último pelotazo urbanístico” do alcalde. Refírese o BNG á compra do Concello, con subvención de 198.000€ da Deputación, duns terreo no núcleo de Traba. Unha compra que segundo o BNG se fixo “con numerosos informes legais en contra, e nun proceso que carece dos máis elementais requirimentos de transparencia”. Lamenta o BNG que a veciñanza non saiba “nin o plan de actuación previsto nin hai ningún tipo de previsión sobre canto custará a posta en funcionamento”.

E acusa ao alcalde de mentir ao dicir que “o núcleo de Traba carece na actualidade de ningunha praza pública. Ademais de ser mentira, resulta curioso que o alcalde subscriba semellante afirmación cando aínda hai apenas un par de semanas que anunciaba con total pompa e boato a inauguración dun parque infantil no núcleo de Traba, precisamente na praza que está situada detrás do tanatorio, a escasos 200 metros da Casa do Concello”.

Novas sobre as Eleccións Municipais

• Rojo: “As rifas entre BNG e PSOE provocaron unha gran pobreza en Corcubión”.
• Unión Cidadá: “Ninguén presentou nunca un proxecto tan claro como o noso. Imos pola maioría absoluta”.
• Plácido García aposta por acadar 4 concelleiros con Ciudadanos de Cee.
• O BNG presentou aos seus cabezas de lista en Cabana, Fisterra e Mazaricos.
• O PP de Vimianzo xa ten candidata.
• O BNG escolle as súas cartas para as eleccións en Cee e Coristanco.
• Lois Carballido seguirá sendo mestre de inglés se gaña as eleccións en Ponteceso.
• Poder Xalleiro, unha nova forza para as eleccións de Santa Comba.
• Zaira Rodríguez: “Da oposición prefiro non falar”.
• O BNG carballés buscará a maioría absoluta con 12 concelleiros.
• O PP, o primeiro en amosar todos os candidatos de cara ás Municipais.
• O BNG de Muxía xa ten candidato para as municipais de maio.
• O PSdG da Costa da Morte coñeceu a Julio Sacristán.
• O BNG de Camariñas xa ten a súa cabeza de lista.
• Novos movementos no taboleiro político de Laxe.
• As propostas asemblearias moven ficha.
• A política abre as portas á cidadanía, tamén na Costa da Morte.
• Compromiso por Mazaricos estrearase nas Municipais de maio.
• Movementos no taboleiro político de Mazaricos.
• Zas e Santa Comba reducen concelleiros nas próximas eleccións municipais do 2015.
• María Xosé Alfonso será a primeira candidata a alcaldía da historia de Compromiso en Muros.
• O baiés José David Gómez Brandariz, novo candidato do PP de Zas.
• Manuel Antelo repetirá como candidato a repetir na alcaldía de Vimianzo.
• Xan García deixa a Neria pero ameaza coas Eleccións Municipais.
• Paco Souto será o candidato do BNG á alcaldía de Malpica.
• Moncho Noceda volve a presentarse como candidato á alcadía de Carnota.
• Evencio Ferrero volverá presentarse como candidato á alcaldía.
• O PP presenta 12 candidatos costeiros para xogar ao ataque nas municipais.
• Os PP de Carballo, Camariñas, e Muxía estrean candidato.
• O PP de Dumbría e Muros cambian de cara.

Novas sobre as Eleccións Xerais

• Marzo 2015: #OMirante: O PP retoma o mando en intención de voto ante o novo baixón de Podemos.
• Febreiro 2015: : O Mirante: Podemos frea o seu medre pero segue sendo a forza máis votada.
• Xaneiro 2015: Estudio de Carlos Neira para AMEGA: O Mirante: Podemos gañaría as eleccións a día de hoxe.
• Decembro 2014: Estudio de Carlos Neira para AMEGA: Podemos, camiño da Moncloa.

Máis novas políticas

• Unha vintena de políticos imputados na Costa da Morte.
• Eleccións Municipais 2011: Valoracións sobre os Resultados das Eleccións 2011.

Fonte

• Redacción de QPC ([email protected]).