Presentou o BNG esta pasada semana unha proposición non de Lei no Parlamento Galego solicitando a supresión da portaxe da AG-55. Xa no 2011 o grupo nacionalista solicitara unha eliminación que non foi aprobada, e desta volta denuncian tamén que as obras do vial de acceso ao porto exterior están ocasionando retencións importantes e protestas d@s usuari@s.

“Non parece lóxico que sigan a cobrar a portaxe nestas circunstancias” indicaron os representantes do BNG tralas colas xeradas por mor das obras. “Esa autoestrada nunca debeu ser de pago e seguiremos esixindo a súa total eliminación”, sinalan. “O PP sempre se opuxo a esta reclamación do conxunto da cidadanía ao longo de todos estes anos e agora aínda por enriba de cobrar fano sen que haxa un servizo cunha mínima calidade”.

Autovía

E mentres, tamén temos que dicir que son innumerables as protestas que leva postas o BNG sobre a surrealista situación da Autovía Costa da Morte. Unhas obras que comezaban a realizarse no 2010, pero que tras 2 anos e medio de parálise, a necesaria infraestrutura terá alomenos 3 anos de retraso, pois deberían estar en funcionamento dende agosto de 2013.

Novas relacionadas

• 2011: A peaxe da AG-55 queda como está.

Máis novas

• 19-07-14: O BNG esixe, por enésima vez, unha solución inmediata á Autovía Costa da Morte.
• 03-12-13: A Xunta promete retomar as obras do treito Carballo-Baio da Autovía a primeiros de ano.
• 31-10-13: A Autovía volveu ao Parlamento e terá alomenos 3 anos de retraso.
• 25-10-13: A concesionaria da Autovía Costa da Morte, en creba.
• 04-10-13: O BNG pide que se anule o contrato coa concesionaria da Autovía e que a Xunta asuma un contrato de obra pública.
• 20-09-13: Os Concellos de Carballo, Vimianzo e Zas pregúntanlle á Xunta polas obras da Autovía.
• 11-09-13: O BNG denuncia a eterna parálise da Autovía Costa da Morte.
• 14-03-13: O Conselleiro ríese da Costa da Morte asegurando que a Autovía estará rematada no 2016.
• 04-03-2013: O BNG denuncia a eterna parálise da Autovía Costa da Morte.
• 05-02-13: A Xunta recoñece case un ano de parálise na Autovía Costa da Morte.
• 08-10-12: A Xunta rectifica as verbas de Hernández e insiste en que a Autovía non está paralizada.
• 26-09-12: A Xunta ratifica os retrasos na Autovía ante a falta de financiamento da empresa.
• 22-09-12: A Autovía que separa.
• 20-09-12: A Autovía da Costa da Morte non estará rematada no 2013.
• 19-09-12: Os alcaldes da Costa únense ante a paralización das obras da Autovía.
• 06-06-12: As máquinas volven á Autovía e a Xunta asegura que se cumplirán os seus prazos.
• 06-06-12: Un poboado calcolítico afogado polo asfalto.
• 24-04-12: O Conselleiro ratifica unha Autovía rematada no 2013 e sen peaxe.
• 13-04-12: Os camións da Autovía paran.
• 03-04-12: Paralizadas as obras da Autovía?.

Outras novas

• Compartir coche, conexión directa da Costa da Morte co mundo.
• Renovados os horarios de Autobuses en QPC, o único espazo de información unificada.

Fonte

• Redacción de QPC ([email protected]).
• BNG Costa da Morte.