Xa está na mesa de debate. O proxecto da mina de ouro de Corcoesto está en boca de todos e os foros son cada vez máis abertos. O pasado sábado Carballo acollía a primeira dunha longa sesión de charlas polos concellos da zona así como os centros de ensino, un gran xeito de levar a información a xente que os medios non queren contar.

No evento, celebrado o sábado pola tarde no Pazo Municipal de Cultura de Carballo e organizado por veciños de Bergantiños de maneira informativa e apolítica, tratáronse temas relativos aos valores naturais da bisbarra, a historia do ouro en terras galegas e os impactos das novas tecnoloxías mineiras de explotación a ceo aberto no medio ambiente e na saúde das persoas.

Unhas 40 persoas acudiron á sesión, celebrada baixo o título de "Ouro Impuro" e estructurada en tres partes diferenciadas. A primeira foi un achegamento a algúns dos valores que definen á Costa da Morte coma un dos puntos senlleiros da natureza en Galicia. A continuación, fíxose unha evolución das tecnoloxías mineiras do ouro dende épocas antigas ata a actualidade, profundizando na chegada da minaría a ceo aberto e os procedimentos empregados pola industria.
Así, foron tratados temas como o emprego de cianuro de sodio nas explotacións mineiras, o impacto das xigavoaduras, ou os problemas derivados da drenaxe ácida de mina e os metais pesados coma o arsénico na saúde do entorno e das persoas.

Finalmente, foi proxectada unha reportaxe sobre a chamada 'febre do ouro' en Asturias, antes de dar paso a unha rolda de preguntas por parte dos asistentes.

O proxecto da mina de ouro de Corcoesto

Ao final da conferencia e durante o turno de preguntas, foron tema destacado os posibles problemas que podería orixinar na zona a mina de Corcoesto en Cabana de Bergantiños, especialmente porque o proxecto mineiro da canadense Edgewater Exploration non contempla un seguro de resposabilidade que cubra económicamente de maneira integral o pior accidente posible, e os camións de transporte de cianuro, sustancia altamente tóxica, teñen que pasar polo concello carballés para satisfacer a elevada demanda que necesitaría a mina durante a súa vida útil de operación, de 1'49 toneladas métricas por día.

Asimesmo, tratáronse os impactos sobre a saúde das personas deste tipo de explotacións mineiras, presentando datos concluíntes de estudos médicos, nas rexións de Catamarca na Arxentina ou de Guerrero en México, onde as tasas de diversos tipos de cancro (especialmente de pulmón e de mama), disparáronse tras a instalación de complexos mineiros semellantes aos que se queren instalar en Corcoesto.

Cómpre lembrar que ademais de Corcoesto, Zas e Santa Comba tamén están amenazados con proxectos mineiros a ceo aberto. E sobre o ouro de Santa Comba, esta é unha das mellores pezas de ouro galego antigo. Ten 4000 anos de antigüidade en pertence a chamado "Tesouro de Cícere", atopado en Santa Comba e hoxe exposto na Coruña no Museo Arqueolóxico do Castelo de San Antón.

Máis información

• A bitácora da semana (CXCV): O ouro de Corcoesto.
• A bitácora da semana (CLXXXIV): Salvemos Cabana.
• A bitácora da semana (CLXXXV): Non á mina.

Novas relacionadas

• 29-12-12: A empresa mineira de Corcoesto obrigada a pechar de inmediato por falta de licenza.
• 28-12-12: AGE reafírmase en contra da mina de Corcoesto.
• 27-12-12: Cianuro: residuou non perigoso? Fraude no DIA da Mina de Corcoesto.
• 24-12-12: Un fin de semana de protesta mineira en Corcoesto.
• 20-12-12: O Proxecto da Mina de Corcoesto, unha “aberración normativa".
• 18-12-12: Durísimas valoracións contra a Declaración de Impacto Ambiental da mina de Corcoesto.
• 17-12-12: A Xunta aproba a Declaración de Impacto Ambiental da mina de Corcoesto ante as protestas de colectivos por desinformación.
• 13-12-12: AGE e PP amosan a súas posicións enfrontadas sobre Mina de Corcoesto.
• 26-11-12: Denuncian que a empresa da Mina de Corcoesto engana cos prezos aos propietarios dos montes.
• 13-11-12: A Plataforma en defensa de Corcoesto convida á empresa Mineira a un debate público.
• 09-11-12: Denuncian o intento da empresa mineira de mercar a prezos de saldo os montes de Corcoesto.
• A loita contra a mina de Corcoesto recibe o apoio de Greenpeace e se solidariza con México.
• Apoios televisivos contra a mina de Corcoesto.
• 11-10-12: A apertura da mina de Corcoesto retrásase ata o verán do 2013.
• Veciños de Corcoesto trasladan á Xunta o seu malestar ante o perigo da mina.
• A loita por Corcoesto amplíase ao eido arqueolóxico.
• A Fiscalía xa investiga a mina de Corcoesto por un presunto delito contra o medio ambiente.
• A mina de ouro: unha mostra de resistencia organizada.
• A loita contra a mina de Corcoesto colle tintes poéticos.
• Xurxo Borrazás tamén di non á Mina de Corcoesto.
• O BNG pide que a mina de Corcoesto non sexa a ceo aberto.
• Ata Galeano denuncia que a Mina de Corcoesto non cumpre a lei.
• O Goberno argumenta no Parlamento que a mina de Corcoesto creará 500 postos de traballo.
• ADEGA considera obsoleta a tecnoloxía da Mina de Ouro de Corcoesto.
• A febre do ouro exténdese a Zas mentres denuncian irregularidades no proxecto de Corcoesto.
• Os fumigadores si andan pola Costa.
• 1.300 sinaturas presentadas contra a Mina de Ouro de Corcoesto.
• A mina de Corcoesto chega ao Parlamento.
• Os veciños da Plataforma de Corcoesto denuncia prácticas intimidatorias do alcalde cabanés.
• Denuncian as falsas expectativas de emprego da mina de ouro de Corcoesto.
• A mentira das palabras máxicas .
• 04-05-12: Creada unha Plataforma contra a Mina de Ouro de Corcoesto.
• 12-03-12: Accidente laboral na mina de ouro Corcoesto.
• ADEGA espera para valorar o impacto da Mina de ouro de Corcoesto e enfróntase con La Voz.
• A mina de ouro de Corcoesto axiliza a súa posta en marcha co apoio das administracións e oposición dos ecoloxistas.
• O ouro de Corcoesto non brilla tanto.

Fonte

• Redacción de QPC ([email protected]).
• Notade prensa da Plataforma en Defensa de Corcoesto.