Menuda fin de semana de Fútbol da Costa. Xa chega a #CopadaCosta polo que teremos sesión doble, con sesións copeiras o venres e ligueiras durante a fin de semana. Xa saben que tendes os cadros da Copa actualizados en www.copadacosta.com (a través do Facebook “Fútbol da Costa” e do twitter @quepasanacosta iremos dando constancia do que acontece), mentres que as táboas ligueiras están sempre accesibles, co carrusel das grandes ligas en directo, en www.futboldacosta.com.

E ademais, estaremos atentos á estrea do novo equipo de Fútbol Sala Masculino Vila de Cee.

A Previa

Como dicimos, a fin de semana comeza coa Ida dos Oitavos da Copa, que chega con grandes partidos como o Sofán-Volantes, ou o Zas-Dumbría, o líder da Liga da Costa poderá poñerse as cousas complicadas ao actual campión. Esteirana e Corme mediranse pero co ollo posto na súa 1ª Autonómica. Xa na outra parte do cadro, o Cee-Baíñas será un bo partido, así como o Baio-Mazaricos ou o derbi sureño Carnota-Montelouro. Pero ollo co XSC-Soneira, pois ao cadro soneirán, sen apuros na Liga, gústanlle estas apostas fortes.

Xa na Preferente - Senra Sport, os irregulares cadros costeiros non poden fallar, sobre todo o Dumbría, ante unha Sarriana que vén por detrás e ante o cal unha derrota pode complicarlle as cousas. Ao XSC tamén le viría moi ben vencer en casa a un bo Arteixo.

Teremos, unha semana máis, derbi na 1ª Autonómica - Clínica Vértebra. O Malpica, algo frouxo nas últimas xornadas pero con novo míster no banco, recibe a un Sofán que volve pelexar polos postos máis altos, e que espera ademais que a necesitada Esteirana faga a heroica na Pobra, e saque algo positivo da visita ao 3ª clasificado. Mentres, o cadro blaugrana espera que o Soneira se porte e venza en Silleda para poder saír da última praza. Ademais, o Baio quere seguir trala SD e non pode fallar ante o Sigüeiro, e o Corme pode seguir escapando de abaixo vencendo a outro rival directo da zona baixa, o Agolada.

Xornadón na Liga da Costa

Impresionante estará a xornada dominical na 2ª Autonómica - ES Bazarra. Auténticos partidazos os que nos esperan, comezando polos dous choques no máis alto entre San Lorenzo (3º) e o líder Zas, con só 2 puntos de diferencia entre ambos. Pero é que no Cunchido enfróntanse o Outes (4º) contra o Castriz (2º), polo que a táboa pode dar un vuelco esta semana.

Pero hai moito máis, como un sempre intenso derbi Fisterra-Cee, o derbi muradán da categoría entre Volantes e Montelouro, co cadro loureán moi necesitado de puntos para seguri ca súa escalada. E precisamente pola zona baixa haberá outros dous choques claves. Porteño e Seaia se xogan moito na Grixa, mentres o Cabana non pode perder nate o pechacancelas Camelle.

Ademais, teremos boa xornada na 3ª Autonómica - Clínica Xunqueira. O líder descansa e o Ameixenda pretende recurtar distancias e amplialas cos perseguidores, pero terá que vencer nas Fontiñas. Por detrás o Coristanco quere seguir pelexando a praza de ascenso directo vencendo ao Laxe.

Finalísima nos Xuvenís

Campos das Redondas, sábado 16:30h. O gañe acompañará ao Dumbría, campionísimo, na Fase de Ascenso á Liga Galega. Cabana e Os Miúdos xóganse o todo polo todo, e se ben o empate valeríalle aos cabaneses, o cadro muradán chega con moitas gañas e ilusión, nesta a súa primeira campaña na categoría.

Mentres, aínda quedan 3 xornadas para o remate da Liguilla Previa da Copa da Costa Xuvenil, cos equipos de abaixo intentando non quedar fóra das eliminatorias.

Xornada copeira en cadetes e infantís

E despois do remate da Liga, xa sen tempo a pensar, arrincan na 2ª edición desta Copa da Costa base. En Cadetes, co Corme campión e o Cabana acompañándoo na Fase de Ascenso, aínda teñen tempo para disputar a Copa. Teremos 3 choque so sábado e un, o da Esteirana, o venres na Salina.
Nos Infantís, co recente campión, o XSC, a Copa arrinca o domingo con 4 partidazos por todo o alto.

Os peques continúan a súa andaina

No F8 seguen as ligas. Polo Norte aínda están tanteándose, pois van só pola 4ª xornada, pero polo Sur a cousa xa vai collendo forma e disputan a xornada 18. Nos Alevíns Cee A e Outes manteñen unha fermosa pelexa no máis alto, mentres nos Benxamíns o Fisterra leva unha boa vantaxe ante o Outes, e precisamente esta fin de semana o cadro fisterrán poderá poñer máis terra de por medio no choque directo.

Xornada doble nos Veteranos

Doble xornada con varios partidos aprazados no seu día que se disoputan venres e sábado e coa atención no San Román-San Lorenzo. Ademais, teremos choques fermosos na 1ª División dos Veteranos este domingo, como o Milagrosa-Dumbría, a proba do líder, o San Román, en Ponteceso, ou do Coristanco en Bértoa. O Soneira-Hosgran será outro gran partido.

Copa da Costa, ida dos Oitavos

Preferente - Senra Sport, xornada 29

1ª Autonómica - Clínica Vértebra, xornada 28

2ª Autonómica - ES Bazarra, xornada 28

3ª Autonómica - Clínica Xunqueira, xornada 28

• Descansa Cerqueda.

Liguilla Previa á Fase Ascenso á Liga Galega Xuvenil, xornada 10

Liguilla Previa da Copa da Costa Xuvenil, xornada 11

• Descansa Esteirana.

División de Honra Cadete - Aluminios Dumbría, xornada 28

Liga Galega Cadete, xornada 28

Liga Galega Infantil - Aluminios Dumbría - Play Off Descenso Norte Impar, xornada 6

Copa da Costa Cadete, ida dos Oitavos

Copa da Costa Infantil, ida dos Oitavos

F8 Alevín Costa Norte, xornada 4

F8 Alevín Costa Sur, xornada 19

F8 Benxamín Costa Norte, xornada 4

• Descansa EFM Vimianzo.

F8 Benxamín Costa Sur, xornada 19

F8 Prebenxamín Costa, xornada 4

Ligas de Veteranos, 1ª División, xornada 26

• Descansa Laxe.

Partidos aprazados

Ligas de Veteranos, 2ª División, xornada 26

• Descansa Sofán.

Partidos aprazados:

Porteño	20/03 - 11:00	Erbecedo
Malpica	20/03 - 11:00	Sofán




Crónicas da semana

• Xuvenís: Cabana e Os Miúdos xogaranse a Fase nunha final nas Redondas.
• Ligas Galegas: O XSC complícase a vida.
• 3ª Autonómica: O Cerqueda cae tras 14 partidos e o Ameixenda recupera espazo.
• 2ª Autonómica: O Outes tropeza e a pelexa por abaixo ponse máis quente.
• 1ª Autonómica: A Esteirana albisca o final do túnel e o Corme confirma o seu salto.
• Preferente: Haberá que ollar o retrovisor?.
• Resultados e análise dunha xornada de Fútbol costeiro con título incluído.

Primeiros títulos colleitados

• O XSC celebrou o título Infantil e buscará o ascenso á Liga Galega.
• O Corme festexa o título Cadete e o Cabana a Fase de Ascenso.

Novas relacionadas

• Xa chega a verdadeira #CopadaCosta 2015.
• O álbum de cromos do Sofán: “Raúl, fírmasme un autógrafo?”.
• Xa temos os cadros da II edición das Copas da Costa Cadete e Infantil.
• A vida de Donato nun libro con acento costeiro.
• Novo repaso aos Pichichis do Fútbol da Costa.
• Malpica acollerá un novo curso de Monitor Deportivo.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC (info@quepasanacosta.gal).