Igualadísimo está este comezo de campaña na 1ª Infantil trala disputa da 4ª xornada. A día de hoxe o XSC é líder con 10 puntos, pero son outros 5 equipos os que suman 9. Queda o equipo xalleiro sendo o único, xunto ao Fisterra, sen coñecer a derrota, despois do empate sen goles que sacou o Outes en Santa Comba, nun partido moi rocoso.

En todo caso, o equipo fisterrán xa descansou polo que ten un partido menos. 3 de 3 suma este Fisterra que apunta alto, tras endosarlle un claro 0-11 ao Coristanco, cos goles de Diego Estevez (2), Isaac Fabregas (2), Rubén (2), Luís, San Xixo, Iván Escarís e Iago Insua (2).

Atentos teremos que estar tamén ao Corme, que vencía en San Andrés a un Zas que aínda non estreou o taboleiro de puntos, igual que os Sofán, Ponteceso e Coristanco, aínda en proceso de formación.

Completan o grupo de arriba Esteirana, Cee e Os Miúdos. O Cee vencía a un Sofán en proceso de mellora, mentres que Esteirana e Os Miúdos protagonizaban un dos choques da fin de semana. O derbi muradán acababa cunha clara vitoria para Os Miúdos por 4-0, empatando así na clasificación ambos conxuntos, xa que os blaugranas chegaban con 3 vitorias en 3 partidos. A cousa, cada vez máis igualada.

Lembren que este curso volvemos ter un só representante na Fase de Ascenso á Liga Galega, polo que o título véndese caro na categoría infantil. O gañador, buscará acompañar ao Dumbría na Ligas Galegas, un Dumbría que está tendo problemas neste comezo de campaña no máximo nivel da categoría.

Máis información

• Descargar a APP do Fútbol da Costa.
• Altas e Baixas do #FútboldaCosta 2014/2015.
• Facebook do Fútbol da Costa.
• www.futboldacosta.com.

Crónicas da semana

• Xuvenís: Sen dominadores.
• Ligas Galegas: Merecemos máis.
• 3ª Autonómica: O Lira non cede e tira de fortuna.
• 2ª Autonómica: Só Castriz e Zas dan un paso.
• 1ª Autonómica: Trío de cabeza con susto.
• Preferente: Para esquecer.
• Resultados e crónica da primeira fin de semana de outubro no Fútbol da Costa.

Novas relacionadas

• Última e urxente chamada para o Curso de Adestradores de Carballo.
• Os clubs poden cambiar os horarios nas categorias inferiores sen avisar ao rival.
• Lista dos pichichis da Costa.

Fonte

• Redacción de QPC (info@quepasanacosta.gal).