Manolo Corredoira deixa o banco do Castriz

Manolo Corredoira deixa o banco do Castriz

14:56 06/03/14

Esteban Blanco, un home da casa, colle o relevo de Corredoira no Castriz

Esta semana coñecemos unha nova baixa máis nos bancos do Fútbol da Costa. Corredoira non seguirá á fronte do Castriz, e non poderá concluir un proxecto moi prometedor a comezo de temporada. Pero as cousas non saíron como esperaban, e xa se sabe, "a corda sempre rompe polo máis frouxo", como nos indicaba o presidente Manuel García.
Un presi que nos conta que polo de pronto vai continuar ao mando un home da casa, Esteban Blanco, que xa estaba traballando co equipo con Corredoira, e que polo de pronto ocupará o papel de adestrador, se ben o clube está estudiando ofertas de varios adestradores que xa se ofreceron para este final de campaña (o equipo xa pouco se xoga) e para a vindeira.

A primeira vez en 38 anos

É a primeira vez en 38 anos que cesan a Manolo Corredoira. Comezaba a adestrar con 16 anos, aló polo 1976, e esta é a primeira vez que non acaba a tempada por decisión da directiva. En todo caso, xa puxera o cargo á disposición do clube un par de veces estes pasados meses e a directiva tomou a decisión esta semana.

"Un entrenador non é entrenador ata que o cesan 3 veces", recorda as verbas dun sabio como Luís Aragonés, un Corredoira que a pesar de marchar doído porque o equipo non cumplíu coas espectativas, quere agradecer o traballo da plantilla. "Que non saíron as cousas como esperabamos? É certo, pero a experiencia é boa, e quero agradecer o traballo do plantel e agradecer ao clube a posibilidade de entrenar na Costa.

Non marcha Corredoira, que seguirá á fronte da Escola de Fútbol Base do Xallas de Santa Comba polo menos ata final de temporada, compaxinándoo co Curso de Adestradores de Santa Comba.