Resultados e análise da xornada de Entroido

22:05 02/03/14

Completa xornada futboleira de Entroido no Costa da Morte. Non respectou o tempo pero o balón rodou en toda a volta con grandes partidazos, nesta primeira fin de semana de marzo. Aínda quedan partidos para o martes, pero a meirande parte analizámolos xa aquí:

Comezamos o repaso pola Preferente, na que o Dumbría vencía nun choque fundamental ante o Sada, e ascende o 4º posto, superando ao cadro sadense. O XSC tamén sumaba os 3 puntos, rompendo unha xeira malísima de resultdos e deixa a 6 a zona de descenso directo. Mentres, o Soneira de José Ángel tiña o rival máis complicado, o líder Bergantiños, e malia prantar cara durante os 90 minutos só puideron sacar unha derrota pola mínima, pero moita moral.

Había derbi na 1ª Autonómica e remataba cunhas táboas que non lle serven demasiado aos malpicáns para cazar ao Arzúa na 2ª praza. Os baieses seguen cómodos na 8ª praza. Por detrás, vitoria clave da Esteirana ante o Lamela, que lle permite mirar cara abaixo concerta distancia e ademais facía un favor aos Camariñas e Ponteceso. Precisamente os camariñáns non podían sumar ante o filial do Bertamiráns, mentres que os de David Velo sumaban en Sigüeiro outro choque fundamental no que podían ter recuperado moito camiño pero polo menos non perderon e diciron adeus á permanencia.

Na 2ª Autonómica, a loitá centrase entre o Sofán e o Corme, que non dan tregua, ante un Zas que non pasaba do empate en Cabana e queda a 5 puntos. Os carballeses vencían con comodidade ao Castriz e os cormeláns superaban, no choque da xornada, a todo un Cee, que queda xa a 13 puntos da cabeza. O Fisterra segue sumando, sen facer demasiado ruido pero quedando a 9 do liderato.

Non falla o Baíñas na 3ª Autonómica, superando ao Ameixenda, pero o Montelouro non lle deixa escapar e vencía tamén ao Cerqueda e se mantén a 3 puntos, cun partido máis. Aberta está a fena o 3º, o Coristanco, a 8 dos loureáns tras vencer con apuros en Laxe. Lira e Nantón empataban a 2 no partido da xornada o Muxía goleaba a un Corcoesto sen efectivos. O Seaia cáese da zona de promoción tras caer, inesperadamente, na casa ante o Castrelo.

Non houbo Copa, pero a xornada 4 da Liguila Previa á Fase de Ascenso á Liga Galega Xuvenil deparou que o Dumbría se mantén só no máis alto, tras superar, nun auténtico partidazo de ambos, á Esteirana. Por detrás de ambos sitúanse agora Cabana e Corme tralo seu empate, un empate que precisamente beneficia á Esteirana, que loitará por esa 2ª praza que dá acceso á Fase de Ascenso.

Na 1ª Cadete o XSC aproveitou o descanso do Cabana para sacarlle 3 puntos tras vencer en Muros, e o Fisterra alcanzou aos cabaneses pero cun partido máis. En Infantís, está tocado o XSC, con 8 puntos, e aínda a 7 para evitar o descenso. Pola contra, teno moito mais sinxelo o Dumbría, con 18 puntos, ten 6 sobre o descenso.

Xornada importante nas Ligas de Veteranos. Coristanco e Soneirra seguen co seu duelo particular arriba, e non fallaban. Pero por detrás, o Laxe caía co Castriz e deixa pasar ao Bértoa, deixando escapar ademais aos dous de arriba. Na 2ª, había partidazo entre os dous de arriba, e o Corcoesto rouba o liderato ao Milagrosa tras un partidazo.
Atentos ademais os Veteranos que este luns 3 de marzo hai reunión no Local Social de Neaño, Cabana, para tratar o delicado asunto do Seguro de accidentes.

E xa na Liga Intermunicipios, a falta de 2 xornadas o Cances só necesita 2 puntos para sentenciar o título, peo o Brea non quere deixalo tan fácil.

Preferente, xornada 27

Sada	0-1	Dumbría
Bergantiños	1-0	Soneira
Xallas StComba	2-0	San Tirso

1ª Autonómica, xornada 25

Baio	0-0	Malpica
Sigüeiro	1-1	Ponteceso
Bertamiráns B	2-1	Camariñas
Lamela	1-2	Esteirana

2ª Autonómica, xornada 25

Fisterra	3-1	Mazaricos
Corcubión	8-1	Indep. Carballo
Cabana	1-1	Zas
Corme	2-1	Cee
Carnota	1-1	Camelle
Sofán	4-0	Castriz
Muros	0-0	San Lorenzo
Buño	1-0	Volantes
Outes	1-1	Porteño

3ª Autonómica, xornada 17

Laxe	2-3	Coristanco
Montelouro	2-0	Cerqueda
Muxía	8-0	Corcoesto
Baíñas	5-1	Ameixenda
Seaia	2-3	Castrelo
Nantón	2-2	Lira
Muxía	04/03 - 17:00 (x.13)	Baíñas
Cerqueda	04/03 - 17:00 (x.13)	Castrelo
Ameixenda	04/03 - 16:30 (x.14)	Nantón