Alertan sobre o risco de destrozar o Esteiro do Anllóns e propoñen alternativas económicas á mina de Corcoesto

08:30 04/01/13

O esteiro de Anllóns correróa perigo en caso de rotura da balsa de residuos da mina de ouro de Corcoesto-Foto- Plataforma Salvemos Cabana

Pode que o marabilloso espectáculo do Esteiro do Anllóns estea ne perigo. Iso o que denuncia a Sociedade Galega de Historia Natural no seu último comunicado sobre a mina de ouro de Corcoesto. I é que o debate xa está nas rúas, a pesar dos intentos das administracións por agochalos, e as Plataformas conservacionistas propoñen alternativas de emprego, considerando que o proxecto mineiro non evitará o despoboamento do rural costeiro.

Que Corcoesto non sexa o segundo Aznalcollar

No 1998, a rotura da balsa de residuos mineiros de Aznalcóllar, preto de Sevilla, provocaba unha gran catástrofe medioambiental no río Guadiamar, cun verquido de 2 millóns de m3 de lodos e 4 millóns de m3 de augas ácedas. Precisamente dende a SGHN consideran que a Xunta non tomou en consideración na polémica Declaración de Impacto Ambiental este posible risco de rotura da balsa mineira.

A SGNH denuncia que a balsa de residuos de Corcoesto será 3 veces maior que a de Aznalcóllar, polo que en Corcoesto habería un risco potencial dun verquido que duplícase en volume ao de Aznalcóllar e xerase unha onda de lodos e augas tóxicas considerablemente máis alta e máis rápida e, polo tanto, máis destructiva, superando as ondas os 4 metros de altura.
Polo tanto, se rebentase a balsa de Corcoesto estando chea podería provocar unha enchente entre dúas e catro veces maior que a máis grande das enchentes rexistradas na bacía do Anllóns nos últimos dous séculos. Ademais, unhas 17 toneladas de lodos cubrirían varios metros de todo o Esteiro.

Alterantivas de emprego ao Proxecto Mineiro

Xa escoitamos as propostas enfocadas ao turismo que enviaba a Plataforma Salvemos Cabana. Hoxe a Plataforma en Defensa de Corcoesto asegura que "o proxecto mineiro non evitará o despoboamento da Comarca de Bergantiños", e propón "alternativas de emprego".

A entidade recorda o "fracaso Polígono Industrial de Nantón" e consideran que "os 271 postos de traballo que se recollen no proxecto da empresa mineira non se xustifican debidamente, de maneira que non se sabe cal vai ser a duración no tempo de cada un deles e moito menos que estes postos (a meirande parte de alta cualificación técnica) vaian a ser cubertos por veciños e veciñas da zona".
"Nós entendemos que, a medio prazo, o impacto socioeconómico vai ser negativo, xa que, unha vez rematadas as labores mineiras, a zona quedará totalmente degradada, e incluso no mellor dos supostos, os recursos primarios dos que vive agora (forestal, agrogandeiría, pesca, marisqueo) dificilmente poderán ser explotables, ao quedar as augas das que se nutren algunhas destas actividades contaminadas, tal e como se recolle no estudio do CSIC".

Apuntan datos de descenso de poboación: "Nos concellos afectados por proxectos mineiros, no período 2005-2010, o descenso de poboación estivo entre o 6,71% e o 7,84%. Nese mesmo período en Belmonte de Miranda, Asturias, o descenso de poboación foi do 15,31%".

E propoñen alterantivas ao emprego: