Ponteceso está recollendo o relevo do que foi Coristanco ata as últimas municipais, do exemplo de esperpento político municipal. Así o ratificou o pleno do pasado venres, con 4 edís expulsados polo alcalde, Lois Carballido.

Unha situación que a Executiva Provincial Socialista xa coñece dende 2018, segundo podemos confirmar ao termos acceso a unha carta que ex concelleiras Susana Toja Blanco, Isabel Vuelta González e José Luís Pena Romay, lle enviaban a Lage Tuñas en marzo dese ano.

Ante a inacción da Provincial, estes tres ex edís queren facer pública esta carta, preguntándose “Por que seguen protexendo a Lois Garcia Carballido e ocultando información sobre todas as renuncias e a formación dunha nova Executiva Local en Ponteceso, renuncias de antigos militantes socialistas, militantes que levaban parte da súa vida traballando para o partido socialista de Ponteceso, militantes que cumprían os principios e a ética do partido?”.

Lembran que “a anterior Executiva Local de Ponteceso ao finalizar a legislatura do 2019 dimitiu en bloque, formar unha nova executiva local con persoas afines a Carballido, entre eles a muller de Carballido, que nunca antes formara parte da militancia do PSOE. Na actualidade dimitiu o novo Secretario Xeral da Executiva Local de Ponteceso”.

Por iso, aseguran que a día de hoxe “o señor Carballido mente aos medios de comunicación, cando fala do apoio da agrupación local de Ponteceso”.

Novas da crise do #PSOEPonteceso

• 27-11-2020: Novo pleno tenso en Ponteceso: O alcalde expulsou a 4 edís.
• 25-11-2020: Para que son os 300.000€ de recoñemento extraxudicial que quere volver aprobar Carballido?.
• 07-11-2020: Os edís Miguel González Gómez, Salvador Eiroa Ameijenda e Ana Perez Imia foron cesados das súas áreas.
• 05-11-2020: Ana Pérez Imia: "Ponteceso non merece a un ditador como alcalde”.
• 29-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.
• 23-10-2020: O PP de Ponteceso espera que os 6 concelleiros socialistas pasen ao grupo de non-adscritos para falar da moción de censura.
• 05-10-2020: 6 edís do goberno municipal de Ponteceso piden, por escrito, a dimisión do seu alcalde.
• 02-10-2020: A concelleira Raquel Fondo critica que o alcalde pontecesán se lembre tan tarde do seu grupo de goberno.
• 30-09-2020: 6 dos 7 edís socialistas do grupo de goberno de Ponteceso pídenlle ao seu alcalde que dimita.
• 29-09-2020: O alcalde de Ponteceso fica só ante a sombra dunha moción de censura.
• 28-09-2020: Os edís socialistas de Ponteceso critican que o alcalde está levando ao concello “á ruína”.
• 01-08-2020: Os edís socialistas a Carballido: "A súa prioridade é máis económica que vocacional”.
• 01-08-2020:Carlos Penedo a Carballido: "Está en politica por outros intereses que non son os intereses da veciñanza”.
• 01-08-2020: Marco Varela a Carballido: "Non por estar no goberno es un Dios”.
• 31-07-2020: Daniel Garcia Cotelo: “O de Carballido é a crónica dunha morte anunciada”.
• 30-07-2020: Unha sentenza corrixe por fin a situación dos empregados do GES de Ponteceso.
• 29-07-2020: Carballido renuncia á súa minguada dedicación e pide o reingreso no Instituto.
• 28-07-2020: Mar de fondo nos grupos socialistas de Muxía e Ponteceso.
• 20-06-2020: 3 edís socialistas apoian a Faustino Lema, cesado “unilateralmente” polo alcalde por “opinar priorizando o interese dos veciñ@s”.
• 14-06-2020: Faustino Santiago explica o seu cese como edil pontecesán: "Non é falta de confianza, é abuso de poder do alcalde”.
• 28-05-2020: Carballido bota outro membro da súa corporación.
• 2019: Socialistas de Ponteceso critican ao alcalde
• 2019: Militantes socialistas de Ponteceso critican o incumprimento o procedemento na elaboración da lista.