Venres 13 xuño, ás 21:00h na Casa da Cultura de Vimianzo.

Esa é a data e o lugar para a X Gala do Fútbol da Costa - QPC. Unha edición moi especial para a familia de Quepasanacosta, que quere facer unha retrospectiva a máis dunha década de traballo arredor deste axente social.

Coa colaboración do Concello de Vimianzo, a velada servirá para repasar aos mellores xogadores da década, pero centrará a súa atención nesta fermosa campaña. Máis de 50 premios outorgaranse na xornada, que volverá facer especial fincapé na revolución do FUTFEM, e na que o colectivo arbitral será igual de protagonista que o resto.

Polo de pronto, os artesáns de Feituras xa están ultimando os prezados balóns da Olería de Buño, xa todo un elemento fetiche que só algúns e algunhas privilexiadas teñen nas súas estanterías. Algúns, como os Pichichis e Pombos do curso, xa teñen reservada a data. Pronto iremos dando conta dos e das finalistas.

Nestes días iremos dando máis información.

Máis novas

REPASO DAS GALAS

• Gala 2024 (Santa Comba): O Fútbol Feminino volveu demostrar o seu potencial nunha Gala do Fútbol da Costa-QPC na que triunfaron Xallas e Castriz
• Gala 2023 (Corcubión): Unha Gala do Fútbol da Costa para unir e render homenaxe ao UD Corcubión
• Gala 2022 (Malpica): A Gala de Malpica volveu unir o Fútbol da Costa.
• Gala 2019 (Dumbría): O Fútbol da Costa pechou o curso 18/19 na VI Gala QPC.
• Gala 2018 (Santa Comba): A Gala QPC puxo en Santa Comba o emocionante broche de ouro á temporada do Fútbol da Costa.
• Gala 2017 (Muxía): A emoción, protagonista da Gala do Fútbol da Costa – QPC.
• Gala 2016 (Mazaricos): Unha Gala para seguir unindo o Fútbol da Costa.
• Gala 2015 (Cee): O Outes, Iago, e Álex Pombo foron os protagonistas da II Gala do Fútbol da Costa – QPC.
• Gala 2014 (Dumbría): QPC entregou os premios do Fútbol da Costa 2013-2014.
• 2013: Presentación do Álbum: A noite das estrellas do Fútbol da Costa.