O PSdG provincial pide a Ferraz a expulsión definitiva dos edís de Vimianzo

09:40 14/01/14

Os edis Roque e Montserrat Vazquez son readmitidos no PSOE

Hai un par de semanas unha sentenza xudicial obrigaba ao PSOE de Vimianzo a readmitir aos dous edís teoricamente expulsados, ao considerar que o propio PSOE vulnerou os seus priopios estatutos. Hoxe o PSdG provincial quere solucionar a problemática e vén de falar coa sede central do partido en Madrid, Ferraz, para solventar os trámites necesarios e proceder á expulsión definitiva dos edís.

Foi o secretario provincial dos socialistas coruñeses, o ceense Francisco Caamaño, o que informou esta tarde aos membros da executiva nacional do PSdeG de que solicitou a Ferraz que, en execución da sentencia dictada polo xuíz de Corcubión no asunto da moción de censura do Concello de Vimianzo, “se proceda á subsanación do trámite de audiencia indebidamente omitido durante o proceso e, posto que xa se valoraron xudicialmente os feitos e a pertinencia da sanción, se proceda á expulsión definitiva dos edís que suscribiron a moción de censura no prazo máis breve posible”.

Os membros da CENG do PSdeG manifestaron "o seu apoio a esta iniciativa e o desexo de que se resolva canto antes o asunto para evitar equívocos entre a cidadanía".