Sábado. 24.07.2021
El tiempo

COVID: A Laracha, por un gromo no CEIP de Caión, súmase a Coristanco no nivel alto de restricións

Test Convid no Centro de Saude de Carballo
O Sergas realiza a partir de hoxe un novo cribado no Centro de Saúde de Carballo á poboación entre 20 e 39 anos
COVID: A Laracha, por un gromo no CEIP de Caión, súmase a Coristanco no nivel alto de restricións

Os bares da Laracha non poderán abrir no interior a partir deste venres 7 de maio. Xa acontece en Coristanco dende a semana pasada, como outro dos Concellos de Galcia que se atopan en Nivel Alto de restricións. A chave é un gromo no CEIP de Caión onde hai 8 casos confirmados e 3 aulas pechadas.

Carballo queda no nivel Medio (a hostalería só poder abrir ao 30% no interior e 50% en terraza. Un Nivel do que sae Carnota, unha vez atallados os posibles gromos.

En calquera caso, a escalada que vivíamos nos últimos 10 días parece estancarse e hoxe concellos como Carballo ou Coristanco rompen a tendencia á alza reducen lixeiramente as súas cifras. Só Laracha sobe de 24 a 30 casos nos últimos 14 días.
En global, os 19 concellos da comarca suman 135 casos (3 menos ca onte) e a incidencia acumulada a 14 días baixa lixeiramente situándose nos 100 novos casos por cada 100.000 habitantes.

Quedan sen ningún caso nos últimos 14 días os seguintes concellos: Camariñas, Mazaricos, Zas, Laxe, Cabana, Corcubión, Fisterra e Muxía.

Captura de pantalla 2021-05-05 a la(s) 10.17.55

Cribado en Carballo

 A área Sanitaria da Coruña e Cee realiza dende hoxe mércores día 5, ata o venres día 7 de maio, un cribado poblacional mediante test PCR aos veciños de entre 20 e 39 anos. O lugar elixido é o Centro de Saúde de Carballo. Todos os veciños deste municipio, pertencentes á franxa de idade establecida (5.650 aprox.), serán citados mediante mensaxe SMS nos seus teléfonos móbiles en horario de 16:00 a 21:00 horas hoxe mércores, e de 09:00 a 14:00 horas e de 16:00 a 21:00 horas, o xoves e o venres.

Centros de ensino

04-05-2021 Centro Total
Positivos
Aulas
Pechadas
A LARACHA CEIP Caión 8 3
A LARACHA IES Agra Leborís 3 0
A LARACHA CEIP Ramón Otero Pedrayo 1 0
CARBALLO CEIP Bergantiños 2 0
CARBALLO CPR Plurilingüe Artai 1 0
CARBALLO IES Isidro Parga Pondal 10 0
CARBALLO CEIP Fogar 2 0
CARBALLO IES Alfredo Brañas 1 0
CARBALLO IES Monte Neme 1 0
CARNOTA IES Lamas de Castelo 1 0
CARNOTA CEIP Plurilingüe de Carnota 5 0
CEE IES Agra de Raíces 1 0
CEE CEIP Plurilingüe Eugenio López 1 0
CORISTANCO CEIP Canosa-Rus 1 0
MAZARICOS CPI Plurilingüe da Picota 1 0
PONTECESO IES Eduardo Pondal 1 0
SANTA COMBA CEIP Plurilingüe Barrié de la Maza 1 0
VIMIANZO CEIP Plurilingüe San Vicenzo 1 0
TOTAL 18 42 3
 

Máis novas sobre o covid

comentarios