Segue aberta a loita da Costa da Morte pola realización da tan necesaria Autovía. Tras máis de 2 anos de parálise, numerosas denuncias por parte do BNG, e mesmo unha colleita de sinaturas online proposta polo PSdG, a bisbarra prepárase para unha Marcha Reivindicativa pola Autovía da Costa da Morte.

Espera a bisbarra que a Xunta tome nota do enfado de toda unha bisbarra, como acontecera con aquela masiva manifestación pola ITV, que acabou por ser determinante para a construción da mesma.

Así, este sábado 23 de agosto, as 9:00h da mañá, un grupo de persoas preocupadas polo abandono en que se atopan as obras da autovía da Costa da Morte, comezará unha marcha dende Berdoias ata Baio nunha primeira etapa. A semana seguinte realizarase o tramo entre Baio e Carballo.

”Nesta marcha non vai haber bandeiras nin símbolos partidistas. O único partido que nos importa é que a Xunta de Galicia execute as obras e cumpra coa comarca. Non sei se seremos moitos ou poucos pero algúns non nos resignamos a esta aldraxe permanente que se mantén con total impunidade coa Costa da Morte”, informan os promotores, que ao tempo expoñen as súas esixencias:

• Queremos que se retomen as obras.
• Queremos unha vía de comunicación digna.
• Queremos que se cumpran os compromisos.
• Queremos que se nos trate coa dignidade que merecemos.

O punto de encontro será en Berdoias de onde sairemos as nove da mañá. Organizarase un servizo de transporte entre Baio e Berdoias para o retorno.

Máis información

• Evento: Marcha Reivindicativa pola Autovía Costa da Morte.
• Unha colleita de sinaturas online para esixir o reinicio das obras da Autovía Costa da Morte.

Novas relacionadas

• 19-06-14: O BNG esixe, por enésima vez, unha solución inmediata á Autovía Costa da Morte.
• 10-03-14: Preguntando pola volta ás obras da Autovía.
• 05-05-14: A eterna promesa incumplida da Autovía Costa da Morte.
• 30-01-14: Unha colleita de sinaturas online para esixir o reinicio das obras da Autovía Costa da Morte.
• 03-12-13: A Xunta promete retomar as obras do treito Carballo-Baio da Autovía a primeiros de ano.
• 31-10-13: A Autovía volveu ao Parlamento e terá alomenos 3 anos de retraso.
• 25-10-13: A concesionaria da Autovía Costa da Morte, en creba.
• 04-10-13: O BNG pide que se anule o contrato coa concesionaria da Autovía e que a Xunta asuma un contrato de obra pública.
• 20-09-13: Os Concellos de Carballo, Vimianzo e Zas pregúntanlle á Xunta polas obras da Autovía.
• 11-09-13: O BNG denuncia a eterna parálise da Autovía Costa da Morte.
• 14-03-13: O Conselleiro ríese da Costa da Morte asegurando que a Autovía estará rematada no 2016.
• 04-03-2013: O BNG denuncia a eterna parálise da Autovía Costa da Morte.
• 05-02-13: A Xunta recoñece case un ano de parálise na Autovía Costa da Morte.
• 08-10-12: A Xunta rectifica as verbas de Hernández e insiste en que a Autovía non está paralizada.
• 26-09-12: A Xunta ratifica os retrasos na Autovía ante a falta de financiamento da empresa.
• 22-09-12: A Autovía que separa.
• 20-09-12: A Autovía da Costa da Morte non estará rematada no 2013.
• 19-09-12: Os alcaldes da Costa únense ante a paralización das obras da Autovía.
• 06-06-12: As máquinas volven á Autovía e a Xunta asegura que se cumplirán os seus prazos.
• 06-06-12: Un poboado calcolítico afogado polo asfalto.
• 24-04-12: O Conselleiro ratifica unha Autovía rematada no 2013 e sen peaxe.
• 13-04-12: Os camións da Autovía paran.
• 03-04-12: Paralizadas as obras da Autovía?.

Outras novas

• O BNG pide no Parlamento a supresión da peaxe da AG-55.
• Compartir coche, conexión directa da Costa da Morte co mundo.
• Renovados os horarios de Autobuses en QPC, o único espazo de información unificada.
• 01-11-11: Por fin comezaron as obras da ITV de Zas.
• 02-05-11: Manifestación pola ITV: A Costa da Morte sabe manifestarse.

Fonte

• Redacción de QPC ([email protected]).