Non para Rafael Lema de descubrirnos achádegos relacionados cos naufraxios nos últimos tempos. O delegado da Real Liga Naval Española, tralo achádego do cemiterio do vapor inglés City of Agra nos montes de Camelle, tráenos hoxe outra sorpresa: a localización do pecio das “Dúas Catalinhas”, bergantín napolitano naufragado o 18 de maio de 1783.

Un equipo da Liga Naval localizou estes días no baixo do Batel, na zona da Virxe do Monte de Camariñas, 3 canóns de ferro e bronce que balizan o pecio do transporte militar do Reino de Nápoles.

Este bergantín de gran porte levaba soldados franceses de 7 regimientos que participaran na guerra contra Inglaterra a raíz do conflito pola Independencia dos Estados Unidos. Un mariñeiro de Camariñas comunicara ao delegado da RLNE na Costa da Morte, Rafael Lema, a posición dun deposito de canóns na zona da Virxe do Monte. E esta fin de semana Lema á fronte doutros voluntarios da entidade desprazouse ao momento e tras efectuar unha grabación e cotexar documentos puido descifrar o segredo do novo achado.

Agora, o delegado rexional da RLNE José Manuel Pato comunicará ás autoridades o achado e solicitará algún tipo de intervención para protexer o patrimonio.

O achádego

Trátase de dous depósitos de canóns que marcan a zona rocosa onde se acha o pecio, a uns 20 metros da costa e 5 metros de profundidade. Nun dos puntos o grupo localizou un canón grande encima doutro máis pequeno. Outro canón longo de máis de 1,70 metros áchase máis preto de terra e é o que en principio podería correr perigo de ser expoliado. Son armas de artillería embarcada características do século XVIII, posiblemente de fábrica francesa, de ferro e bronce. Un dos canóns áchase bastante atacado de “arneirón”, e nos tres casos as pezas están fixadas ás rocas debido ao tempo trascurrido; e xa que logo cos dous problemas habituais neste tipo de obxectos, as alteracións galvánicas polo contacto entre distintos metais e as deposiciones calcáreas que causa a solidarización dos obxectos ao fondo.

A historia do naufraxio

Un temporal e as fortes correntes da entrada da ría levaron o barco aos baixos do Batel, causando 8 mortos, que foron enterrados en Camariñas. 7 soldados galos e un marinero siciliano. No libro “Costa da Morte, un pais de soños e naufraxios” de Rafael Lema publicado en 2011, catalogouse por vez primeira este naufraxio, tralo achado por parte do autor da referencia no Libro Sacramental nº 16, 1714-1819, do Fondo Parroquial de Camariñas do Arquivo Histórico Diocesano de Santiago de Compostela.

Alí o 18 de maio de 1783 o párroco de Camariñas José Antonio Pedreira Ron e Lanzós anota o enterro das vítimas da embarcación napolitana que viña desde Cádiz a Brest transportando tropas francesas de regreso da guerra contra Inglaterra. Ese día o cura dá enterro a Antonio Peché, soldado do regimiento de Languedoc. Outros foron atendidos, malheridos, en Camariñas, e propiciaron un lento goteo de mortes. O 9 de xuño enterra a Francisco Penabelt, soldado do regimiento de Metz. O 16 a Bartolomé Poter, de Villaverni, provincia de danfoss; do regimiento de Rovengué, compañía de Bounizben. O 19 morre Juan Bautista Ledec, soldado do regimiento de Lusanie, compañía de Lavoisiere. O 23, Miguel Robert, do reximento de Nustrie, compañía de Lagrange. O 25, Miguel Massanet do regimiento de Dangomois, compañía de cazadores, natural de Lieso. O 27, Joseph Merrangallo, casado, natural da cidade e obispado de Frapani nas Sicilias, un dos marineros da tripulación. E o mesmo día falece por mor das feridas Santiago Peyronnet, soldado do regimiento de Bivaset, compañía de Fontanelli.

As Dúas Cathalinas era un bergantín de certo porte, contratado como transporte militar, e as súas medidas poderían ser 44 metros de eslora e 11 de manga, cunhas 600 toneladas. Podería levar algunhas pezas de artillería de 4 ou 8 libras, ata unha ducia como precaución, xa que neste caso primaba a capacidade para levar ás súas casas a veteranos dunha longa guerra en varios continentes.

Unha campaña arqueolóxica sobre o pecio aportaría novos datos. En caso de bergantines ao corso podían levar ata 18 canóns de 24 libras, e carronadas. O Reino de Nápoles aportou ao conflito con Inglaterra de 1779 a 1783 tartanas, saetías e outras embarcacións, para o transporte de pertrechos e tropas españolas e francesas, aliados no conflito e vencedores do mesmo. Usáronse no bloqueo de Gibraltar e no ataque a Argel. Por iso, estes soldados franceses que regresaban da Guerra de Independencia Norteamericana utilizaron un destes transportes surtos en Cádiz e ao servizo de España. Neste barco viñan soldados de polo menos sete regimientos: Languedoc, Metz, Rovergué, Lusanie, Dangomois, Nustrie, Bivaset. E as súas compañías de cazadores ou infantería de linea. Cada reximento tiña dúas ou tres compañías, pero neste caso estarían moi mermadas, ou serían os seus feridos os que regresaban. Non sabemos o número exacto de embarcados pero poderían pasar de 600 homes. Por sorte o número vítimas non foi alto. A proximidade da costa e o auxilio dos veciños e da próxima virxe propiciaron o rescate.

Novas relacionadas

• Localizan o outro Cemiterio dos Ingleses nos montes de Camelle.
• Ribeira toma nota dos naufraxios da Costa da Morte con Rafael Lema.
• Rafael Lema e Miguel San Claudio, medalla ao mérito cultural polos seus submariños traballos arqueolóxicos.
• O Catálogo de Naufraxios de Rafael Lema será publicado pola Deputación.
• Rafael Lema e Miguel San Claudio reciben a Medalla ao Mérito Cultural.
• Rafael Lema presentou os seus soños e naufraxios en Carballo.

Novas sobre naufraxios

• Un completo catálogo de naufraxios para a rexión costeira máis perigosa do mundo.
• Rafael Lema presenta o seu novo poemario sobre o Monte Pindo.
• Os naufraxios da Costa da Morte invaden o náutico coruñés e a rede da man de Rafael Lema.
• Muxía salvou dun novo naufraxio coas anécdotas de Rafael Lema.
• As anécdotas de 454 naufraxios na Costa da Morte nun libro.
• O tesouro do Corsario Rafael Lema, finalista de novo do premio Martín Sarmiento.
• Atravesando o Atlántico en verso cos poetas da Costa da Morte.
• Cando naceu o nome da “Costa da Morte”? Un estudio de Rafael Lema.
• Os Naufraxios da Costa da Morte protagonistas dunha documental de Cuarto Milenio.
• Rafael Lema presenta o seu novo libro, ‘U-49’ .
• Pemon Bouzas e Rafael Lema presentaron os seus libros na Feira do Libro de Cee .
• Presentación de gala para a novela corsaria de Rafael Lema .
• Rafael Lema, o último corsario da Costa da .
• Ambrosio, o pirata de Camariñas .
• Rafael Lema, finalista do Premio Martín Sarmiento 2009.

Outras novas

• Os mapas de naufraxios de Pepe de Oleghario. Uns verdadeiros tesouros.
• A Gabarra Prima espera auxilio.
• Malpica lembrou cun libro o 125 cabodano do naufraxio do Priam.
• Un pesqueiro de Fisterra encallou nas rochas do Ézaro.
• De pecios ou tesouros submariños.
• Camariñas entregou as Flores da Memoria aos náufragos do Serpent.
• Cando naceu o nome da “Costa da Morte”? Un estudio de Rafael Lema.
• Os Naufraxios da Costa da Morte protagonistas dunha documental de Cuarto Milenio.
• Os 500 naufraxios da Costa da Morte.
• Costa da Morte, marco perfecto para o Necroturismo.
• As anécdotas de 454 naufraxios na Costa da Morte nun libro.
• O Naufraxio de Laxe celebrou a súa declaración como Festa de Interese Turístico con máis emoción que nunca.
• Lema Suárez estréase coa súa primeira novela de piratas “Costa do Solpor”.
• 4 novos tesouros en forma de pecios na augas da ría de Corcubión.

Fonte

• Información e Fotos de Rafael Lema, Delegado da Real Liga Naval Española.