Se queres descubrir o legado do mecenas Fernando Blanco de Lema da man do que mellor o coñece, Darío Areas, e descubrir os Tesouros da Fundación, non perdas a posibilidade de sumarte ao programa de visitas guiadas “Fernando Blanco de Lema. O home que foi quen de ollar mais aló. Coñece o seu legado”.

A Fundación Fernando Blanco de Lema de Cee pon en marcha estas visitas, que terán lugar os venres do verán:

• Xullo: venres 22 e 29.
• Agosto: venres 5, 12, 19 e 26.
• Setembro: venres 2, 9 e 16.

O horario de inicio de cada visita será as 11 horas no Museo Fernando Blanco de Cee, e terán una duración aproximada de 90-120 minutos.

Nas visitas farase un percorrido guiado polo Museo no que se dará a coñecer a figura do prócer ceense e a importancia do seu legado para o desenvolvemento educativo e cultural de Cee e contorna, para logo visítalo xardín botánico e a capela do Instituto Fernando Blanco de Cee.

Será preciso inscribirse previamente ou ben no propio Museo o no teléfono 981.747.221.

 TESOUROS DA FUNDACIÓN

• Lanterna máxica.
• O Abeto rego.
• Papoula Silvestre.
• Pirómetro de Cuadrante.
• Pila en columna de Volta.
• Gravado “A Virxe do Peixe”. 
• Custoria ou Ostensorio.
• Cristo Crucificado (óleo).
• Monumento dedicado a Fernando Blanco de Lema.
• Gramófono.
• Modelo Locomotora de Crampton.
• Telégrafo de Morse.
• Cámara escura fotográfica.
• Placa conmemorativa dedicada a Vicente Vázquez Queipo.
• Máquina de escribir Underwood Nº5 .
• Esquema orográfico e hidrográfico de Galicia.
• Fonógrafo de Edison
• Estación Telefónica Interurbana (O primeiro teléfono de Cee).
• Óleo de Fernando Blanco de Lema.