Xoves. 28.03.2024
El tiempo

O Modesto Patrimonio: Muíños Hidráulicos no Concello de Cee

Mapa cos Muiños de Brens
Mapa cos Muíños de Brens
O Modesto Patrimonio: Muíños Hidráulicos no Concello de Cee

Intentar facer hoxendía un inventario do noso antigo patrimonio arquitectónico da comarca como son os muíños fariñeiros convértese nunha tarefa complicada.

O autor deste artigo sempre se interesou por estes temas. Desde cativo, un cordel de fogueirón das festas, unido a un anaco de tanza atada na punta dunha vara longa, recorría os regatos en busca das abundantes trouitas, pois non había impedimento de vedas nin licencia; falo sobre o ano 1955. As presas dos muíños que almacenaban auga eran o meu lugar preferido, así que as conversas cos maiores era sobre os muíños e a súa localización. Isto provocoume gran interese en ubicalos en ortofotos aéreas dándolle coordenadas UTM e situalos nun mapa topográfico.

Como pasa co viño, co paso dos anos estas anotacións gañan valor. As novas tecnoloxías, fixeron que esta maquinaria rústica, composta por pezas con nomes propios e moi valorada polos vecinos foron esquecidas convertíndose en esqueletos, todos eles en estado ruinoso, durmindo na contorna dos ríos e cubertos cunha manta de silvas e outras malezas. Isto provocou que as novas xeracións esquezan os nomes e a propiedade, perdéndose a súa memoria histórica.

Pezas do muíño copia

Imos reseñar un inventario dos ríos e os muíños do término municipal de Cee, todos eles ubicados con coordenadas nun mapa topográfico 1: 25.000. Aproveito nesta ocasión para agradecer a axuda e colaboración que me brindou o meu familiar e amigo José de Franco, que co foiciño, rachando algún pantalón e máis dunha caída o rego, logramos descubrilos e poder facerlles algunhas fotos.

Teño inventariado 110 muíños. Contabilizáronse os arrastrados polas enchentas.

  • Río de Buxantes (o seu paso por Razo 16 (un batán).
  • Río de Fadibón 8.
  • Río da Lagarteira 16.
  • Rego de Estorde 5.
  • Rego de Toba 5.
  • Rego de Cabanas 7.
  • Rego Cavado-Morancelle 6.
  • Río de Porcar 10.
  • Río da Carbaliza 23.
  • Rego de Ameixenda 10.
  • Rego de Gures 4
 Pia e Ovo dun muino

OUTROS ARTIGOS NO "MODESTO PATRIMONIO"

Patrimonio Pindexo

 

Comentarios