APTCM prepara unha serie de reunións con administracións autonómicas, provinciais e locais

Directiva APTCM — A reunión, realizada tamén de xeito virtual, tivo lugar no Restaurante Carrumeiro (Corcubión), un dos 140 socios da entidade

07:21 14/04/23

A directiva da Asociación de Profesionais do Turismo da Costa da Morte (APTCM) mantivo no día de onte unha xuntanza de traballo co responsable da Consultora Técnica contratada co obxectivo de establecer as liñas de traballo para os próximos meses.

Unha das conclusións principais da entidade é a creación dun documento coas Liñas Estratéxicas da entidade para o Xeodestino que será presentado as diferentes administracións tanto locais, comarcais e autonómicas.
E por aí pasan iniciativas de potenciar os produtos locais e de proximidade tanto da pesca como da agricultura e/ou gandeira así como strong>poñer en valor e potenciar a cultura tradicional, o patrimonio e todos aqueles espazos naturais que ofrece o territorio.

Pero ademais, nesa rolda de contactos, procurarán finamenciamento tanto público (convocatorias de fondos comunitarios etc) como privada (aportacións de socios etc) para poder conseguir que a asociación se faga co “músculo económico” necesario para desenvolver iniciativas de impacto.

Profesionalización

A entidade reafirmou a súa aposta pola profesionalización, e puxo 4 alicerces á estratexia:

A ordenación.
A sustentabilidade.
A Calidade.
A profesionalidade empresarial.

Información

Outro dos temas que se trataron foi o de obter información mais en detalle por socio para poder ter unha “fotografía mais real da oferta do destino turístico para así poder adaptala ao mercado”. Esta información se vai a obter mediante modelos de enquisas adaptadas para cada un dos sectores que conforman a asociación, como a realizada recentemente sobre os datos de impacto da Semana Santa.