Coa Laracha en nivel de restrición Alta e Fisterra en nivel Medio, continúa a Costa da Morte campeando esta recta final de pandemia. A forte constrición e o ritmo de vacinación (hoxe hai convocadas 611 persoas para vacinarse con Pfizer no HVdX) permitiu que o último repunte acontecido entre finais de abril e principios de maio fose controlado.
Ademais, dende o 27 de marzo o Sergas non dá conta de ningún falecido no Hospital Virxe da Xunqueira, onde a día de hoxe hai unha persoa hospitalizada.

A baixada drástica de casos na Laracha e Carballo provoca unha importante caída. Así, en menos dunha semana baixamos de 129 casos a 93 nos últimos 15 días, polo que a incidencia a 14 días cae en Bergantiños de 110 a 45 novos casos por cada 100.000 habitantes, e situándose no global dos 19 concellos da Costa da Morte en 71 (polos 98 da semana pasada).

Por Fisterra saltou a alarma ao longo da semana pasada coa hospitalización dunha parella dunha aldea Sardiñeiro que xa recibira a primeira dose, e que nos obriga a seguir coas meirandes precaucións. É precisamente nese lugar onde se concentran 9 dos 13 casos rexistrados nos últimos 14 días.

Polo lado positivo, Dumbría, Vimianzo e Malpica son dous únicos Concellos que non contan a día de hoxe ningún caso activo.

Clara caída nos Centros de Ensino

En apenas unha semana a baixada da incidencia é tremenda nos centros de ensino: de 28 casos en 11 centros rexistrados o pasado 11 de maio, aos 6 casos en 5 centros rexistrados este mesmo mércores 19.

MÁIS NOVAS SOBRE O COVID

• 12-05-21: COVID: Fisterra entra en nivel medio e Carballo e Coristanco volven ao nivel baixo de restricións.
• 05-05-21: COVID: A Laracha, por un gromo no CEIP de Caión, súmase a Coristanco no nivel alto de restricións.
• 03-05-21: COVID: A incidencia nos centros de ensino multiplícase por 4 en 10 días.
• 29-04-21: COVID: A Laracha e Carballo, no nivel medio de restricións.
• 28-04-21: COVID: Coristanco sube este venres ao nivel alto de restricións.
• 28-04-21: COVID: O Sergas prepara outro cribado no IES da Laracha ante o repunte de casos en toda a comarca.
• 26-04-2021: Coronavirus: Carnota pasa a nivel medio e o Sergas fai cribados en Carnota, Carballo e Vimianzo.
• 23-04-2021: O Sergas realizará mañá un cribado en Vimianzo ante o repunte de casos.
• 21-04-2021: Lixeiro repunte na comarca.
• 12-04-2021: Un só caso positivo nos centros de ensino da comarca.
• 07-04-2021: Todos os Concellos da Costa quedan en nivel baixo de restricións.
• 22-03-2021: COVID: Os maiores de 80 anos da comarca xa reciben a segunda dose .
• 17-03-2021: COVID: A hostalería poderá abrir ata as 21:00.
• 15-03-2021: COVID: A Costa da Morte baixa dos 100
• 05-03-2021: COVID: Ningunha aula pechada nos apenas 13 centros afectados da Costa da Morte.
• 02-03-2021: COVID: A pandemia marca os seus mínimos 
• 22-02-2021: COVID: O cribado de Carballo reafirma a tendencia á baixa.
• 22-02-2021: Primeiro día de vacinación á veciñanza maior de 80 anos no Centro de Saúde de Muros