Axenda moi copeira para a primeira fin de semana de xuño

10:07 05/06/15

Zas e Corme protagonizan unhas das semis mais intensas da Copa-Foto-Alejandro Mel

Nova xornada futboleira para este comezo de xuño, con claro protagonismo para a Copa da Costa. Son varias as frontes que teremos abertas en www.copadacosta.com, e como non, comezamos ca senlleira competición.

A polas semis da Copa

Xa que o domingo coñeceremos aos semifinalistas. Só o XSC ten o pase asegurado tralo 7-1 da ida, mentres as outras 3 eliminatorias están por decidir. Ten unha gran vantaxe o Seaia, despois de 3-0 da ida ante o Cee, pero co #ReideCopas nunca se sabe, e como demostrou ante o Castriz, pode remontar o resultado. No outro lado do cadro, o Fisterra sorprendeu ao Sofán en Ara Solis, pero o Sofan, que puxo moito para chegar lonxe nesta Copa, fará do Carral un fortín para remontar. Será sen dúbida un partidazo. E outro partidazo é o que e verá no Cairo. O Corme chega con vantaxe, pero o Zas non ten esta semana doble partido, e ademais pode ser xa equipo da 1ª Autonómica para a vindeira semana polo que a Copa pasaría a ser obxectivo principal.

O Zas pode ascender… sen xogar

E dicímilo porque descansa o Zas esta xornada na Fase de Ascenso á 1ª Autonómica. Pero a vitoria do Palmeira, deixando ao Tordoia sen puntuar, situaría a Palmeira e Zas como novos equipos da 1ª.
Co Palmeira tifará a marea do Zas, pero tamén a xente do Montelouro, porque o seu ascenso liberaría unha praza na 2ª e devolvería ao cadro loureán á Liga da Costa.

A Promo da 3ª

Despois do mal protagonismo da Promoción da 3ª mesmo a nivel estatal, volven as semifinais desta Fase. O Coristanco e o Corcubión téñeno de cara para meterse na finalísima polo ascenso. O cadro coristanqués sacou un 0-2 de Lombáns e xogarase o pase na Rocheira. Mentres, o Corcubión, con 4-1 a favor, visita Arliña ante un tocado Muxía por mor das graves sancións impostas polo Comité.

O Dumbría segue o seu camiño á Liga Galega

A nosa única baza de ascenso ás Ligas Galegas é o Dumbría, que terá que superar dúas eliminatorias máis para ser novo equipo da liga autonómica. O primeiro rival é un Betanzos, que vén de superar aos Miúdos, pero que pasa por ser un equipo perfectamente asequible para o nivel dos costeiros.