O Lira é sancionado con 3 puntos por aliñación indebida

O Lira é sancionado con 3 puntos por aliñación indebida

11:40 12/12/14

Demetrio e Sebas loitando no Corcubion-Lira-Foto-Luis

E parece que non é certo, pero a Federación sancionaba con 3 puntos e 60€ de multa ao conxunto liracho por, supostamente, aliñar a un xogador sancionado, Pesco, no partido contra o Corcubión da xornada 12. Un partido que venceran os carnotáns 3-2, pero que trala resolución do comité, quedaría 0-3 para os corcubioneses, como xa vimos de modificar nas nosas táboas, baixando da 2ª á 5ª praza con 19 puntos.

Con estupefacción recibían a nova os directivos do Lira, pois a pesar de que o Corcubión reclamase hai dúas semanas, aseguran que non houbo aliñación indebida en ningún caso.

I é que Pesco, José Buján Martelo, o suposto aliñado indebidamente, non xogou ese partido. De feito, era expulsado e sancionado con 3 partidos o choque anterior contra o Laxe, e non xogou dende aquela. Aseguran dende o Lira que o si xogou foi Yanki, José Bermúdez Candamo, que non aparece na acta.

Ante a situación, o cadro liracho vai ver que pode facer, pero parece que o prazo de reclamacións ten vencido. O propio delegado, Chucho, que ademais é sancionado con 2 meses, asegura que "Este ano o Lira nunhca puxo nin porá unha aliñación indebida, porque sería unha falta de respecto ao resto de equipos e aos outros xogadores que quedan sen convocar".