Xoves. 18.08.2022
El tiempo

Os balóns da Olería de Buño, listos para a Gala do #FutboldaCosta

Balons de Buno para a Gala do Futbol da Costa feitos por Feituras
Os Balóns de Buño para a Gala do Fútbol da Costa están feitos por Feituras
Os balóns da Olería de Buño, listos para a Gala do #FutboldaCosta

Todo listo para a VII Gala do Fútbol da Costa - QPC. Hoxe, venres 1 de xullo de 2022, volvemos vernos as caras 3 anos despois da última edición. Farémolo a partir das 21:00h no Centro Cívico de Malpica, convertindo este evento, na previa da final da Copa da Costa, nun punto de encontro no que nos vemos as caras e tratamos de vertebrar a Costa da Morte a través do fútbol. Porque o Fútbol da Costa é moito máis que un deporte; é, coma sempre dicimos, un activo social comarcal.

Con Fran Hermida como eterna voz do noso fútbol, e Adrián do Regenco sacándonos as risas, faremos entrega de máis de 40 destes singulares trofeos.

Porque boa parte dos que, de seguro encherán o auditorio, chegarán coa ilusión de levar un destes prezados balóns da Olería de Buño para os seus salóns. Todo un mito xa na comarca, pois levamos dende a segunda edición convertíndoos en obxecto de desexo de cada xogador/a da Costa.

Uns trofeos feitos co máximo cariño polos artesáns de Feituras, facendo visible o noso intento de poñer en valor a nosa milenaria artesanía oleira.

Temos máis de 40 premios, con Fútbol Feminino como protagonista; faremos unha viaxe do futuro (co premio do Fútbol Base) ao pasado (co Premio HIstórico), e teremos momentos de emoción lembrando persoas que nos deixaron antes de tempo como Alex Pombo ou Abdoulaye.

Gala 2022

Repaso das Galas

comentarios